ظلموني و بكاو عليا قصة ليلى " باللهجة الجزائرية "

5

#من_صفحة_هنا_نحكي_حكايتي
#ليلى
#الحلقة5
قتلكم خلعني لاريبونص تاعها نكرت كلش قاتلي انا ماشفت حتى ذهب و سمحيلي منيش عارف على واش راكي تهدري
...قتلها راكي من نيتك ....قتلي وي بانتلي راكي مريضة ....فتحت الباب وقاتلي مع السلامة ومذابيك متزيديش تجي عندي ...جيت نهدر قاتلي و لا كلمة و الله انا لي نلم عليك الجيران ....ها خرجت من عندها و ماني فاهمة و الو منيش موالفة بهذ الصوالح .....رجعت لدار و نخمم كي ندير ندمت ندمة مفوقهاش واش داني و غاضني السيد ....كي ندير ضروك ....نخمم نخمم حتى تفكرت لي ميساج لي بعثتهوملي بعثتلها ميساج قتلها شوفي بلاكي تقولي قولبتيني قتلها انا منيش طامعة فالسرقة انا تحشاتلي و رحت معاك فالخط بصح لي ميساج لي راكي بعثتهملي قاع راهم عندي يا ترجعي الامانة لمولاها يا والله ما تفرها ...قعدت وحد شوية بعثتلي ميساج قاتلي تعرفي الكوميسارية تقدري تروحي ......مأمنتش عقلي خبيثة ...عارفتني بلي منروحش باسكو كون نروح انا تان نروح فيها ....قتلها منروحش للكوميسارية نروح لداركم ...قاتلي واش راكي تستناي قتلي تفضلي ..قتلي ننضرب و من بعد ينساوها و تفوت القضية شكون خاسر ( معنتها يضربوني ومن بعد نفرح فالذهب وحدي بصح مكتبتهاليش باه منحكش براف وحدوخر عليها  معنتهالي ) كارثة الله يحفظ مخلاتنيش نتنفس ....ولي تاكدت منها ذيك الضربة كيما قاتلي فؤاد خويا فاقلي قاع مكاش منها غير باه تقلوبني ...المهم بقالي حل واحد اني نخبر خوها هو يجبدهم ...ومن بعد.درت في رايي خفت مدام طفلة و سراقة الطفل كيفاه ..كون يصيبهم و الله ما نكحلو عليهم ..تلفتلي المهم خدعتني و دخلت انا و ياه في حرب و الحرب الكبيرة كانت بيني و بين ضميري نضل نخمم في ذاك السيد و هدرتو ..مصبتش قاع كي ندير ...ضروك كون نروح نخبرو بالصح يروح ليها لدار و نضلو فالشروعات و الحبس فيها فيها مدام اعترفت انا ...وانا الحبس هذا قاع منيش متخيلاتو ....حصلت حصلة كبيرة .....#يتبع ...