#من_صفحة_هنا_نحكي_حكايتي
#ليلى
#الحلقة_13
قتلكم انا قاعدة مخلوعة و حماتي الكبيرة متقابضة مع زهيرة حتى قريب يتشابكو ناضت يما سلكت بيانتهم ...نضت وقلت لزهيرة نوضي نوضي رحنا لشومبرة و خليتهم ثم دايرن الهراج . ...اصلا مكانوش قاع حاطين معايا و لا مع تصديرة بقينا ثم ...جات وحدة عمتو تسقسي فينا و تقرعيج الله يحفظ و يستر.. وين راهي خالتها ..وين راه جدها ....الغاشي قاع سقسات عليه ....المهم من مور العصر ..جات ختو ثان و حدوخرة كبيرة وسما حميدة (كاين خوتاتو 3 بلا زواج) المهم جات عندي وجبتلنا القاطو و القهوة فيها وحد شوية تاع حنانة ...حطتلنا و قاتلي الله غالب حنا دايرين هاك و بدات تتبسم ..(الطفلة خرجت قارية فالجامعة بصح بلا خدمة ) قلت الحمد لله ياربي لي كاين وحدة تصلح ...وعجوزتي قاع مشفتهاش لاهية غير مع الغاشي برا ....المهم بداو يعشو تعشات زهيرة و راحت دها خويا قعدت معايا غير يما ...المهم جا الزوج تاعي ...واش نحكيلكم ..علبالي بلي اعاقة من عند الله و علبالي قاع نبغو نكونو كلاص بصح مقدرتش نشوف كي دخل عندي بقيت غير مهبطة راسي .....قعد حذايا حتى هو حشمان ...قلي علبالي راكي كارهة و علبالي راكي مخلوعة قلي بصح انا شا ذنبي الله غالب ربي خلقني هاك .....(حسيت موس دخل في قلبي نهار قلي هاك) ...ضعفت قدامو ...غاضني ....قلي رحت لشعال من وحدة و مقبلونيش ...(كمل عليا ديراكت ) ...قلي وانتي مزلتي صغيرة و من حقك تعيشي حياتك ...هو يهدر و انا نبكي ..قلي و الله و الله كون تقوليلي خرج ضروك غير نخرج ....هززت راسي ( بمعنى لالا) ....حسيت قلبو زين و بيض ....قريت شوية قرآن في قلبي ودعيت و حد الدعاء باه نريح ...المهم كورجت و طلعت راسي فيه و حطيت عيني في عينو يا لبنات وجه ملائكي منور عندو وحد اللحية خفيفة عينه كحل وكبار ..براءة ....قتلو حكيلي على روحك كيفاه زدت هاك و لا صرالك مشكل و اش تخدم و كيفاه دايرين داركم ..المهم حكالي كلش ....نحيكلكم باختصار قلي انا خدام عساس فليكول تاع الابتدائي لي حذانا و قلي زدت هاكا خاوتي قاع زادو نورمال بصح فيا انا يما مرضت خرجت هاك ...قلي خاوتي 3 متزوجين و بدا يعرف بيا في سلايفي و يقلي شكون الواعرة و شكون لي مليحة و هدرلي على خوتاتو كاين المتزوجين و ذوك 3 لي حكيتلكم عليهم يسما كزيرنة قلي دايرن نوبة كل يوم يخدمو زوج ...زوج يخدمو الكوزينة و خدمت لداخل و زوج يخدمو برا يصلحو و يحلبو ...ولخرين راهم مريحين ..(يااا حبيبي ) قلي خدمي خدمتك و متهدريش معاهم و متدخليش في لعبهم ....( في قلبي قتلو الحرب راهي تستنى فيا ) ...المهم فاتت ذيك ليلة بخير و على خير ...ها صباح الفجر من مور الاذان الزاوج ...بدا طبطيب فالباب انا قلت خلاص الارهاب صدمو علينا نضت مخلوعة ....مجيت نلبس وونفتح الباب حتى قريب قلعوه ..كي فتحتو ......#يتبع....
أنت تقرأ
ظلموني و بكاو عليا قصة ليلى " باللهجة الجزائرية "
Short Storyاخطأت فلازمها عذاب ضميرها .. ارادت فعلا ان تصحح خطأها .. ليلى فتاة مدللة وجدت نفسها امام ظلم كبير فقط لانها حالت ان ترضي ضميرها قصة واقعية و للامانة حزينة من عمق المجتمع الجزائري
