مرحبااا اني الكاتبة اية وهاي اول قصة اكتبهة وهية واقعية من واقعنة ان شاء الله اكدر اوصل القصة بشكل حلو وبسيط وتعجبكم واعتذرلكم مقدما اذا صار غلط بالقصة بس اني مبتدئة وهاي اول قصة الي
وهسة ابقيكم وية القصة
(سَمر حُبك)
(بارت الاول)
البطلة :
فزيت على ضربة ببطني وكعدت من النوم شفت مرت عمي كل عادة اجت تريد اكعد انضف ضلت تصيح بنت الدلال كومي عيني لحد هسة نايمه ساعة ب9 كمت بتملل ومجاوبتهة متعودة عليهة كالت يلا بسرعة تعالي نضفي كلتلهة حاضر طلعت ورحت ابدل بسرعة بدلت ولملت غرفتي او اقصد المخزن النايمة بيه وطلعت نضفت مثل كل يوم وسويتلهم ريوك كملو غسلت المواعين وصعدت للغرف نضفتهن وكملت نزلت كعدت بالحديقة اغسلهة واشتم هوى ومر الوكت صار الظهر رحت للمطبخ اسوي غدة سويت دجاج شوي بالفرن وسويت زلاطة وطلعت طرشي وخليتهن على صفحة انتضر الدجاج كعدت بتملل على الكرسي وصافنه على حياتي شلون تغيرت 180 درجة جنت يم ابوية معززة مدللة بس شاء القدر انو ياخذهم مني
نرجع لحياة البطلة قبل وراح نعرفكم عليهة
مرحبا اني البطلة اسمي همسة وراح اعرفكم على اهلي
بابا : محمد عنده معرض سيارات والحمدلله الله رازقنه
امي : هيفاء ربة منزل
اخوي الكبير : امير هاذة العشق مالتي احبه حيل واكثر شخص اشاقيه وهوَ هم يحبني ومدللنب
اخوي الاصغر من امير : سجاد هاذة مخلصة فلوسه اني فديته كله يجيبلي اندومي وحبشكلات
اختي : هدى هاي الي احبهة واتعارك وياهة
الاصغرر بالبيت الي هية انيي اسمي همسة ومدللة ماما وبابا طبعا اصغر وحدة بيهم
خل احجيلكم على حياتنه
جنت عايشة احلى عيشة اهلي مدلليني واخواني فديتهم احبهم واتشاقة وياهم
وابوية الله رازقه لان هوة شاغول ويشتغل وبتعبه الله رزقنه بس عمامي مو مثل ابوية مو شاغولين ومكضيهة بس يشتكون من عيشتهم ويكرهون ابوية لان مثل مكلتلكم ناجح والله رزاقنه بس ابوية ميكطع بيهم دائما يزورهم ويساعدهم بالغذائية والفلوس بس مهما يسوي الهم ميحبوه
مر كلشي طبيعي الى أن اجة اليوم الي ما انساه بعمري ...
يتبع.....
#الكاتبة_أية
