(سَمر حُبك)
__
طلعت من الحمام وركض لغرفتي قفلت الباب ونمت على فراشي ضل يجي على بالي الموقف الصار بيه جبرت نفسي انام حتى انسى الي صار كعدت على صوت دك قوي بالباب وصياح جنات
جنات وهي تدك بالباب : بعد بعد نامي واجي اغسل رجليج كومي لج شنو نايمه للظهر
كمت فتحت الباب وتلكتني
جنات : هلا بالعروس جان بعد ضليتي نايمة
همسة : اي ولله لو باقية نايمة
جنات : بنت ال... انعل ابوج لابو امج ال....
همسة : لتغلطين على اهلي تاج راسج وراس اهلج
جنات : تاج راسي مو دتعالي
الحقيرة ضلت تجر بشعري واني لازمته حيل وتغلط على اهلي تالي جرته حيل وكالت ولي نضفي يلاا رحت للمطبخ غسلت وجهي شلون صباحية تجنن شفت شعري وكع منه كم شعراية شلت شعري بالكماشة وبديت الروتين الملل تنضيف اكل غسل مواعين غسل ملابس روتيني عبالك مال وحدة عمرها 40 سنه وعندها 4 اطفال
واليوم جنات شدت وياي اكثر لان تعاركت وياهة طلعت الكلمة من خشمي وانوب منا اني اسوي الشغلة واتلفت خاف يجي كرار الحقير الحمدلله مشفته من الصبح لحد ما
جنات : امشي نضفي غرفة كرار هم يلا
همسة : مو هوة هسة نايم يمكن من يكعد انضفهة
جنات : لا روحي هسة نضفيهة
همسة : مو نضفتهة قبل كم يوم نضيفة
جنات : راح اجيج بالنعال كل شوية مو مو ولي نضفيهة بلا لغوة زايدة
حاولت اتهرب منهة بس جنهة الموت تركض وراية توكلت على الله ورحت لغرفته
فتحت الباب لكيته نايم كلت بكلبي نومة اهل الكهف انشالله اشتغلت بحذر حتى ميكعد جبت الماسحة وبديت امسح الا ان نشلت اطرافي من سمعت صوته هوَ وديكعد انداريت لكيته ديفرك بعينه ومبين مسطور من الشرب غير اني اجتني صطرة لا اكدر امشي ولا اكدر احجي كام كرار من الفراش بتثاقل ودايخ اجة لجهتي قطرة دم مبقت بيه اريد امشي رجلي صارت خيوط
اجة كدامي و راح للحمام عزا مصدكت راح من يمي ضليت احرك برجلي حتى اكدر امشي عليه تالي كدرت امشي مسحت بسرعة ونزلت مر اليوم واني اتختل
مرت الايام الا ان سمعت الحية جنات دتحجي عليه يم احمد
جنات : هاي بنت اخوك العرمة راح تموتني بس تلاسن
احمد : تحمليهة بس يصير عمرها 18 واخذ الورث واشمرهة بالشارع قابل اني الي رايدهة
رحت لغرفتي واكول تريد الورث مو دنتظر لعد الا اسوي بيك سواية كلب الفلوس فكرت بخطة باختصار لو انجح لو اموت بس كلت منا لذاك الوقت الله كريم
يتبع.......
سؤال// منو تتوقعون البطل هل هو كرار او غيره؟
حبايبي ادري البارت قصير بس مشغولة ف انشالله اعوضكم بالايام الجاية
الكاتبة اية✨
