(سَمر حُبك)
همسة : خفت شوية من كلي اني اعقد عليج لان الي اعرفه اكثر الضباط يشربون والمو زين أثر على الزين واخاف سيف من هل نوع كتله ماشي وطلعت من الغرفة بسرعة
سيف : قطع سلسلة تفكيري باب غرفتي دتندك كلت تفضل طلعت همسة جبت الكرسي وكلتله كعدي تتحرك بهدوء وكصيبتهة تتحرك وياهة كعدت كدامهة وحجيت وياهة وانطتني الشروط كلت بكلبي تشرطي بكيفج يكلبي بس علمود شوفتج ابيع الدنيا كلهة كالت منو حيعقد عليه كلتله اني شفتهة خافت وتبعد نضرهة عني كالت ماشي وطلعت
تمددت على جربايتي وضحكت كلت بهل سرعة حبيتهة؟؟اخخ هم يجي يوم وتصير حلالي بس راح تحبني لو لا؟؟
همسة : طلعت من يم سيف كلبي يدك بسرعة مدري شبيه رحت لغرفة بنين كلتلهة تعالي يمي
كعدنا نسولف اني وبنين وكل متسولفلي عن اهلهة اتذكر اهلي وخوالي وراهة رجعت لغرفتهة لان نعسانة
سيف : مكدرت انام طلعت للحديقة وكعدت على مقعد وطلعت جكارة وشغلتهة صرت اشرب الجكارة واباوع على شباك غرفته وانفخ الدخان رحت اجيب مي وطلعت صوت بس مهتميت ورحت لغرفتي اخذت اللابتوب ورجعت للحديقة اشتغلت باللابتوب واشرب الجكارة باوعت للشباك شفت ظلهة هيَ عبالهة ممبينه بس البردة خفيفة مبين ظلهة ابتسمت وسويت روحي دا اشتغل باللابتوب بالحقيقة اباوع عليهة تالي شفت تأخر الوقت هواي كلت خل اروح انام حتى هيَ هم تروح
__
همسة : راحت بنين وضليت كاعدة بعدين سمعت صوت بالمطبخ خفت انزل خاف حرامي فتحت بس باب غرفتي واباوع شفت سيف دياخذ مي وطلع برة اجاني فضول اشوف شديسوي رحت على الشباك وشفته كاعد على كرسي وحاط رجله على الطبلة وحاط اللابتوب على رجله وديشرب جكاير شكله عجبني ضليت اباوعلهة هوَ نفخ دخان وضيك عينه وابتسم مادري على شنو شفته سد اللابتوب وكام اني هم انتبهت على نفسي شدا اسوي ورحت نمت
مر يومين هادئين تعرفت على الكل وشوية راح الخجل مني
الا أن اجة سيف عليه وكال
سيف : عكب باجر الجلسة مالتج عمامج استلمو الدعوة
همسة : بيا ساعة نطلع
سيف : ب8 وبخصوص العقد بعدين اكلج شنو راح يصير هسة مشغول
همسة : تمام
__
سيف : خابرني صديقي وكلي عمام همسة استلمو الدعوة وعكب باجر الجلسة رحت كلت لهمسة
ورحت لابوية كتله على الجلسة سئلته على العقد
الشيخ : بوية الي ياكل بالمحكمة العقد الي تسووه بالمحكمة مو عقد سيد بس احنا عدنا عقد السيد اهم حتى تكون حلالك عند الله ف برأيي اعقد عقد محكمة وعقد سيد بس استعجل بس باجر عندك
