(سَمر حُبك)
مر الوقت واجة الوقت الي ينتضروه عمامي هوة يوم بلوغي سن 18
كعدت الصبح عادي روتين ممل
كاعدة بالمطبخ انتضر الاكل يصير اجة عمي احمد وبيده ورقة كعد وكال هاي ورقة مال تثبيت ملكية ببت ابوج مدري شنو بس المحكمة دزتها بيد شرطي وكال لازم توقعين تذكرت سجاد من ودعته شكلي
سجاد : همسة اي ورقة ينطوج لتوقعيهة او اقري الورقة وعيديها اكثر من مرة يلا توقعين
__
همسة : ما اوقع
احمد : ميصير لازم توقعين
همسة : شنو اجبار كلت ما اوقع
احمد : لج وقعي لا اكوم اطيح حضج
اخذت الورقة منه جان طابكهة بس يكلي وقعي هنا فتحت الورقة وقريتهة مو مثل مكال انطيتياه وكتله مراح اوقعهة لو مادري شيصير
كام عليه يجر بشعري شطلع هل شعر ياهو الجاي يجره كال اخر كلام توقعين لو لا
همسة : لا
كام يضرب بيه شكد حقير عباله الرجولة بالضرب بالاخير سمع الباب تندك عافني وطلع ردت اروح بسرعة لغرفتي بس رجع بسرعة لكيت وياه ثائر و مهند كلت كملت السبحة
احمد : شوفوهة بنت ال... متقبل توقع
مهند : هسة اربيهة من جديد اذا موقعت
ضلو يصيحون عليه وقعي ووقعي بس اني ضليت معانده تالي بدو يضربون بيه ويعيطون اخير شي تعبو
احمد : عوفوهة ختولي اني اعرف شلون اطيح حضهة
عافوني وراحو جمعت قوتي وكمت بصعوبة شفت جنات مطفية الطباخ ولا شفتهة رحت لغرفي ابجي واكول ليش ربي هيج يصير وياي التفت لحالي وغيره وروح ابوية تعبت من امتحانك نمت على فراشي جسمي اطبع اكثر وايدي صارت زركة من الضرب كلت بيني وبين نفسي مبقة شي وتنفذين خطتج تحملي ضليت مدري شكد ادعي وابجي محسيت على نفسي ونمت كعدتني جنات
جنات : كومي غسلي وبدلي راح يجي اخوية قصي يشوفج
همسة : يشوفني؟؟ ليش وشعليه بيه
جنات : ياا متدرين مو حيخطبج
همسة : شنوو يخطبني ومنو كلكم اني اوافق رجال عجوز وانوب يشرب وتريدوني اتزوجه
جنات : توافقين متوافقين مو مهم عمامج الي ياخذون القرار تزوجين ويكسر راسج ويخليج غصب توقعين اخوية يجنن مو زين قبل بيج يلا كومي بدلي بلا كلام وعافتني وراحت
قفلت الباب وجبت جنطة اخوية امير الله يرحمه كبيره تنشال على الضهر جان يشيلهة بالاربعين مال الامام ف كبيرة حطيت بيه ملابسي وطلعت الفلوس الي مجمعتهن وضميتهن بالجنطة وخليت الجنطة بمكان ميبين
وطلعت لكيت المواعين تنتضرني رحت غسلتهن وشفت باقي شوية من الاكل اكلت وغسلتهن
اجت جنات
جنات : هاي بعدج مبدلتي
همسة : ما ابدل
جنات : كبور لهل وجه
العصر اجة قصي ويع بكد ابويه يريدون ازوجه وانوب يباوع عليه نضرات مال مراهق
عفتهم ورحت لغرفتي شلون مصايب دتجيني وحدة اقوى من الثانية وانوب باجر ما اعرف شحسوي
صار المغرب سويت عشة وتعشو وصليت وغسلت المواعين ورحت لغرفتي خايفة من المستقبل شنو راح يصير وياي اليوم فكرت انهزم لغير محافظة طبعا ما اشجع اي بنية هيج تسوي لان سمعة شرفها واهلها واصلا صعبة عليهة بس اني مبقى شي مخسرته بقت بس روحي
ساعة 3 اجة الوقت الي اطلع بيه جسمي كله يرجف لبست ملابسي وطلعت جنطتي و
يتبع.....
شنو تتوقعون راح يصير وية همسة وهل راح يكتشفوهة او لا
#الكاتبة_اية
