(سَمر حُبك)
همسة : طبعا اكيد هاي الفترة اصعب ايام حياتي صح خالتي ممقصرة وياي بس تبقى معزة اهلي بكلبي واتذكرهم
يوم الاربعين
همسة: تمنيت هل يوم ميجي لان راح افارق اخوية الي بقالي من اهلي اجتي هواي مواقف وتخيلات بس طردتهن من عقلي كلت تفائلو بالخير تجدوه باوعت لساعة شفتهة ب4 ونص احنا متفقين ب6 نطلع منا بالمنشئة كمت توضيت وصليت رتاحت نفيستي كعدت اقرة قرآن وهديته لاهلي ضليت اقرة لحد مشفت الساعة ب5 و 10 دقايق سديت القرآن وشلت السجادة رحت بدلت وببالي اكول اليوم اشوف عزاز كلبي بس مو مثل كل مرة حشوفهم جوة التراب اجت خالتي دكت الباب مال غرفة عبالهة بعدني نايمة
ورود : همسة كاعدة عيوني؟
همسة : اي خالة كاعدة دا ابدل
ورود : تمام حبيبتي كملي وتعالي اكلي لكمة
كملت تبديل شلت شعري شلون مجان واخذت عباية وشال من خالتي لان نريد نروح نزور الامام علي (عليه السلام) خليت العباية بعلاكة وطلعت للمطبخ
لكيت رجل خالتي واحمد ديتريكون صبحت عليهم وكعدت يم زهراء بنت خالتي اني متريكت لان تلعب نفسي بالطريق صليت انتضرهم يكملون اندكت الباب راح احمد فتحهة طلع سجاد
سلم على الكل وزهراء كامت من يمي حتى سجاد يجي يمي
اجة حضنته وسلمت عليه ودمعة بعيني لان هاي اخر مرة حشوفه قبل ميسافر هوة شافني كلي همسة لتدمعين هيج ترا والله هسة الغي سفرتي كلهة وابقى هنا تعرفيني ماكدر اشوف الحزن والدموع بعيونج
همسة : لا حبيبي كلشي لتسوي ان شاء الله توصل بسلامه
باس راسي فدوة لكلبج حبيبتي وعد ما راح انساج ثانيهه وبس يصير عمرج 19 اجي اخذج
هزيت راسي بالموافقة ومسحت عيوني
مشة الوقت لحد الساعة 5 ونص طلعنا للمكان الي متفقين نجتمع بيه عند المنشئة
صعدنا بالمنشئة وضلينا ننتضر البقية
طبعا همة هواي ف مكفينا كلنا بمنشئة اكو ناس اجوي بسيارتهم وبدو يصلون على النبي ومشت المنشئة اني كاعدة يم سجاد بالبداية ضليت كاعدة بعدين نعست خليت راسي على الشباك مال منشئة اكو بردة على الشباك محد يشوفني
بعد تقريبا 3 ساعات وصلنا كعدوني ملكيت سجاد
همسة : همست لزهراء اكلج وين سجاد
زهراء : هسة يجي راح يجيب بخور ومي ورد بعد لان ميكفي
همسة : تمام....غير يلا عاد اريد اروح لاهلي
اجة سجاد وبدينا نمشي لحد منوصل للقطعة المدفونين بيهة اني ما اندل لو اندل اخليهم يتبخترون واروح ركض
