(سَمر حُبك)
ضليت انتضر حمزة لحد ما اجة وصعدت وياهم ووصلنا للمطار نزلنا انه وحمزة وسوينا الاجرائات وبقينة ننتضر ما اطولهة عليكم صار كلشي طبيعي ووصلنا لتركيا اجرنا شقة وخابرت همسة
همسة : الو سيف
سيف : هلا يروح سيف شلونج
همسة : من سمعت صوتك صرت بخير
سيف : شبيه صوتج يعمري ليش مبحوح
همسة : لا مابيه شي
سيف : حياتي لتبجين انه بخير وكم يوم وارجع
ضليت احجي وياهة وراهة نهيت الاتصال ونمت
ضلينا انه وحمزة نتبع قضية سجاد لحد معرفت السجن الي بيه سجاد لبسنا الزي انه وحمزة ورحنا للسجن زيارة لسجاد ضلينا ننتضره وراهة اجة شاب لابس لبس المجرمين ولحيته طويلة كعد على الطاولة
سيف : شلونك سجاد
سجاد : على الله منين تعرفني
سيف : انه زوج همسة اختك
سجاد : شلون اختي تزوجت شلون منو زوجهة الك بعدهة عايشة
سيف : اي عايشة
سجاد : بداعة عزاز كلبك اذيتهة لو لا
سيف : اكو واحد يأذي روحه هيَ نهزمت من …… (حجيتله شلون نهزمت واجت الي) وانه هسة احبهة اكثر من روحي واجيت هنا حتى اطلعك وافرحهة ميهون عليه ابقيهة مقهورة عليك
شفته عيونه دمعت
سجاد : ما اعرف شلون اجازيك لان خلصت اختي من الضلم الي جانت بيه
سيف : ما اريد شي غير بس اطلعك منا وافرح همسة عندك معلومة او شي تعرفه عن سجنك
سجاد : ما اعرف شي بس اكو شخص اجاني زيارة انطاني رسالة من عمامي
سيف : اوصفلي شكله وانطيني الرسالة
وصفلي شكله واخذت الرسالة منه وودعته ورحنا انه وحمزة نشوف مواصفات الرجال ومواصفات الشخص الي ساعد عمام همسة وعرفنا انو هوَ نفس الشخص عرفنة موقعه وضلينا نراقبه شي 4 ايام ووراهة قررنا اني وحمزة نهاجمه ونخليه يعترف اجرنا سيارة خليت حمزة يروح يحاجيه حتى ناخذه لمكان بعيد
(الحجي بالتركي)
حمزة : مرحبا
المجرم : اهلا؟
حمزة : اخي ممكن ان تدلني على منطقة ….. (هاي المنطقة بعيدة ومقطوعة)
المجرم : ليس لدي وقت
حمزة : اخي ارجوك انا جديد هنا ولا اعرف الاماكن دلني على هذه المنطقة وسوف اعطيك ما تريد
المجرم : حسناً اتبعني بسيارتك
حمزة : حسنا
رجع للسيارة وبدة يسوق هَذا المجرم كدامنة واحنا وراه لحد موصلنا لهاي المنطقة قدمنة السيارة عليه ووكفنا بطريقه يعني صار مثل حرف T هوَ طفة السيارة ونزل
