(سَمر حُبك)
بداية اليوم عادي مثل كل مرة عركات وية جنات ومريم الا ان كمت امسح البيت مسحت الطابق الاول وصعدت للطابق الثاني الي بيه غرفة نوم عمي مسحت الممر وسمعت عمي ديحجي بالتليفون وية عمي ثائر ويكول
احمد : هاذة الحقير ديهددنه يكول اذا متنطوني فلوس بعد اروح اعترف عليكم واخليهم يطلعون سجاد من السجن ويسجنوكم منين اجيبله فلوس لهاذة
همسة : انصدمت من كال هيج يعني هسة اخوية بالسجن لا يا حقير مو هوة ابن اخوك من لحمك ودمك
مادري شنو كله عمي ثائر ورد عليه لك لا مو كال القاضي القضية مفتوحة يعني بعده التحقيق بس يروح يعترف احنا نصير بالسجن
وبهاي اللحضة وكعت الماسحة جنت متجيتهة على الحايط ووكعت نزلت عليه بسرعة دا اخذهة واروح بسرعة بس انفتحت الباب وطلع عمي
احمد : بنت ال... كاعدة تتسمعين عليه
ردت اروح بس لزم ايدي وفوتني بالغرفة وكلي سمعي لج بس تحجين كلمة وحدة اقسم بالله اندمج حياة اخوج بين ايدي خليته بالسجن سنتين اي كلمة زايدة اخليهم بنفس الوقت يعدموه صيري حبابة وسدي حلكج لتندمين
صرت ابجي واكله وخر عني مجرم حقير الله ليوفقك هوة ابن اخوك ليش هيج تسوي بيه
احمد : كلمة زايدة ما اسمع اكلي ... وسكتي
همسة : الله ياخذك وخر عني رحت لغرفتي
جان هم يجي الكلب احمد
احمد : جيبي تليفونج
همسة : شتسوي بيه ما انطياك
احمد : لج من احجي وياج متعاندين متنطياني مو؟؟ ماشي انتِ التندمين
همسة : خفت على سجاد ف اخذت تليفوني وطفيته وانطيتياه
من بعد هَذا اليوم صارت حياتي جحيم لان صارو يهددوني واني ما اكدر احجي كلمة وياهم جنت ارد عليهم هسة ما اكدر وخالتي وخالي يجون بس ما اكدر احجيلهم اخاف على سجاد اكلهم اني بخير وهم ينطوني فلوس من مال سجاد بدون ميدرون جنات وعمي بس بيوم اخذت الفلوس ودا اروح لغرفتي
جنات : ولج هاي منيلج الفلوس واخذتهن من ايدي
غميت نفسي عبالي نايمين ومضميتهة
جنات : احمد شوف هاي بنت اخوك تجيب الفلوس وتضمهن متنطينه منهن شكد فكر
احمد : اشوف جيببهن عدهن وضمهن بجيبه وكال لجنات كل ميجوهة هذولة خوالهة اخذ الفلوس منهة شنو جايبيهة هنا نخدمهة يلا ولي من وجهي فكرر
رحت لغرفتي وضليت اكول شكو مضميتهن امداني عبالي نايمة طلعت مثل الحية
يوم بعد يوم يصير تعاملهم وياي اسوأ جانو بس يصيحون صارو يغلطون وراهة كامو يضربون وبعدها يتحاقرون ولا كأنو اني يتيمة او من لحمهم ودمهم
