(سَمر حُبك)
(بدون مراجعة البارت)
طبينا للبيت اجو يسلمون على ام سيف سلمت على الموجودين وفتت لغرفة انزع الجبة نزعتهة وعدلت شعري وكلعنا اني وبنين كعدنا على كرسي وراهة اجت مروة كعدت كدامي طلعت تليفونهة وتصور مهتميت الهة وكامن البنات يركصن يريدني اكوم بس مكمت المهم جانت حفلة حلوة بس مروة تضوج من خلصت الحفلة رحت لبست الجبة ودكيت على سيف رجعنا للبيت طبيعي ماكو شي
مر يومين لحد ما
سيف : كاعد بمكتبي ودك تليفوني جاوبت
المتصل : سيف اني مروة
سيف : شتريدين
مروة : اريد اشوفك شي
سيف : شنو هوَ
مروة : لازم اشوفك يلا اكدر اشوفيالك
سيف : تعالي للمزرعة مالتنه وشوفيالي
مروة : ماشي
ركبت سيارتي ورحت للمزرعة وانتضرهة شي ربع ساعة يلا اجت
سيف : يلا يسرعة شتريدين ماعندي وكت
مروة : اريد اشوفك حقيقة همسة
سيف : باعي لج همسة ابتعدي عنهة لا
مروة : دنتظر وشوف
طلعت تليفونهة وكالت
مروة : باوع خليت اخو صديقتي يراسل همسة دا اشوفهة ترد عليه لو لا وشوف هاي المراسلة اول محجة وياهة ردت عليه ودزتله صورتهة وشوف هنا كلهة اريد اشوفج وقبلت
سيف : شوفتني صور محادثة بين ولد وهمسة ودازتله صورهة بوضعيات مقرفة وكايللهة اريد اشوفج وقابلة وشوفتني مروة صورة لهمسة بحضن الولد بالارض مالتنه عقل مضل براسي همية هيج تسوي وتخدعني
سيف : صعدي بالسيارة
مروة : شنو ليش
سيف : هسة اريد اعقد عليج واطيح حظ همسة
مروة : صدك حتعقد عليه
سيف : انه ضاحك وياج صعديي
صعدت وياه بالسيارة وخابر على ابو مروة
سيف : عمي جيب ولدك وتعال لبيتنا
وراهة خابر على صديقه
سيف : جيب سيد وتعال للبيت اريد اعقد
كل هَذا ومروة فرحانة لان نجحت خطتهة وصلو للبيت ونزل وية مروة وطب للبيت لكة ابو مروة واخوانهة موجودين
ابو مروة : سيف شكو
سيف : اكعد خل احجي وياك
سيف : عمي هاي بنتك تنزل الراس
ابو مروة : ليش شسوت
سيف : ذيج المرة اجت تضرب مرتي ببيتي وتسب بشرفهة بس مكتلك هل مرة تجيبلي محادثات مفبركة وتصور مرتي وتسويلهن فوتوشوب بوضع جنسي وحسبالهة يمرن عليه انه ضابط جايتني اشكال القضاية
