(سَمر حُبك)
همسة : دخلت للبيت وشفت نسوان كومةة انصدمت هاي شكو اجت عليه بنين
بنين : تعالي حبيبي اليوم عدنا عزيمة خل اعرفج عليهم
وبدت تعرفني واسلم وكالت هاي بنت خالتي اسمهة مروة
سلمت عليهة
مروة : هلا عيني
وتباوعلي صفح هاي شبيهة حاجيت بنين
همسة : بنين تعالي للغرفة احاجيج
بنين : اجيت
رحنا للغرفة وحاجيتهة
همسة : اكلج بنين مروة شبيهة تباوعلي صفح والنسوان بس شافني يتشاورن شكو
بنين : سالفة طويلة كعدي احجيلج النسوان ديتشاورن لان انتي مو محجبة ومن بغداد مشايفات بنات مو محجبات هواي بس عادي هاي حريتج احنا مندخل بيهة ابوية واخواني دارسين ببغداد ف مو من النوع اليحكم المرة لا طلعة ولا طبة واما مروة هاي تكره الكل حتى اني ما احبهة من سمعت سيف ماخذج للمستشفى وللمحكمة اشتغلت الغيرة هيَ تحبه لسيف بس هوَ كايللهة اكثر من مرة ميحبهة ويعتبرهة اخته بس هيَ معاندة تحبه والشغلة الثانية هيَ تغار من البنات الحلوات تكول اني احلى شي متريد احد احلى منهة ف شافتج حلوة وبدت الغيرة
همسة : اهوو اني مخلصت من مريم اجت هاي
بنين : ختولي شحدهة تسويلج شي غير سيف مهددهة متسوي شي للبنات لان يدري تغار هسة عوفينا تجين جوة؟؟
همسة : استحي ما اعرف احد ووجهي مشخط
بنين : تعالي اكعدج يم بنات خالاتي وعماتي ووجهج يجنن امشي
همسة : كعدت يم البنات وتعرفنا وسولفت وياهن شوية بعدين كالن خل نصعد بغرفة بنين هنا هوسة (جان الوقت نهاية العصر يعني حتصير مغرب لان تاخرنا بالطريق) اني ردت انام مخلوني كالن مو زين حتصير دنيا مغرب بقت النومة بعيني وهنة يسولفن مخلصت سوالفهن لحد ما أذن صاحت ام سيف
ام سيف : بنين انتي والبنات كومو صلو بالمصلى اذن
بنين : اي هسة....كومن يلا توضن ونروح للمصلى نصلي
همسة : تعالي يمعودة يا مصلى
بنين تعالي وياي
اول شي توضينا واخذتني بنين وياهة لغرفة بيهة مكتبه عليهة كتب قرأن وكتب دينية وترب صلاة وبيهة سجادات مفروشة
بنين : هاية الغرفة نصلي بيهة لان دائما نبخرهة ونعقهمة غرفة طاهرة اي واحد يريد يصلي يجي هنا اخذي حرام صلاة منا ولبسي وتعالي نصلي
لبست جادر والبنات هم ووكفنه نصلي سوا
كملنا صلاة همسة : تقبل الله
