(سَمر حُبك)
__
ساعة 3 اجة الوقت الي اطلع بيه جسمي كله يرجف بدلت لبسي لبست شي ثخين لان هسة ربيع بس الفجر تكون بارد ثلج طلعت الجنطة مالتي وايدي ترجف خليتهة على فراشي وطلعت برا رحت للثلاجة طلعت بطل مي بيه ثلج واخذت تفاحتين ورحت خليتهم بالجنطة لان كلت خاف اعطش اجوع هسة دنيا فجر محد مفتح ورحت فتحت قفل الباب مال مطبخ الي يطل على الطرمة بكل هدوء
واخذت تليفوني الي اخذه عمي اعرف وين ضامه طلعت السيم كارت كسرته وخليته بالزباله واخذت تليفوني وهم رجعت لغرفتي اخذت شماغ مال اخوية جان دائما اخوية يلفه على وجهه ف اني هم رفعت شعري ولفيته على وجهي واخذت مستمسكاتي من المجر وخليتهم بالجنطة ولبست الجنطة وتوكلت على الله وطلعت
حرفيا احس كلبي حيطلع من القفص الصدري من الخوف من المستقبل
ضليت امشي بسرعة اني حافظة طريق المكان الي حروحله والي هوة كراچ العلاوي حتى مناك اروح لغير محافظة كلت اي منشئة بيهة نسوان اصعد بيهة
اخيرا وصلت للكراج واني ميته خوف شفت واحد يصيح كربلاء والثاني اربيل وكل المحافطات شفت واحد يصيح بصرة شفت بيهة 4 نسوان كلت مدام بيهة نسوان والبصرة بعيدة خل اروح صعدت بالمنشئة كعدت عند النسوان مبينات رايحات سوه ضل ابو المنشئة واكف لحد منملت المنشئة وبده يمشي اني صافنه وين راح اروح وشنو راح يصير وياي بس مهما كانت الامور صعبة احسن من بيت عمي يعني اخذو اخوية مني وعذبوني ويريدون يزوجوني واحد عجوز غصب عني ويريدون فلوس اهلي فزيت من صفنتي المرة تكلي
:خالة ديلمون الكروة انطيهم فلوس
انطيتهم فلوس وضليت ادعي واستنجد باهل البيت ميتركوني وحدي تالي نمت كعدت وسألت المرة البصفي كلتلهة خالة بعد شكد نوصل كالت مبقة شي طولنا هواي بالمنشئة لان بعيدة وكل شوية يوكفون
سألتهة
همسة : خالة انتِ من البصرة؟؟
: اي انه من البصرة
همسة : زين خالة تكدرين تساعديني
: تفضلي بنيتي شمحتاجة
همسة : تعرفين انتِ واحد بالبصرة يساعد الناس ويحل مشاكلهم
: اي اكيد اكو شيخ ابن اصول الناس كلهة تحلف بي
همسة : خالة تكدرين توديني عليه فدوة ولله محتاجة مساعدة واني يتيمة ماعندي احد ولله اضل ادعيلج
: ولله انه عندي شغلة مهمة حيل ف اوديج للشارع مال بيته وادليج وانتِ روحي هاذة الي اكدر اسويه
همسة : تسويلي فضل
كلت ابقى يم هذا الشيخ كم يوم لان هسة ديدورن عليه ف ابقى يمه كم يوم وراهة اشوفلي حل
طلعت مي وشربت من رفعت ايدي طلع جزء منهة كلهة مطبعة مال ضرب ف بسرعة ضميتهن
مر الوقت لحد موصلنه للبصرة نزلت وية المرة اخذت تكسي وكلتله ودينا لمنطقة .... وصلنا ونزلنا ردت ادفع الكروة مقبلت دلتني على بيت الشيخ وتشكرت منهة وراحت بس راحت تيهت الدنيا كلهة المنطقة بيها زرع وبساتين هواي ضليت صافنه تالي كلت خل اروح لهذا البستان طبعا صايرة الدنيا ظهر عطشانه وجوعانه حيل مشيت بالبستان هوة ما اعتقد بستان بس اني اسميه هيج ما اعرف شنو اسمه تعبت وكعدت بالكاع طلعت مي من الجنطة وشربت طلعت تفاحة هم واكلتهة وراهة شلت جنطتي ورجعت الشماغ على وجهي ومشيت جان الكه ولد ثنين اعمارهم بال30 اكثر كلت خل اسئلهم على بيت الشيخ
كلي شتسوين ببيت الشيخ تعالي يمنا نبقيج بمكان أمن وحلو وبدو يتقربون مني تذكرت كرار من حاول يعتدي عليه ورجعن كل الأحداث براسي حسيت راسي راح ينفجر وهذولة استغلو هاذة الشي وتقربو عليه كمت اصيح ساعدونييي وادفع بيهم يا ناس ساعدونيي وخرر عنييي
اجوي ناس من وراية معرفت منو بس كلت همزين اجة احد هذولة بس شافو الشخص رادو يركضون بس صاح عليهم كلهم وينن تتحارشون بالبنات وتنهزم عبالك منعرفك
كله شيخنا هيَ الي غرتنا وراهة كامت تصيح
همسة : فكيت حلكي على الي كاله وسمعت كله شيخنا يعني هاذة هوَ الشيخخ انداريت على الشيخ وشفت وياه اثنين شباب ورجال كبير كلت للشيخ
همسة : شيخ ولله ديجذب بس سئلتهم على بيتك وصار الي شفته وروح ابوية
الشيخ : ادري بوية انه مو غبي حتى اصدكهم
همسة : حشاك
الشيخ : انتو روحو منا حسابكم بعدين اي بوية ردتي تسئليهم على بيتي انه الشيخ احجيلي شنو سالفتج
همسة : شيخ اني من بغداد هاذة الرجال الكبير مدري شبيه نعقج شيخنا اني يتيمة وبقيت يم عمامي وطلعتله ايدي الي كلهة اثار ضرب كتله شوف شيخ شلون معذبيني شيخ اني دخيلتك ساعدني ابوس رجلك ونزلت على رجله ابتعد واستغفر كال
الشيخ : كومي بوية للمضيف احجيلي قصتج من البداية
وهسة راح اعرفكم على البطل «
يتبعع.....
رأيكم وتوقعاتكم > بالتعليقات
