(سَمر حُبك)
همسة : اكلك حبيبي
سيف : كولي عمري
همسة : مشتاقه لخالتي ولخالي اريد اشوفهم
سيف : حياتي من ارجع انه اخذج الهم
همسة : ماشي باجر راح يجون عمامك يمنه
سيف : عمري ابتعدي عن ولد عمي حتى لو طلبو شي منج كولي لبنين وعلى السفرة كعدي يم امي وبنين
همسة : ماشي
سيف : يلا حبي انه رايح اكل اليوم تعبت هواي
همسة : عوافي يروحي لتعب نفسك هواي
ودعتهة وكلت
سيف : ها سجاد شفت شلونهة اختك
سجاد : الله يسعدك ويوفقك كل حياتك انشالله ابد متشوف الشر
نزل راسه سجاد وصار يبجي
سيف : لا سجاد انتَ زلمة والزلمة ميبجي
سجاد : سيف كل الي صار لاختي يم عمامي بسببي اني مكدرت احافظ عليها اني عذبت اغلى شي عافوه اهلي اليي
سيف : هَذا الي كاتبه الله هسة كل واحد اخذ عقابه بس بقة واحد عندي شغل هواي وياه
سجاد : ومنو هوَ
سيف : .... ... ... ( هَذا الشخص حنخليه سر هسة منو عرفه)
سجاد : شكد متكدر سوي شغلك وياه
سيف : اي طبعا هسة تعال اكل
كعدنا ناكل وضلينا كاعدين لحد مصار العصر طلعنا انه وحمزة وسجاد لمول اشتريت كم شغلة لهمسة ولاهلي ولفت نضرنا محل ذهب دخلنا بيه جذبتني كلادة على شكل قلب وعلى جوانبه اجنحة تخيلتهة على همسة تجنن اخذتهة واخذت لبنين كلادة وسجاد اخذ اسوار ناعم وحلو كال لهمسة وحمزة اخذ سوارين واحد على شكل قفل والثاني على شكل مفتاح كال الي وليقين (حبيبته) دفعنا الفلوس وطلعنا وراهة رحنا للشقة ذبينا الغراض ورحنا نفيز بالمطار صارت مشاكل بالفيزة مال سجاد بس حليناهة وطيارتنة بعد 3 ايام وراهة رحنا تعشينا ورجعنا للشقة
"في مكان اخر"
همسة : بعد مسافر سيف اشتاقيتله هواي وافتقدته ضليت اراسله واطمن عليه واليوم راسلته وكال تقريبا خلص شغلي وراح يرجع قريبا كلش فرحت ورا منهيت الاتصال كمت سبحت لان اليوم راح يجون خطار النه العصر ويضلون على العشة لبست ثوب طويل ونزلت يم بنين وانتضرنا الخطار يجون شي ربع ساعة واجوي اني سةيت مثل مكال سيف ابتعدت عن ولد عمه سلمت على النسوان وكعدت ضلن يسولفن وراهة طلعنة فواكه وعصاير وهاي الشغلات واكلو مر الوقت بسرعة ورحنا صلينا وبدينا نسوي عشة وحطو السفرة وخلينا الاكل وكعدو ياكلون سوة كعدت يم ام سيف وبنين مثل مكلي سيف بس ممرتاحة بالكعدة اكو واحد يراقب كل حركاتي نفسه الي باوعلي ذيج المرة ضجت من نضراته اكلت شوية وكمت اغسل حتى اتهرب من نضراته دا اغسل وحسيت احد يلزمني من خصري يبست بمكاني انداريت ولكيته نفسه دفعته عني وايدي ترجف
