(سَمر حُبك)
إلى مَتى وحنينُ الشَوقِ يَقتُلني
ومَن يُداوي جَراح الروحِ بالتّلفِ
ومازال قلبي برُغمِ البُعدِ يوجعني
كم من غيابٍ بلا عُذرٍ ولا أسفِ .
مُلاحظة// راح اختصرلكم الفاتحة لان كلهة حزن وما اريد من بداية القصة اكئبكم
وكذلك بعضكم حينتقد همسة على تصرفاتها بس هيَ من هول الموقف فقدت 4 اشخاص بيوم واحد اكيد راح تحجي اشكال والوان بدون قصد لذلك عذروها .
همسة : شفت تابوت اختي ورحتله اختي غاليتي ليش هيج عفتيني بعد ويامن اتعارك بعد منو تصيح ضوجة وتريد يطلع وتجيني بنص الليل حتى اسوليهة اكل
رحت على اخوية خويةة حزام ظهري ليش هيج عفت خيتك وحيده البنية منو الهة غير اخوهة من بعد ابوهة ليش عفتوني اثنينكم ردت اشوفك عريس بقاط العرس بس شفتك بالكفن وينهاا عروستك التمنيت اشوفك بصفها
ضليت اعاتبهم واخذو التوابيت واخذو روحي وياهم
صارت الفاتحة واشوف عمامي فرحانين هيج بشر مشايفة اخوهم ميت وهمَ ممهتمين وشفت اخوية سجاد مدمر ومقهور خفت لا افقده بس هوَ بقه من ريحة اهلي
مرن 3 ايام الفاتحة اصعب ايام بحياتي وراهة اخذتني خالتي لبيتهم رحت وية خالتي للبيت واحس عقلي مو وياهم احس نفسي بعالم ثاني سجاد بعد مشفته ورا الفاتحة
حاولت خاله تحاجيني توكلني واني مسطوره من الصداع اريد مكان هدوء مابيه احد كمت من يمهة ورحت لغرفة زهراء بنت خالتي ورود ملكيت احد بيهة ضليت كاعدة على الجرباية واحس عقلي راح يطك كل الذكريات دترجعلي وتذكرت عمامي الحقراء شلون جانو فرحانين بموت اهلي كمت اصيح بلا وعي كله من وراكمممم حقرااء كله من ورة طمعكم وعيونكم الله ياخذكممم اجت خالتي تهدي بيه واني ادفع بيهة واكلهة همة السبب كالت حبيبتي هذا قضاء الله وقدره جابتلي خالتي حبة منومة اسمهة ڤاليوم مدري شنو المهم شربتهة ونمت
__
" في مكاناً آخر "
سجاد : من بعد موت اهلي تدمرت احس روحي اخذوها مني ابوي وامي واخوي واختي كلهم بيوم خسرتهم مو بس كسرو ضهري كسروني كُلي صعب تعيش يتيم حتى لو جنت ولد مو بس البنية تبجي وتدمر على اهلها اني الجنت ما اهتم لاي موقف ولا تنزل دمعة مني كعدت ابجي مثل النسوان على اهلي هذولة اهلي مو ياهو الجان حتى ما ابجي عليه
من بعد الفاتحة ضليت دايخ هسة شسوي وشنو راح يصير وشلون راح اتحمل غياب اهلي ضليت دايخ وبس اتصفن حتى مفكرت بهمسة اختي قطعة من كلبي مفكرت بيهة ما ادري شنو جان ببالي وخلاني انسى كلشي حاير واريد اروح لمكان بيه ريحة ابويو ف رحت للشركة مال سيارات مال ابوية واتذكر ابوية شلون جان هنا يشتغل ويتعب حتى يسعدنة ضليت افتر بالشركة واشوف شغلهم وكل عامل يشوفني يعزيني واني حيلي مهدود ماكدر احجي كلمة ،، كل خطوة اخطيها بهل مكان اتذكر ابوية رجعت للبيت واتذكر شلون امي جانت تتلكاني وتذكرت من الكه هدى كاعدة تدرس وتتملل رحت لغرفه اخوية كعدت ابجي بيه اخوية جان يحب وحدة وراد يخطبهة بس تكمل دراسة بس صار الي الله كاتبه ومات قبل ميتزوج حبيبته بهاي الاثناء دك جرس باب رحت غسلت وجهي ورحت فتحتهة لكيت عمامي اثنين جايين احمد وثائر وربي لو ما اني مسطور وما بيه حيل مشاكل جان طردتهم بس مسطور ودايخ سلمو وكلتلهم تفضلوا
احمد : ابني احنا جايين نحاجيك بموضوع
سجاد : احجو
ثائر : سجاد ليش متسافر خارج العراق هنا الدراسة والحياة صعبة
سجاد : انتو شدتحجون اعوف بيت اهلي وشغل ابوية واعوف اختي اي صح اختي الي بقتلي من اهلي وينهةةة
احمد : بخصوص البيت هوَ ورثكم وانتو التتصرفون بيه تتقاسموه تبيعوه تاجروه بكيفكم وبخصوص الشغل تكدر تخلي احد توثق بيه يلزمه واحسن شي عمامك يلزمويالك
واختك يم خالتك ورود وتعرف بيهة تحبهة وأمن عليهة بس اني عمهة ما اقبل تسافر هسة لان بعدهة مصارت عمرهة 18 هناك تروح تشوف خارج البلد وتفسد الا يصير عمرهة 19 يلا اخليك تاخذهة
سجاد : مستحيل اسافر وتفضلو برا اريد اروح اشوف اختي .
يتبع ......
باجر اكو تكمله للبارت ف انتظرو ولحد الان اكو اشياء متعرفوهة مثلا شكل البطلة والبطل وينه كلشي راح تعرفون بالايام الجاية وانطوني توقعاتكم بالتعليقات وصوتو للبارت وشاركو القصة 🖤
#الكاتبة_اية
