(سَمر حُبك)
ملاحظة// الكلام الي بالفصحى هوة كلام بالتركي بس ترجمته
ضليت اودعه لحد مراح ضليت ادعيله حبست دموعي لخاطره
مكدرت انام صار الصبح يلا تعبت ونمت كعدت ب12 الظهر صبحت عليهم وكلت
همسة : خابركم سجاد وصل؟
ورود : هوة اكيد وصل بس غير تعبان من الطيارة مخابرنا
مجاوبتهة شي
ضليت اساعد خالتي باشياء بسيطة متقبل اشتغل بين الحجي والشغل دك تليفوني رحت بسرعة لكيته سجاد
همسة : الو سجودي شلونك وصلت
سجاد : هلو حبيبتي الحمدلله بخير اي وصلت انتي شلونج خو عيونج الحلوة منزلت دميعاتهة
همسة : الحمدلله على السلامة مدام انتَ بخير اني بخير ليضل بالك
ضليت احاجي على سفره وشوكت اني ابدي دوام لحد محاجته خالتي وسدينا الاتصال
رحت للمطبخ لكيت خالتي دتسوي اكل بثواب اهلي لان اليوم جمعة
مرت الايام عادية هادئة ودائماً اراسل سجاد
الى أن انقطع تواصلي وية سجاد اتصل بيه مغلق
سجاد : بعد مسافرت وتأقلمت اني أعرف احجي تركي شوية لان جاي من قبل لتركيا بيوم من الايام جنت نايم عادي جان تندك الباب حيل رحت فتحتهة لكيت شرطة
الشرطة : انت سجاد محمد
سجاد : نعم انا سجاد
الشرطة : انت متهم بقضية قتل ومخدرات سوف نأخذك الى المركز لكي يتم التحقيق معك
سجاد : مخدارات وقتل !؟؟ لكني جديد بالبلدة ولم اتورط بتلك الامور
مسمعو لكلامي واخذوني للمركز الي فهمته القضية كلش كبيرة خاصتاً بتركيا كلش متشددين دعيت ربي انو يطلع الحق لان اجيت حتى ابني مستقبلي وادرس مو اهدم مستقبلي وانسجن ضل بالي يم همسة اكيد حتقلق عليه ردت اتصل عليهة مقبلو واصلا حتى لو راسلتهة مراح اكلهة لان حتخاف عليه وتضل تبجي ب لحضات صرت افكر منو الشخص الي اتهمني بهاي القضية الكبيرة وشنو غايته خلوني بسجن مؤقت لحد ما اجة ضابط تحقيق وبدا يحقق جابو مترجم هم حتى خاف ما افهمة وحرفيا كل اجوبتي ما اعرف واني مدخلني بالقضية عبالهم دا اجذب ضلو يضغطون عليه حتى احجي بس ما عندي جواب ضلت القضية مستمرة ووكلت محامي وكل هاي الامور محد يدري بيهة وحددو وقت محاكمة والف شغلة منين اجتني هل مصيبة انوب ما عندي شي ادافع بيه عن نفسي
يوم المحاكمة | حرفيا اسوء يوم ممكن يشوفه اي شخص انت بريئ كدام اشخاص نظراتهم الك تكلك انت المجرم
