(سَمر حُبك)
ثبتت اديهة وعقمتهة الهة بالكوة بس تبجي لفيتهة باللفاف اخذتهة غسلتلهة وجهة وكلتلهة يلا كافي بجي انسيه اذا تقربتلج مرة ثانية البيت ما اخليهة تفوته
هم مسكتت ضلت تبجي
سيف : بوية ليش تبجين الجرح يوجعج؟
همسة : لا
سيف : جا ليش تبجين
همسة : لان اني منحوسة وين ما اروح انهان وانضرب راحت كرامتي من مات ابوية
سيف : لا بوية شنو نحسة وجهج جنة العافية وللضرب هاي اول واخر مرة تنضربين هنا وانتِ معززة مكرمة هنا الكل يريد يصير بمكانج لان عقدت عليج هسة بروح ابوج سكتي ما اكدر اشوفج تبجين
__
همسة : من كعدت ابجي طلعن بنين وام سيف كعد بصفي سيف مادري شدينتضر جان تجي بنبن انطته معقم ولفاف هوَ مسح على ضهري حركاته تذكرني بحركات سجاد من ابجي ورجع شعري ليورة احس جسمي كزبر من لزمته سحبني بدون مقدمات لحضنه صح استحيت بس جنت احتاج احد يحضني حتى ابجي براحتي صرت ابجي بحضنه وهوَ يمسح على ظهري وراسي ويحاجيني ورة سوية وخرني من حضنه واخذ ايدي ويريد يحطلي معقم غير احتركت يوجع المعقم على الجرح جريت ايدي
سيف : تحملي بس شوية
اخذ ايدي وثبتهة وصار يعقمه واني اريد اجرهة ما اكدر مثبتهة بايده لفهة باللفاف واخذني غسلي وجهي وحاجاني عباله لان ضربتني دا ابجي ميدري دا ابجي على كرامتي الي تطشرت
سيف : بوية ليش تبجين الجرح يوجعج؟؟
كتله لا
كلي جا ليش
كتله السبب وصار يحاجيني وحلفني بروح ابوية اسكت من البجي هديت شوية
سيف : هسة عوفي مروة كومي بدلي خل اطلعج انتي وبنين
همسة : وين
سيف : كوميي وتعرفين
همسة : تمام
رحت لبنين كلتلهة حتى تبدل ورجعت اني لغرفتي هم ابدل صارلي شكد مطالعة طلعة من صدك للونسة مو طالعة علمود سالفة اسويهة لبست بلوز اسود وفوكاهة تنورة سودة وحذاء ابيض ورحت لغرفة بنين انتضرهة تكمل لبست وطلعنا اني وياهة للسيارة تريد تكعدني ليكدام بس مقبلت صعدت ليورة وياريتني مكعدت سيف خله المراية عليه ورفعلي حاجبه كلت امداني لو كاعدة يمه على الاقل ميكدر يشوفني
بنين : سيف شنو كاعدين هيج طلع اغاني
سيف : بنونة ميصير همسة حزنانة ولابسة اسود ونطلع اغاني
همسة كلت بكلبي خطية علمودي تضل بنين ضايجة ف كتله طلعلهة اغاني الحزن بالكلب مو بالتصرفات
