( سَمر حُبك )
مُلاحظة//حسيت البارحة كان البارت قصير واني ما اعتبره بارت اعتبرته تعريف عن الحياة الشخصية فَـ هذا بارت الكم وبعد باجر راح ينزل البارت الثالث قراءة مُمتعه .
- الى أن اجة اليوم الي ما انساه بعمري
بداية اليوم عادي ماكو شي الى ان
هدى كالت : اوف ترا ملينة من الدراسة ضوجة خل نطلع شبيكم
همسة : دروحي بس تريدين تديحين يا ضوجة قبل يومين طلعنه
هدى : دسكتي انتي بيتوتية شسويلج
الاب : ديلا سكتن اليوم العصر نطلع طلعة عائلية
همسة : بابا اني عندي دراسة اريد اروح لصديقتي ادرس وياهة
الاب : تمام حبيبتي براحتج روحي
سجاد : يابة اني هم جماعتي عازميني اوصل همسة بطريقي واروح
الاب : براحتك
مر الوقت صار العصر ودعت اهلي وطلعو رحت لبست بلوز لونه بُني وبنطرون اسود وشلت شعري كعكة وضليت انتضر سجاد يكمل شعره
اجة سجاد
همسة : واخيرا شرفت تأخرت على صديقتي
سجاد : يلا عيني مصار شي يلسجاجات
همسة : اي سجاجات على عنادك
صعدت للسيارة
ووصلني لصديقتي اية وراح سلمت عليها وضلينا ندرس ونسولف لحد ما خالتي ورود خابرتني
سلمت عليه بس صوتهة متوتر كلتلهة شبيج خالة صاير شي كالت لا ما بيه شي بس احمد ابني راح يجي ياخذج من بيت صديقتج اخوج مشغول كلتلهة ماشي وضليت انتظره دك هورن ودعت اية ورحت صعدت بالسيارة
احمد : هلو هموسة شلونج
همسة : هلو زينة وانتَ ؟
احمد : الحمدلله بخير
ضل يسوق بس نظراته عليه مدري شبيهم اليوم
وصلنا لفرع بيتنا سيارات بصف بيتنا وناس طالعة طابة
كلبي وجعني كتله احمد هاي شكو كال همسة انتي واعية وتفتهمين وكلمن ويومه البقية بحياتج هوة كال هيج حسيت العالم كله افتر بيه ما احس باحد يمي نزلت من السيارة اركض واصيح منو مات
فتت جوا خالاتي عماتي زوجات عمي زوجات خالي جوارينا كلهن يبجن عدا زوجات عمي نص يبجن نص فرحانات ويسون نفسهن مقهورات اصيح عليهم شكووو منو مات رحت لخالتي ورود واهزهة من جتفهة منو مااتتت كالت اهلج سَوو حادث وكلهم ماتو لان الحادث على الطريق السريع احس كلماتهة سامة عبالك سجاجين ودخلتهن بكلبي مخليت شي مدفعته واصيح جذابين اهلي مماتو اسمع جوارينا يكولن خطية تيتمت بعدهة صغيرة ضليت اصيح عليهن جذاباات كلشي ما بيهم اجت عمتي حضنتني وتبجي تقبلي امر الواقع اني ضليت ابجي بحضنهة وحسيت بصداع قوي براسي والدنيا دتفتر بيه واغمى عليه اسمع صوتهم بس ما اشوفهم وما اكدر احجي كعدت لكيت نفسي نايمة بغرفتي طلعت للصالة لكيتهم موجودين ومطلعين قران ويبجن وينحبن تذكرت شصار وصرت ابجي بشكل هستيري كعدت بالزاوية وابجي بهدوء محد ادخل بيه خلوني على راحتي ما ادري ابجي على منو ابجي على ابوية بو على امي لو على اخوية لو على اختي 4 اعزاز راحو مني بيوم واحد صرت بموقف لا احسد عليه الفهمتة من حجيهن الشرطة دتحقق بالحادث وياخذون عينه وراهة يودون اهلي للمغيسل ويجيبوهم للبيت اني ضليت اذكر مواقفهم ؟ ضحكاتهم ؟ حجيهم ؟ تهسترت بالزايد ضليت اصيح واملخ بشعري مهما اوصف الشعور مينوصف النسوان يهدن بيه واني مو يمهم خالتي قرت عليه ايات مر وكت لحد ما جابو 4 التوابيت بيهة 4 اعزاز اخذو 4 قطع من كلبي
ما اعرف اروح على منو
رحت لتابوت ابوية اوف يابويههه كسرت ضهري ضليت اعاتبه ليش بوية عفتني اني بنتك تعوفني يتيمة الدنيا صعبة علية بدونك يابههه المنننن بقيتنييي منو يلمنييي بحظنهههه منوو يجيبلي الاكل ويكلي اكلي بنيتي حتى تتقوين وتدرسين زين حتى افتخرر بيججح شو رحتتت قبل لتفتخر بيههههه يابههه
رحت على تابوت امي يوووم ليش هيج حرمتيني من ريحتج بعد ما الكه مثل حنانج يمه ليش هيج سويتي بيه
يتبع .....
#_الكاتبة_اية
دوسو على النجمة 💗
