(سَمر حُبك)
ملاحظة البطل من البصرة وحجيهم بصراوي بس اني من بغداد ما اعرف كل كلامهم ف الي اعرفه اكتبه
البطل :
السلام عليكم انه اسمي سيف
من البصرة عمري 29 اشتغل ضابط شكلي حنطي وطولي 188 عيوني حادة وانه امي مكحلتني من جنت صغير
انه دارس ومتعلم ببغداد بس ما عشت ببغداد لان ابوية شيخ ويحتاجني ف ما اكدر أقيم ببغداد
انه حبيت مرة بنت من بغداد مو بس حبيتهة عشكتهة بس قبل لا تخلص دراستها ابن عمهة نهى عليه وراحت مني وانه الجنت منتظرها سنوات من بعدهة ما دخلت بنت لكلبي وصار عمري 29 وانه ما متزوج
عائلتي :
ابوية : الشيخ الله يطول بعمره
امي : ما اعتبرهة بس امي ورفيجتي دائما من احير اسئلهة وهي تريح بالي بحجيها الي كله ايمان وتفائل
اخوي الكبير : اسمه حيدر عمره 35
انه وراه
واخوي الاصغر : اسمه حسين عمره 27
اختي بزر الكعدة : اصغر وحدة بالبيت اسمهة بنين عمرهة 16
بيوم جنة انه وابوي وعمي وابنه دنمشي بالارض الزراعية مالنه ودنحجي عن الزرع وسمعنا صوت بنية تصيح ساعدوني
رحنا اتجاه الصوت لكينه بنت طايحة بكاعنا وتدفر ب2 شباب ديتقربولهة عكل ما ضل براسي ردت اروح عليهم بس علاء (ابن عمي) لزم اديه لان يدري بيه عصبي وعندي سلاح ف خاف اسوي مشكلة هذولة انهزمو ابوية صاح عليهم وهو يعرفهم لان ماكو احد يدخل مكان النه بدون منعرفه
كالوله شيخنا هيَ الي كالت تعالو نتونس و غرتنا وراهة كامت تصيح
جان تندار على ابويه البنت مطلعة بس عيونهة لان لافة وجهة بالشماغ بس موش عيون جتالة عيونهة عسل صافي اجت على بالي هل مقطع شنو هل الكمر الطالع كلت بكلبي سيف شبيك حرام تباوع لعرض العالم استغفرت وانتبهت شدتكول حلفتله همَ الي تقربو عليهة جاوبهة ابوية وسئلهة شنو تريدين مني
كالتله شيخ اني من بغداد واني يتيمة وبقيت يم عمامي ورفعت اكمام ثوبهة وطلعت اديه كلهة اثار ضرب للصراحة الشكل يكزبر الجلد كالتله شيخ اني دخيلتك والله اكلك كلشي صار بس ساعدني ابوس رجلك ورادت تبوس رجل ابوية بس مقبل ابويه كاللهة كومي للمضيف احجيلي قصتج من البداية
كال عمي : ابو حيدر شنو تدخلهة لمضيفك غير تعرف اصلهة فصلهة منو كالك تحجي الصدك يجوز مهزومة وية واحد هاي بغدادية كلشي توقع منهة
سيف : من رخصتك يابة راح احجي
عمي شنو هل حجي ما يوم ردينا شخص وانوب حرمة واذا جانت بغدادية من غير طين !!
الشيخ : كلام سيف صحيح كول يا الله يا ابو علاء
ابو علاء : جا على راحتكم
اجت البنت ويانه للمضيف ابوية حس بيهة مرتبكة متريد تحجي كدام عمي ف كال ابو علاء من رخصتك اريدن احجي وياهة على انفراد انه متعود ما اطلع لان وية ابوية بكلشي
سألهة على اسمهة كالتله همسة
الشيخ : بوية شيلي الشماغ انتي بأمان هين
شالت الشماغ من وجهة سبحان الخالق ملاك موش بنية بس اكو جروح بوجهة
بدت تحجي من ماتو اهلها ومن سافر ومن راحت لبيت عمهة والتعذيب وسجن اخوهة والورث وزواجهة لحد ما اجتنه تحجي وتبجي
تفاجئنه اني وابويه شكد متحمله ضيم
الشيخ : بوية شغلتج يم سيف هوَ ضابط اول شي يسويلج تقرير طبي لاثار الضرب ويرفع دعوة على عمامج ويصير خير انشالله
همسة : اشكرك شيخ من كل كلبي لان دتسا واغمى عليهة
سيف : شفتهة اغمى عليه صحت على امي واختي انه ما اكدر اتكربلهة لان حرمة
اجت امي واختي رشن مي عليهة وشممولهة عطر فتحت عيونهة
ام سيف : اغمى عليه جي ما ماكله
سيف : همسة انتي متريكة متغدية
همسة : بس تريكت (اكلت تفاحة)
الشيخ : ام سيف اخذيها للبت ترتاح بالبيت وخلينها تاكل شي حتى ياخذنها سيف للمستشفى يسوي تقرير
ام سيف : من عيوني
همسة : شفت مرة وبنية شابه سندوني وكمت وياهم للبيت
يتبع.....
توقعاتكم ورأيكم بالتعليقات
#الكاتبة_اية
