(سَمر حُبك)
ماكو تفاعل وميحمسني انو انشر ف اني هم من افرغ انشر الى ان اشوف اكو تفاعل انشر باستمرار
___
اخذو عمامي للسجن واحنا طلعنة من الغرفة حضنت سيف بنص المحكمة واتشكره الناس ضلت تباوع بس مهتميت ابجي واتشكره
همسة : اشكرك من كل كلبي لان وكفت وياي ما اعرف شلون اجازيك
بادلني الحضن وكال
سيف : ما اريد اي شي غير سعادتج
سيف بكلبه : هوَ اني ميت عليج انوب تحضنيني
همسة : وخرت من حضن سيف صح استحيت وفشلت خاصتا هنا بالبصرة بس مندمت لان صدك سيف ساعدني هواي وما اعرف شلون اجازيه لان اخذلي حقي من بعد الله طبعا
طلعنا من المحكمة واني طايرة من الفرح
صعدنا للسيارة وسيف خابر واحد
سيف : شلونك ابو الشباب
صديق سيف : هلا بيك ضلعي الحمدلله بخير وانتَ
سيف : على الله جاييك بشغلة
صديق سيف : أمرني
سيف : اكو 3 اشخاص اليوم انسجنو بسجن ..... اسمائهم مهند ..... و ثائر ..... واحمد ..... اريد تشوفلي احد بالسجن يداريهم
صديق سيف : تدلل شلون يدللوهم دلال لوزز
سيف : ما يدلل عليك ضالم اي ولله لان ذولة ناس كو.... حشاك
ودعته وسديت الاتصال
سيف : خابرت صديقي راح يخلي واحد يداري عمامج بالسجن
همسة : شلون يداريهم
سيف : يعني عشاهم كم دفرة وغداهم كم ساقعة كهربائية وريوكهم كم راجدي والعصروني عشوائي
همسة : عزا وشلون يقبلون
سيف : كلشي بالواسطات يصير
همسة : عادي اطلب منك طلب
سيف : طلبي الي يعجبج
همسة : مشتاقه لخوالي وخالاتي اريد احاجيهم اني عندي تليفون بس ذبيت السيم كارت ف عادي تروح يم محل تليفونات حتى اشتري
سيف : اي هسة تدللين بس تريدين تحاجيهم هسة من تليفوني لان نطول
همسة : ولله ياريت
انطاني تليفونه وكلت اخابر على خالي حسن كتبت رقمه ودكيت
حسن : الو منو وياي
همسة : خالو اني همسة
حسن : همسةة خالو وينج فريت الدنيا وملكيتج خو ما بيج شي وين انتِ
همسة : خالو اني بخير لتخاف
حسن : شصار وياج وين انتِ هسة
