(سَمر حُبك)
مُلاحظة// حبيت اذكركم انو كل هذا الكلام كله بالماضي هسة دا احجيلكم عن حياة البطلة بالسابق بس البارت الاول بالحاضر
احمد : بعد مسمعت انو همسة عند خالتي ورود بسرعة ركبت السيارة وتوجهت لبيت خالتي
فتح الباب احمد ابنهة سلمت وبعد سلام على خالتي كلتله خالة وين همسة مشتاقلها
ورود : ولله يخالة همسة ضلت تبجي وتصيح انطيتهة حبة منوم حتى تنام وترتاح
احمد : ضليت احجي على نفسي بيني وبين روحي لان نسيتها قطع تفكيري صوت خالتي
تكلي تعال اوديك للغرفة هسة تكعد لان صار هواي من شربت الحباية
فتت للغرفة شفت همسة نايمة والدموع بعيونهة رحت كعدت يمهة على الجرباية بست راسهة وشتميت بيهة ريحة من امي ضليت اشتم بشعرهة وابجي بهدوء
همسة : من شربت الحبة نمت مكعدت الا على حس شخص كاعد يمي وحاضن راسي ويبجي انداريت شفته سجاد شهكت وكعدت حضنته وضليت ابجي بحضنه سجودي حبيبي بس انتَ بقيتلي بقينه اني وياك وحيدين هوَ مقاطعني خلاني احجي الي بكلبي بحضنه وابجي
سجاد : كعدت همسة وشافتني حضنتني وضلت تبجي وتحجي خليتها براحتها بس كلامهة عبالك خناجر بكلبي واني منا اضوج اذا اشوف خواتي يبجن انوب كاعدة تحجي بقهر بجتني بالزايد مسحت على راسهة وكلتلها حبيبتي اني وياج لتخافين وحك علي انطيج عمري كله وروحي هم وياهة واحس مقصر عليج وحك عيونج هاي الحلوات احاول اعوضج واسدلج كل نقص يا روح اخوج بعد مسمعتني شوية هدأت كلتلهة يلا كومي عمري غسلي وجهج اريد احجي وياج بموضوع
همسة : رحت غسلت وجهي وسويت شعري وكعدت كدام سجاد
سجاد : حجيتلها شنو كالو عمامي كتلها هوة الصحيح انُ نسافر اني وياج حتى أمن على مستقبلج هنا بالعراق مصيرنا مجهول بسبب الفاسدين بس طبعا مو هسة احجيلج بالمستقبل واني كتله لعمج ما اسافر لان جنت ضايج ومفكرت بالموضوع
همسة : سجاد شنو دتحجي نعوف العراق !!
هنا شغل بابا والبيت وهنا ذكرياتنا وتراب اهلناا وروحها هناا شلون تريد نعوفهن
سجاد : عبالج سهلة عليه هم شايل هم لهذني بس رغم انو القرار اله سلبيات ايجابياته اكثر بس اكو مشكلة
همسة : شنو المشكلة
سجاد : منكدر نسافر هسة بسبب هذا عمج احمد ديسوي المثاليات براسي وميقبل اسفرج الا يصير عمرج 19
همسة : تعال كول لخالة ورود شوف شتكول اني ما اكدر اخذ هيج قرار كبير
سجاد .
حجيت لخالتي ورود وفهمتها الاسباب وكلتلها على عمي اي خالة هسه سمعتي كل شي شتكولين اسوي
ورود : والله لو هذا عمك يقبل تسافر همسة جان كلتلكم سافروا بس ميقبل وهوَ اكبر منك مو مال تتعارك وياه والله لو اشوف انتَ تسافر اول شي وتسوي اقامة وتكمل كليتك وراهة تاخذ همسة
همسة بحزن : خالة شنو يعوفني وحدي هنا !!
ورود : خالة هَذا احسن شي وليش وحيدة اني موجودة يمج وخوالج وخالاتج يمج وكلهم يحبوج واكيد هوَ محيكطع بيج اكيد يضل على تواصل وياج
ضلو يحجون بالموضوع وكلهم مأيدين الموضوع انو انسب قرار يسافر وهمسة اقتنعت لانو شافت احسن لاخوها
سجاد : هسة اني راح ارتب وضع شغل ابوية والبيت بعدها ابدي بموضوع السفر بس خالة همسة تبقى يمج لو أجرلها بيت صغير
ورود : يا وشتسوي بالبيت الصغير يا يمة قابل ما عندها احد بيتي هوَ بيتها وعيوني الها افديها بعمري مثل بنياتي هاي
سجاد : بعد كلبي خالة متقصرين وراح اخلي مبلغ كبير لهمسة يمج حتى تتصرف بيه بس لتنطي الها دفعة وحدة حتى متصرفهن لاشياء متفيدها وفلوس شغل ابوية راح احولهن للبنك ما اتصرف بيه هسة لحد متبلغ همسة لان اني ممحتاج والفلوس نضمنهن للمستقبل هسة ممحتاجين الله اليعلم باجر شيصير
ورود : عين العقل الدتسوي صحيح
سجاد : يلا اني اترخص اشوفلي احد يلزم شغل ابوية
ورود : مرخوص ابني
سجاد : رحت حضنت همسة وكتلها لتفقدين الامل ابد بيه مهما صار وكلشي دأسوي لمصلحتج وعيونج
همسة : بادلته الحضن وكتله ادري بيك خويه موفق بكل خطوه
سجاد : طلعت من بيت خالتي وضليت افكر منو يأمن بيه ابوية اكثر شي تذكرت ابو سيف صديق ابوية من الطفولة ودائما يحمد بيه رحت لبيته
سلمت عليه وحجينا وكتله على شغل ابوية وهل يكدر يلزمه حجينا واتفقنه والحمدلله قبل
اختصار ضبطت الامور كلها وكلت هَـ السنة مراح اداوم كلية لان راح انتضر لاربعين اهلي وراها اسافر ويصير نقل وخربطه فَـ قررت ما اداوم
خابرت على خالي الكبير حسن وكتله راح اجي احجي وياك بموضوع
رحتله وكتله على السفر وعلى همسة وعلى الشغل وهوَ هم وافقني الرأي كتله يخبر البقية بكلامي حتى يكون عندهم خبر بس عمامي مكلتلهم
سجاد : جعت من الفرة كل شوية اروح لواحد احس مسؤلية كلش كبيرة صارت على متوني الله يرحمه لابوية شلون جان يتعب رحت لمطعم اكلت وخابرت خالتي كلتلها همسة اكلت كلتلي اي اكلت شوية تطمنت عليه وغلقت الاتصال
يتبع.......
بهاي الفترة حيكون ماكو مواقف تستحق الذكر ف راح اختصر القصة لحد الاربعين مال اهل همسة
#الكاتبة_اية
