الاشاوس و الشقراء

البارت الثالث

شممتُ عِطركِ
حتّى كدّتُ أفقدُني
‏كأنَّ عِطركِ منّي كان ينتقمُ!
‏لقد سلمتُ ..
وكانَ الأمرُ مُعجزةً
‏ما كلُّ مَن عَبروا مِن عِطرها سَلِموا ..

نـاز :

طلعت من باب الجامعه رأساً صارت سياره بوجهي عليهه اعلام سوده وكلها اشخاص لابسين اسود وبايدهم سلاح ويفترون قسـم مغطين وجوهم وقسم لا ما مغطين وجوهم واشكالهم تخوف ولحاياهم وشعرهم شطوله وماكو احد بلشارع بس هم يروشون وين راحو الطلاب معقوله خذوهم صديقاتي وين راحن وعافني وحدي معقوله خذوهن لو رجعن لاهلهن

نرعبت من الموقف ظلت دموعي تنزل ردت اعيط بس فجأه نسد حلكي ونجريت هنا صدك انتهيت كلت هاهيه راح ينتهكوني راح يأذوني ويخلوني عبده عدهم جثير سمعت بهاللحظه وسمعت شيسون بالبنات من ياخذوهن ومتت من الرعب دعيت على نفسي كون اموت ولا يأذوني وينتهكوني ويسون شيردون ويتفننون بيه وبعذابي

ظليت ارافس جوه ايده وهو مطوقني تالي عظيت ايدو الساد بيها حلكي همس باذني

- اخخ راح اكفر بيج اشتعلو وانتعلو اهلج بت الكلب جلب انتي اششش بسج مرافس واربصي بأيدي انه ما رايد اذيتج اريد اوصلج لاهلج سالمه

- منو انت؟؟

حسيت على وضعيتنه مطوقني ايد على خصري وايد ضاغط بيهه على راسي وصاير بصدره وحته كلشي ما اكدر ادحك كد ما ضاغط علي وايدو ساده حلكي بس بعد ما عضيتو وخرهه عطره من كد ما قوي تغلغل بروحي

- وخرر خل اتنفس عطرك خنكني

ابتعد شوي رفعت راسي ونصدمت بي الباشا فكيت عيوني ما مصدكه بهالاثناء رجع الرمي گبل دنك راسي وصار هو شلون الساتر الحاميني خاف يلوحني شي

نزلت دموعي من الرعب وصوت الرمي صارت عيني بعينو خزرني

- بس بجي هذا شني الابستو

وهو يأشـر على راسي رفعت ايدي لراسي لان بوكتهه حته نسيت نفسي شني اللابستو تلمستو وكتلو

- أأأ شال هذا شال بس انه لافتو توربان

سحبو من راسي فگـو الشال على طولو بس بوكته كسر قراصتي وشعري نفتح ظل يسب وينعل

- بشني اشدو هساع انه ورب العزه ان دحكوج الا يكضون بيج التوبه ويسوج وصل وصل ويكطوج للجلاب تنهش بلحمج وما يرفلهم جفن مفرعه وطالعه بت الخوش ناس

ظليت ساكته و دموعي تنزل مادري بيش شدو و خلا الشال على راسي لف شعري و وجهي كضب ايدي و ركض واني ورا كل شوي يوكف حته لا يحسون بعدهه يمشي وانه مادري منين جاي يدخلني شكد كضيت هينه بلجامعه سنتين ما مدحكه هيج مسارات الجاي يعكب بيها

دنركض و عثرت و وكعت نلوت رجلي ظليت كاعده هو سحبني كبل وانه متأذايه

- وريتيني ور ورب العزه اشتعل جدج نسوان ما منجن بس شلاع الكلب لابستو لهل غضب وتمشي بي