الاشاوس و الشقراء

البارت الثـالت و الثـلاثون

ومانسينه و اعله الدروب
الماخذتكم چودرينه
وانتو عفتونه ولا طيف اعتناكم
ولا تلومونه لون نحچي بهواكم
هي الگلوب التحن واحنه شبدينه .

- ماكوو شي كومي البسي عباتج والحكيني شعرايه من راسج لا تطلعيهه بسرعه

- وين الياس

- امشيييي ناز طالع انه حطي عبايه ع راسج وامشي وياي

- وييين

زمخ بيه

- مثل الطلقه اغمض عيني افتحهه الكاج فوك مكمله نفسج ونازله لا تخليني اتصرف غير تصرف وياج

رحت لبست صايه خليجيه وشال وطلعت دحك عليه تأفأف صعدت وطلعنه

- وين ماخذني الياس

- ناز عايني حضن وشبك ماكو بالعباس اكضيج بمكانج اذا حظنتي

- لمنوو

- لمحمد تراا هو مو اخوج وهسه انه ماخذج اله ميصير نستغفلهم ونخليهم على فكرة انو انتي ميته انتي هسه عايشه و مرتي انه خوششش

سكتت مهضومه شلون راح ادحكو وهو هساع ابن خالتي وانه الجنت اضنو اخوي اخذت نفس وتنهدت هو يبقه اخوي ابقه انظرلو نظرة اخو

وكف السياره كبال اسواق

- خل ننزل نجيب حلويات وهذن السوالف لشمه

ابتسمت

- نازز شني ما تردين تروحين اذا ما تقبلين حته نرد وكأنما شيئا لم يكن

- لا اروح مشتاگتلهم جثير

خزرني سكتت نزلنه دناخذ الحلويات صديت ع رف الجباسه صاير خارج المحل دا اخذ نصدمت وتيبست بمكاني وكفت و ادحكلهه و هي تدحكلي

فصلت عن العالم المره الدمرت حياتي الكرهت اهلي بيه حسيت على الياس من كضبني بقوه بجتفي صديت عليه دحكلي

- هاي شبيج وهذي منو وهيج صفنتي عليهه

- هذي ام حازم الياس

عكد حاجبو باستغراب

- يا ام حازم

لالت الدمعه بعيوني

- هي هذي الجابهه محمد وكالتلهم

غمض عيونه بقوه وكور قبضة ايده

- للجحيم شسويلهه روحي صعدي امشي

مشيت حسيت عليهه كضبت ايدي

- يمه ناز سامحيني

سكتت وما دحكت عليهه ظليت على جهتي

- ابريني الذمه يمه والله حوبتج طلعت بيه وتأذيت بابني خذو مني داعش وكتلو كدام عيني وما بقالي بس حازم وباسم كتلوو وليدي كدام عيني يمه اعذريني ادري السويتو وياج صعب بس الله عاقبني وطلعها بيه