الاشاوس و الشقراء

البارت الثـالت و العشـرون

نــاز : 

اخذتهن منو صعدنه كعدت اقره بعلاجهه صدك اكثر شي سلسلة مهدئات ناطيهه وصلنه للبيت وهي نايمه ما حاسه بلدنيا خطيه سوده عليه متعوبه هالبت شصاير بيهه وبحالهه 

دخلهه الياس بغرفهه وخلاهه ع الفراش دحك اديهه وزفر بغضب 

- شكو الياس 

- اديهه كلهه زراك غرغرت عيوني ولا ارادي دحكت على ايدي وتذكرت هذيج الايام الجنت انضرب بيهه من اخواني وشلون الم و وجع من الضرب يكتل ويشل دحكت عليه الياس ورفع حاجبو وكال

- شبيج ناز 

- اا لا مابيه شي صد عليهه كلب اديهه انه عبالي ديقيس النبض بس لا بعدهه رفع الشعر عن ركبتهه دحك بيهه وكام يكفر 

- شبيك الياس ركع الميز بقوه 

جفلت من يمي وكبل دحكت عليهه كلت هساع تفز مفزوعه بس لا نايمه 

- هال*** ابن الكلب حته ابر مخدره ناطيهه اديهه من الوريد للجتف وركبتهه بيهه اثار مالت وغز ابر مو بس حبوب 

تعجبت ونصدمت دخيلك ربي شهالبشر هذا شلون هيج يسوي كتلو 

- زين شمدريك مخدره لو مالت ادمان 

- غيرر حافظ الكائنات المكان الينضربن بي فتحت عيني ودحكتله خزرني 

- لا يروووح بالج بعيد بكد شعر راسي مارين عليه مدمنين وعركجيه ووو 

- بسس بسس افتهمت صد مني وظل يحجي كتلوو 

- الياس لا تحجي هساع تكعد 

صد عليه وضحك باستهزاء 

- لج بويه لو تطك يم اذانهه عبوه هم متكعد بعد 

- لييش 

- الثوول بطلي المدمنين ايدهم والنوم يذبون نفسهم حالهم حال الميت من يكعدون يجروهه كعده طويله باستطاعتهم ايام مينامون ومن ينامون بعد يغمون وميحسون 

- وانه شمدريني ما مار عليه شخص مدمن كبل هساع يلا كعدهه 

- شلون راح تخليني اكوملهه 

- عجل شلون انطيهه العلاج 

- من تكعد يلا 

- الياس هاي ليش هيج عيونهه حمر وترجف وماتكدر توازن نفسهه 

- لج بويه اعراااض اعرااض عيونهه حمر و يكبر البؤبؤ من الضغط وتكطع الاكل نهائيا لو تزيد بلاكل كثير واذا تنام تنام جدي بكبره مايكدر يكعدهه واذا كعدت تكعد عدوانيه اذا رادت شي وماسويتي عدهه استعداد تكتلج لان هسه بداخلهه رغبه جبيره ع الحبوب وتريد تاخذهه 

- اااا وانه عود كلت انام هين يمهه خاف تريد شي ضحك وكال 

- دمشي لا تكعد وتصير من الروس والحك على جنازتج بس ترا اذا هاجت تصير قويه