الاشاوس و الشقراء

البارت السـابع و الأربعون

ناز تكول :

گون الگاك
و اسوي جروحي بيت بيوت ...
نلعب بيهن انه وياك
گون الگاك
واحرك ورقه يمك ..؟
حته اكلك شوف ...!
هيج وداعتك
جنت احترك بجفاك .

ناز :

مبتسمه وادحك للشغلات اللي جابتهن خاله من طلعتها تراكات صغار وتجهيزات اطفال جايبه وردي وجايبه سمائي ضحكت حاسبه حساب اذا ولد و اذا بت

- خاله بلا اذا بت نكدر نلبسها سمائي يرهم بس اذا ولد وين نودي الوردي وهو دحكي شحلاتو

- عادي بنيتي هم نلبسو وردي عجل شنيي قابل

لا ارادي كتلها

- لا عمه الياس ميقبل جان يكول انه ابني ماخلي يكضب شي للبنات و اريده يصير زلمه من صغره هو جان يكلي حته وياج لا تحشري زياده واكله عجل شلوون انه امه شني ما احشره وياي

ابتسمت هي وانه نزلت دموعي ايدي صارت على بطني تمنيته وياي بهالوقت فرحان لفرحتي و ندحك ابنه يكبر و احنه سوا مو بعاد اخذت بعدني توني دخلت الشهر الثالث بعد وقت جثير ان شاء الله خلال هالوقت انت تجي وترد لينه و تفرحنه ماريد تصدمني ويجيني خبر موتك الياس اريد اظل بهالأمل ومستعده اظل انتظرك سنين

عاينت لعمو دخل وهو عاكد حاجبه ويحجي بلفون

- شعندك شموديك لتركيا بويه فارس ..... شغل چاا و مريتك وين تخلها ... اخيك تدري بي صبح دوام واهي هم دوام واهو يتاخر ويطلع ويه جماعته وشلون تخليها وحدها بلبيت .... اذا ما تريد يم عمامك چا شلون .... ادري بويه اعرف عمامك والنعم منهم بس كم مره تستغفل طلعتهم وتهجم ع البت چا شلون

... هونها و تهون هيج انك مستعجل ..... اذا هيج يا فارس جيبها يمي و يم الحجيه و مرت الياس اهي هم بحسبة بنيتي وماعدنه زلمه بلبيت و برد راسك وانت سالفتك يومين ما تطول ع حسب كلامك .... دوامها انه اوصلها بطريقي لو يجيها صادق وانت بكيفك بعد شتقرر بس اهي حبت الكعده يمنه وتوالمن هن والحجيه ... مااشي الله وياك بويه

سده وصد علينه

- يمكن راح تجيكم ضيفه للبيت

ابتسمت

- كل الهلا ب آن عموو

- حبيتيهه يبعد عمج

- اي عمو هي جثير محبوبه

- اي بويه

ظلينه ننتظرها و صدك لحد الليل اجت دخل عمو زوجها للديوانيه و حجه ويا وصا عليها و راح بعدها هي اجت علينه وضحكت

- خوما راح اضوجكم

ضحكت على ضحكتها

- لا خيه بلعكس

كفت عبايتها وتربعت و كعدت

- بلا شلون سالفه كبل بركعني بيها وصعدني دفع بلسياره من كد ما مستعجل على تركيا