الاشاوس و الشقراء

البارت الخـمسـون

الباشا يكول :

عفت كلشي !
واول شي عفت حزني ..
عفت الجنت عنهـم صعب استغني !
والناس العود تحبني ،
خلصت من النفاق الـچان خانكني
ناس هواي چانو بس قليل الخير
والحاسد عليهم هيچ حاسدني !
زين والله وخلصني .

ناز :

ركن السياره ونزلنه كاد ايدي ومشه باتجاه بيت دحكت عليه بيت منوو هذا الجايبنه اله جثير حلوو بنائه مثل بيتنه وهم بوسط بستان جبير داير مدايره كلو نخل واشجار و ورد والدنيا ليل والطبيعه والجو يجنن

مشينه دخلنه للبيت كتله

- هاي وين جايبني

ما رد عليه مشينه دخلنه بمضيف كله زلم هد ايدي يسلم عليهم صرت ورا ظهره وتمسكت بقميصه هاي وين جايبني كلهم بيهم كبار وبيهم شباب اخير شي هو صاح

- چا وينهم فارس و صادق

- فارس موجود بس جوه هسه دخل ومن سمع بيك كال شويه واجي وصادق طالع وجاي

دحك عليه زلمه جبير ويبلع بريكه والباقين متركزين عليه ختلت بورا ظهره اكثر اووف وين جايبني نرعبت والله اول مره اتعرض لهيج موقف

فجأه ودخل شخص وراي سمعت صوته كال

- بوويه حي الله هالجيه والرده الحلوه يابعد طولي طولك يالحبيب

وحظن الياس بقوه وسلم عليه مد راسه لورا دحكت عليه وخزرته نفسه اللي كلي انتي امي

- بويه جايب امي وياك نورت الدار والله

راد يرد عليه بس قاطعه صوت

- نورتنه بجيتك يالعضيد

سلم عليه بعدها سحبني من ورا ظهره خلاني بصفه وكدام هالزلمه الدخل دحك عليه

صار نظري عليه وعلى هالفارس صفن بوجهي

بعدها ابتسم بغصه وقهر باينه بوجهه تقرب على الياس حظنه ومدري شحجه ويا

ربت على جتفه وكاله

- وانت الصادك اهي هذي

دحك عليه عيونه لمعت بفرح بدون سابق انذار سحبني لحظنه نصدمت وايد الياس شدت على ايدي كبل دفعته و زمخت بي

- هاااي شنيي شجاي تسووي

نرعبت من دحكت الياس واكف ونظره عليه رحت و صرت ورا ظهره شديت عليه نزلت دموعي ورجفه بروحي

- هاي شبيك الياااس امشي خل نرووح شلون تقبل هذا هيج يسوي

كلهم صافنين عليه فجأه وكام زلمه بيناتهم اجه لفارس كضبه من ايده

- شني هالتصررف يابن اخووي

- اخيتي هااي بويه اخيتي الما عاينتها بعد من روحة امي نازز هذي نازز