مسائووو حبيبيني
ما حبيت اخليكم ع نار انتظار للبارت الجاي ف اجيت وجبتلكم كم مشهد من البارت الجاي
يولوو خل اكللكم شي كلكم تكولون الـ چاا ع فارس و صادق يولووو عچل البطله و تعرفوهه ناززز
القرابه بين الياس و ناززز مقطوعه جدا ماكو بينهم اي صلة قرابه للعلم حلويني
حته ادمان راح تشوفو بهالقصه خايبات شكلتلجن مو هذي القصه عقده صعب تنفك شوفن الاحداث الجايه و كولن ما كالت كتلكم البارت الجاي بي حدث صادم النه ومؤذي ومرعب بلنسبه لناز تابعو وياي هالمشاهد
تغشوشه من البارت القادم ||
أنا لست مثل اللواتي عند
سماعهم كلام جميل يحمرن من الخجل ...
أنا لا اعرف كيف اغازلك
أنا لا استخدم الكلمات الناعمه
أنا لن اغير صوتي عندما اتحدث معك
أنا لن انظر ببرائه عندما ارى عينيك
أنا لن اتصنع ما افعله معك
أنا لن اراقبك لاني لا اكترث الى افعالك بل لك
واخيرا ان كنت ترغبني
تستطيع البقاء معي.
المشهد الاول ||
دحكت ع المكان الانه بي شني هاي مكان مهدم وبي ادوات بناء طابوك ، رمل ......الخ
انه وين كمت نفضت ملابسي بس راسي مسطور امشي دحكت جنطة الملابس يمي مركونه انه وين ابوي وين اخر شي جنت ويا بلسياره عجل شجابني هين ؟؟؟؟
جريت الجنطه وطلعت اريد ضوا صار كبالي الشارع امشي واتجه راسي دنيا بيهه ضوا قليل عبالك هستوهه دتغورب دتروح الشمس ويحل الضلام الخوف والرعب احتل كلبي انه وين اريد اهلي وينهم دحكت ع الساعه الابستهه بيش هساع نصدمت من شفتهه ب 6 ونص نزلت دموعي برعب وين انه عافوني وراحو هين شفتهم شندل حته بيا محافظه وبيا منطقه مادري انه
نزلت دموعي برعب من الانه بي تخورست جريت جنطتي وطلعت مشيت الدنيا بدت تظلم شارع فارغ او مهجور تقريباً بس انه بي الخوف والرجيف احتل كلبي امشي دموعي تنزل ورعشه بكلبي وبجسمي وين اروح انه وين هساع مشيت بهالشارع وادعي ربي واستنجده ينقذني من هالمتاهه
رمل وتراب كلو جوه رجلي ابوي وين راح معقوله هو ذبني هو عافني هين هو راد يخلص مني وشمرني هين شوي وبده عواء الكلب يقرب مني تخبلت وظليت اتلفت كلشي ولا يهجم عليه كلب بهالليل ويمرعدني كام يقرب الصوت بجيت وسرعت خطواتي ماكوو احد يطلعلي ماكوو احد ينقذني من هالعذاب معقوله انه بلأنبار اشو بيوت كلها مهدمه واثار رمي بلبناء
المشهـد الثاني ||
زحفت بالكاع وهو تكلط علي حيل دموعي بدت تنزل اكثر جلب اسود يخوف وانه رجلي حسيتهه تفلشت من الوكعه مجاي اكدر اكوم تكلط ل رجلي وفتح حلكه ديعضني سحبتهه بقوه وعطت نهاريت فجأه وسمعت صوت طلقه ثارت شرارتهه دحكتهه مرت من يمي زاد الرجيف بيه هساع منو هين نوب طلقه ليا ظيم راح توديني يدنياي هساع كلشي ولا يطلع وراي داعشي ورب العزه انتحر ولا يسوي بيه شي
ما حسيت الا بواحد مد ايده وسحلني من ورا عطت وتملصت منه اسمعه يستغفر ويسب وينعل بمنو ما ادري حسيت بي تكلط طفرت وكتلو
- وخررر من هيين لا تتكلط عليه ابتعد عنيي داعشي حقيررر
- امشي وياي يولل انه مو داعشي
صوته مئلوف عليه بس مجاي اتذكره الخوف مسيطر عليه وجه وكفه خررب هساع انه شسوي اجه عليه طفرت لجنطتي وانه لهل ساع ما دحكتو بدون ما اصدلو نزلت دموعي وكتلو
- حباب عوفني عليك الله والله انه ما مئذيتك ولا مسويتلك شي ليش تريد تأذيني انه اصلي واصوم واعبد الله والله بس هساع عوفني وانه ارووح ارووح من هينه بعد ما ارجع وداعت امي بس ما اريد تلمسوني انتو قذره وحقراء وانه نضيفه الله ينتقم منكم
- هاي ياهو القذره والحقراء ؟؟؟
تخورست انه شكلت شحجيت بيش ورطت روحي طفرت وحته وجع رجلي نسيتو جريت جنطتي ومشيت فجأه وصار رمي قوي حسيت نفسي انسحبت والطخت بجسم بدلته العسكريه الحدايد البيهه بلصدر اذت وجهي من اثر قوة الاصطدام بين وجهي وبينهه طوقني بجسمه والرمي فوكانه صـار بفلس السما صارت عباره عن دخان ونـار اسمع ودافنه راسي بصدره من الخوف وجسمي يرجف ثاني مـره انحط بهالموقف والخوف يخليني ارجف بيوم الجامعه وهساع برغم الخوف والزلك بس عطرو تغلغل بروحي شامتوو انه هذا العطر بس وين يربي ؟؟!!
سحبني فتح باب وكعدني بلسياره وهو صعدت وانه حاطه اديه على اذاني من قوة الصوت وهو كاضب راسي بأيدو منزلو شويه ركن السياره بمگان رجع لوره سحب سلاح وعتاد وگال :
- انه راح اروح دير بالج تنزلين لو تتحركين ورب العزه اكفر بيج اذا تحركتي من هينه وراسج خلو هيج لا ترفعينو
ارائكم بلمشاهد
الحماس شكد يقره عدكم
تحياتي الكم ام اسـد .
أنت تقرأ
الاشاوس و الشقراء
General Fictionطغت ضحكه خفيفه على مبسمو وهو يسمعو لخالو من يگلو - ول يابه اشاوسي انت الياس و رب العزه رفع أيدو وهو يعدل بشاربو وبنبرة غرور گلو - عجل يابه شعبالك اعجبك انه دردمت بيني وبين نفسي على الغرور الشايله الديره گلها ما عدها منو ....... طلع وما حسيت الا...
