الاشاوس و الشقراء

مَشـاهد من المُسـتقبل

يجي يوم ..
السچچ تتلاگه ونغنّي
يجي يوم ..
يگون الگُمر خدران چَي ظلك شبگ ظلي
يجي يوم ..
ونفزّ عشاگ وچفوفك تلمّ چفي
يجي يوم ..
وغصب ؏ الفات اناديلك هلا بخلّي

( المـشهد الاول )

ابتسم وتقرب عليه حظني باس راسي و دفن راسه بركبتي ياخذ نفس منها باسني اقشعر جسمي كضيت متونه وابتعدت منه حجيت ويا بنبرة خوف

- وخر مني حباب مو جاهزه هسه انطيني مجال فدوه

وخر مني بلع ريكه و مسح وجهه ابتسم بوجهي و كال

- كل المجال الج حبيبي تعبان و جوعان وعلي نور كليبي ور بهالمره تعبنه تعب مو طبيعي الحكيلي بـ أكله طيبه من ايدج

ابتسمت

- چاا غير يدلل ال... الحب

- بسس الحب يا ظالمه

ضحكت

-چا شنييي شتريد

- حبيبي روحي كليبي وهذن السوالف مال حبايب لو انتي كاطعتهن ماشاءالله عليج

تقرب عليه اكثر و ديحجي جان تصحي وتطفره رنة فونه لكفته اله عاينت عليه مكتوب فارس اخذه مني وكام ليغاد شرب ماي وجاوب ع الاتصال خلا على اذنه ديحجي بعد السلام كبل صوفر وجهه ونخطفت الوانه وكع الفون منه وكال

- سلامٌ قولٌ من ربٍ رحيم

( المـشهد الثانـي )

واكفه جاي انتظر ان تجي تاخذها مني وهو لاكاني ع الباب وبيده المنشفه ينشف بوجهه خفت و رجعت لورا وخر المنشفه من وجهه دحك عليه بصدمه كبل دنكت راسي و رجعت لورا دحكت المنشفه شلون وكعت منه واجاني صوته وهو يكول

- ياهو انتي

بصوت ناصي قريب للهمس كتله

- مرت الباشا انه

- غلطانه بويه

رفعت راسي اله نظرتله بخزر وعاكده بحاجبي شهالجراءه نوب غلطانه يكلي ردت احجي كال

- انتي امي ايي امي انه

- شني امك خويه شبيك جاي اكلك انه مرت الباشا

كضبني من ايدي عتني اله

- امي انتي مدري اخيتي

دفعته و زمخت بي

- شنيي امك مدري اخيتك لا تتجاوز حدودك وياي لا عبالكم الياس ماكو تستغلوني

تبدلت نبرته وكالي

- يا بويه شبيج مو قصدي هيج اخوفج وعلي عاينت عليج وجن معاين امي انه

ابتعدت منه رجع عليه كضبت وجهي ركز ع الشامه التحت شفتي والتحت حاجبي كمت ارجف ودفعته زمخت بي والدمعه بطرف عيني

- عيب عليك هذن السوالف ترااا مره متزوجه انه ولا اعرفك ولا تعرفني ابتعد عني ترا اكول لعمو عليك والله

( المـشهد الثالث )

كاعده كبال الدكتوره

شهكت وكالتلي

- لجج امي شنو هاي هسه يلا جايتني

نبهتت وكتلها

- ليش دكتوره شني الصاير بيه

- متقدمه انتي يا امي و واصله مرحله حسابج هذا كله غلط ياهو الحاسبه الج يا بنتي وانتي شلون محاسه على نفسج

خفت وكتلها

- رحت لدكتوره وكالتلي هالحساب مضبوط

- لااا ابد مو مضبوط وغلط وانتي متقدمه شهرين عليه والعلاج والادويه الماخذتها كلها غلط مما سببت لدمار حالتج هذي ووصلتج لهل مواصيل ليش ما مراجعه غير دكتورع

دحكت عليهه و رجفه بروحي سرت خليت ايدي على بطني وكتلها

- شنو يعني دكتوره انه راجعت دكتورتين وراها هي دزتني عليهن وأيدن كلامهاا واخير شي وحده بدلتلي العلاج ونطتني هذاا

- غلط غلط هذا العلاج شجابه ع الحمل يا حبيبتي انتي المفروض ما تاخذين بس هذا المقوي لان كلشي ما بيج ليش هيج هذن خلن

 حالتج تسوء

فركت ايد بأيد متوتره

- شني يعني دكتوره شراح يصير

- احتمال كثير ضئيل يا امي انتي تطلعين سالمه من الولاده لان ولادتج لازم عمليه قيصريه وبالحالتين انتي وضعيتج و تعبانه بسبب هذي الادويه الغلط الماخذتهن

ممرضه جانت واكفه بصفها كالت

- سويلج فد حركه و سقطي للطفل احسن ما تخسرين نفسج

شهكت وحطيت ايدي على بطني نزلت دموعي وكتلها

- مستحيل مستحييل اسوي هالشي ابني هذا جزء من روحي قطعه مني ومن الياس مستحيل اطرحه او اسقطه او اسبب اي ضرر اله مستعده اعرض روحي للخطر وللموت في سبيل هو يعيش وما يتأذه

غمضت عيوني بقوه وشديت على ايدي وانه اسمع صوته اجه وبان من وراي فجأه

- خلصينه من هالطفل وسوي اي شي حته تطرحه بلا زحمه عليج اهم شي مريتي تكون بخير ما مستعد انه اخسرها الطفل ما يهمني اهم شي هيه وصحتها.....

ارائكم بلمشاهد عمرري شلونهاا ؟

شنو توقعاتكم للقادم شتتوقعون شنو راح يصير ؟

تحياتي الكم ام اسد