الاشاوس و الشقراء

البارت الخـامس و العشـرون

باجر دروبك تغني
تذكر البية تحبهن ..
تبجي وحدك
تبقى يم روحك تكابر!
باجر بحلمك تسافر ..
للبجي..
لدمعاتي يمك للوعود ..
للـ احبك .. لاتهدني
وابقى يمي ؟
للكحل وعيوني ذنـي
هواية بية أستصغرتهن!
باجر بعينك يكبرن
من تشوف المثلي ماكـو
وعـادي لون البعدي عبرن
وعـطري متبدي باديك
من تحس باعوك ناسك ..
واني جنت ! المشتريك
باجر تدورنـي باجر.

نـاز : 

يحجي بنبرة نعاس وهو مغمض عيونو وشعرو نازل على كصتو هههه يالله بيهم طبع بالعائله الشعر اسود كثيف جثيرر وسرح ومن ينكص لو يزين كلهه ايام ويرد يطول ويرجع نفسو

مديت ادي ووخرت شعرو عن كصتو كبل سحبني عليه وگال

- شهالحب والاهتمام هالصباح من خاتونه

مد اديه لحنجي واتلمس الشامه انه دوروني ما تلكوني اريد بس اتملص منو واشرد اخجل جثيرر من هالمواقف و ويا بالذات جثير يخجلني

اثر تحركاتي صار شعري على وجهه ضاج زفر بغضب و وخره

- نـاز هاي الاثـار اللي بركبتج شني

وخرت منو وكتلو

- ياا اثاار ماگـوو شي

كعد وسحبني عليه بغضب

- ترافة جلدج باين بيهه الاثر ذاك ووين مطفين بجلدج جكاره اثر الجكاره باين غير عن الكل

سكتت ماريد اكلو اخواني هيج سوو ماريد ياخذهه نقطه عليه وبعدهه يكوم يذكرني ويعيرني بيهه ويكلي اهلج واهلج هيج سوو بيج وهيج سوو بيج

- هـاي ياهو هيج مسـوي بيج

وخرت منو دا اكوم زمخ بعصبيه

- شداحجييي انه مو جاااي اسئلج جاوبيني ياهوو السووه بيج هيج

- مـادري الياس نمت كعدت هيج صاير مو حرك هذاا يجوز غير شي لو متأذيه بشي وانه مادري لو يجوز اثر سلسال تفاقم وهيج صار

- عليمن تضحكين انتي بويه هـااااا انه كلشي شايف وكلشي اعرف وهذا مبين حرك مالت جكاره

- حرك الجكاره يروح هذا لا لهيج داكلك مو حرررك

- لااا ميروووح يضل طابع بلجلد

- لاااا يروووح

مديتله ايدي

- عجل الحرك مالت الجكاره اللي نصابيت بي بيوم الجامعه منك وينو شوو راح اختفه

رفع حاجبو

- تضحكين عليه انتي بويه لو شايفتني طفل كاعد كدامج وربج اكوملج هسه اعدمج العافيه الحررك الصار بلجكاره بيومهه من وره ثولج وعدم انتباهج وراح وما بقاله اثر لان خفيف مو مثل هذا نابت بركبتج

- ماكو شي الياس فدوه

سحبني عليه

- هاي هيج اذوج واجرمو بيج