الاشاوس و الشقراء

البارت الخـامس و الخمسون

ناز تگول :

- النواية البيض
واللمعة ل بالعيون
وملامح وجهي
والنظرة
ووضوحي..
والرجفة لبدية ونبرة الصوت
واذا چذبت تستثڪلني روحي
وبياض ڪليبي
والطهر إللي بالروح
(هذن ڪلهن أساسيات نوحي)

نـاز :

فتحت عيوني على ضوى قوي يقتحمهن وغواش عارم ضليت اغمض وافتح لحد ما وضحت الرؤيه عفست وجهي من حسيت بوجع قوي ببطني نزلت دموعي راح ابني راح بجيت بصوت شكد تأملت يجي واشيله واشمه ويكبر و العب ويا بس هساع كل احلامي تحطمت

حسيت بلمسة ايد طوقت ايدي صديت فارس دنك باس راسي وكال

- شلونج

دموعي تنزل واكله

- راح مو راح ابني مات

رفع جسمي وحظني تاذيت من بطني مسح على راسي

- بويه وليدج مجلب بيج ما يرضى ينزل

بين دموعي ابتسمت

- صدك فاررس بعده موجود ببطني عچل هذا الوجع اللي بيها شني

- مالت الگ*** هذا هو ضاربج موو بالعباس الا اكلب الدنيا عليه نطيته مجال كثيرر شمهما يكون صويحبي واخوي بس انتي اخيتي وتسبقي بلمعزه اكلب الدنيا على راسه اذا مسج خاف عباله احنه هيج وما نحاسبه لا بعلي ضنه غلط من توصل السالفه الج احرك اهله حضنته

- الاخو سند الله لا يحرمني منك

مسح دموعي وكال

- ما الج ضله بعد يمه تمشين ويانه

- انه اصلاً ما ابقه يمه بعد لهنا وكافي ما مستعده اخسر ابني

دخلت الدكتورره وابتسمت كالت

- انتي متعرضه لضرب لان باين من وجهج احجيلي ولا تخافين

- لا دكتوره مجرد وكعت وتاذيت

- لا تخافين واحجيلي الحقيقه

- هي هاي الحقيقه ماكو شي

- ديري بالج على نفسج يا امي لان ع كولتنا ابنج هسه مربوط بخيط رفيع ومعرض للاسقاط وغيرج وحده جان طرحت بس الطفل متمسك بيج بس النبض مو كلش قوي وطبيعي لهذا اريد منج تبتعدين عن كلشي ياذيج وعن كل التعب والارهاق والتوتر اذا مو لخاطرج لخاطر ابنج وتتجنبين المشاكل والدرج مؤذي لحالتج وتغذي لان محتاجلج فيتامينات العلاج وحده ما يفيد لازم ويا اكل ونزفتي ولازم تعوضين كلشي

وافضل انو تروحين لدكتوره مختصه او تجيني للعياده حته تتطمنين اكثر على حسابج شكد واصله هسه

تمعنت بكل كلمه كالتها

- نص الشهر السادس من حملي هذا على حساب الدكتوره اللي راجعتها بلبدايه بس بعدها ما راجعت اي دكتوره لان صحتي زينه