الاشاوس و الشقراء

البارت الثـاني و الخمسون

يگول :

بحة صّوتها ونضرتها اليه
وگلبها وروحها الذابت بأديه
رسم شفتها ؟
والرصعه ؟
والخدود ؟
هذن كلهن يرب عمن عليه !

ليان :

- هساع نروح لو ننتظر مهاب ورائد وايلين يرجعون حته ناخذهم ويانه

- لا امشينه هساع بين ما هم يجون حته احنه نرجع

صعدت بدلت ونزلت طلعت صعدت بلسياره وهو هم وطلعنه ركن السياره بمكان وكال

- انزلي خل نمشي

مشينه بعدها دخلنه مساحه جبيره مزروعه ابتسمت وصديت عليه من جمال المنظر

- انه مدحكتها للكاع من جانت تراب ابد ما مدحكتها بهالمنظر

ابتسم

- عچل شوفيها هساع

مشينه شوي وكضب جيبه بعدين كال

- ليان انه نسيت فوني والهويه بلسياره راح اجيبهن واجي تجين وياي

-لا لا انه راح ابقه هين اتمشه حلو الجو وانتظرك

-الدنيا بدت تغورب لا تبتعدين جثير وتتيهين تراج ما تعرفين شي هين

راح هو وانه ظليت اتمشه وادحك ع الزرع والاشجار لحد ما صار سرب مالت دجاج كدامي نخطف لوني مره شكدني ووشكبرني اخاف من الدجاج بس مو بيدي جثير بداخلي رهبه وخوف منهن مشيت ونفسي عله وهن يتقربن عليه ظليت امشي وادحك لورا هنه يمشن وراي

جاي امشي وعثرت وكعت ونلوت رجلي تأذيت جثير نوب وحده منهن تقربت عليه نكرت رجلي انه عطت هي عيطه هي بجيه من الخوف مو من وجع رجلي اللي كامت تصب دم اثر الوكعه كمت ازحف لورا حته لا يتقربن عليه
زمخت بيهن بخبال ليكول هن راح يفتهمن

- خايبااااات وخررررن اعكبن مناا

رجعت وحده ع راحه ايدي نكرتني دفعتها وبجيت ماكدر اكوم امشي ورجلي تاذيني لحد ما اجه محمد وخرهن من يمي وانه زمخت بي

- شكووو عفتنييي وحدي عجبككك هالشي هساع دحك شصار وشسون بيه

رفعلي حاجبه وكال

- مننه شو انه مجاي ادحك احد غيرج

- شنييي ما تدحك احد غيري عچل والدجااااج

دحك عليه بصدمه بعدها ضحك بقووه

- هنيال حظي تخافين من الدجاج

طنكرت وضجت والدمعه حزن بعيني بخنكه كتله

- اي اخاف من كل انواع الطيور والدجاج فازه منهن من الصغر واخاف
دحكني هيج تكلط عليه مسح دموعي

- ول يابه بسج بجي هساع هذاهو راحن عوفيهن يولن امشينه خل نرجع للبيت

ردت اكوم بس تأذيت من رجلي