الاشاوس و الشقراء

البارت الخامس عشر

‌‏نبيٌّ أسمرٌ وَجهُكِ رسالتُه
‏مِنْكِ بكِ ينمو الضوءُ قوافلُ
‏تنام ، فيكون الكونُ منطفئاً
‏تصحى ، فيغدو الكونُ نوافل ُ..

نـاز : 

شوي ودخل عمو بس ويا زلمه ثاني شاب شايب ما دحكتو بس لمحتو انه كبل طفرت منهم للمطبخ خفت لا الياس يكب عليه هو بلا شي يدورلي الزله

كعدت شويه واجتني شَمم وجهه مصوفر دحكت لأديهه ترجف كمت عليهه كبل وكعت وظلت تبجي وجسمهه كلو يختض من الرجفه خفت عليهه جثير حاجيتهه ماردت بس تبجي يالله شصاير وياهه

هزيتهه همست بضعف وخنكه

- صعديني صعديني فدوه

سندتهه وصعدتهه لفوك وهي ما بطلت بجي و رجفه شربتهه ماي ومسحت دموعهه

- شَمم شبيج شصابج حبيبتي ليش تبجين

سندت راسهه على جتفي وحظنتني وتبجي ومن كد ما بجت جثير صارت تشاهك بعدهه كالت

- هذااا هذا ايي اهوو خل يرووح خلل يروح

- شگـو شمه شبيج ومنو هينه حته يروح بس انه وياج

حجت بشهكات 

- جوووه جووه كاعد خل يروح

- حبيبي شبيج غير تفهميني اهدي

هدئت وكالت وهي تسند راسهه على جتفي نوبه لاخ

- انتي اخيتي موو انه احبج واريدج اخت الي اشكيلج همومي

دمعت عيني وحظنتهه

- ايي حبيبه انه اختج من اول يوم دحكتج بي كتلج انتي اخيتي وانه احبج وشتردين تحجين كولي انه موجوجه اسمعج واصغي الج وكلشي اكدر اسوي الج حته اساعدج واسعدج تتدللين ومن عيوني

اخذت نفس وتنهدت بحزن

-انـه شَـمم انه اللي عشت طول عمري اميره والفرحه بكلبي وشاريده يصير انه اللي من وعيت ع الدنيا الياس اخوي شايلني وابوي وامي يلاعبون بيه جنت اظن الدنيا كلها هيج ماعرف شني هم لو شني حزن ماخذه الدنيا بأكله بهديه بورده بالعابي اليجيبهن الي اخوي بمشترياته الي بملابسه اللي ولا فد يوم قصر وياي وعيت ع الدنيا وهو شايلني شيل شمهما اكبر وازود سنه ابقه بعينه طفله ابقه بعينه هذيج العمرهه سنه لو سنتين ممشيني ع الورد شأريد يكول تم ادلل عليه وعليهم كلهم مدللتهم وحبيبتهم انه شمة الياس ورويحته هيج يكلي اخوي

اللي دومني اتفاخر بي وازامط وياهو اليحاجيني اكله ترا انه اختو ل اليااس هاااه لا تندك بيه ( ضحكت وردت كملت ) صح اخوي يجوز البنات والطلاب ما يعرفونه بس بمنطقتنه كلها تحبه وانه ازامط واتفاخر بي لان احسو شي عظيم يعلمني كلشي يكضبني ويكعد يحاجيني يعلمني يحسن تصرفاتي

من اسوي شي غلط ما يعاقبني ويضربني لاا وگذالك من اتعارك ويه شخص واكون انه الغلطانه كدامي هو يعرف غلطي بس ميخلي احد يحجي عليه ويدافلي وبعدهه يسحبني على جهه يحاسبني بيهه بتفاهم وبكلام وانه كبل اصغي الو احسو اخوي هو ابوي مهتم بيه اكثر من كل شخص يخاف عليه من الهوا ومن الطير الطاير