الاشاوس و الشقراء

البارت الثاني عشر

علمتني الأشواقَ منذ لقائنا
فرأيتُ في عينيكِ أحلامَ العُمر
وشدوتُ لحناً في الوفاءِ .. لعله
ما زال يؤنسني بأيامِ السهر
وأمامَ بيتكِ قد وضعتُ حقائبي
يوماً ودعتُ المتاعبَ والسفر
وغفرتُ للأيامِ كُلَّ خطيئةٍ
وغفرتُ للدنيا .. وسامحتُ البشر

نـاز : 

كاعدين بلحديقه انه وشَمم وخاله وعموو هم كاعد ويانه بس ملتهي يقره بكتاب دخل الياس من برا وتقدم علينه سلم وبعد السلام كال
- نطيني ايهم وامشي جهزي ملابسه وكلشي يمج يخصه جيبيهن

استغربت وكلبي وجعني

- لييش ؟!

- اهله جَـوو عمه وعمته دياخذوو

نصدمت

- شنييي انت مو كلت يبقه يمي انه اريدوو مو كلتلي انتي تربي ويبقه يمنه هين

- نازز بهالحجي چا غير اهله يردوو

- اكعد اليااس خل نفتهم منين عرفت هذول اهله يجوز مو خوش وادم وتريده تتاجر بي شي يا ابني غير تتأكد

- بويه متأكد صارلي ايام ابحث عليهم وحته اسمه للزلمه دكيته حاسبه اخاف يطلع ارهابي او شي وحته بلسجون وصيت صاحبي يدك اسمه وزلمه نظيف جان طالع لتركيا اخته هي وزوجهه مستقره هناك وسافر الهه يدرس ومن جار لجار واصلين لمواقع التواصل اله ومبلغي وجابولي اخبار عنه وره يوم من سعد صديقي وانت تعرفه ما يجيب خبر كاذب وانه لتقيت بي بهالزلمه اجوو هسه من مطار البصره نزلو هو واخته بويه باينين نيتهم صافيه وانه الله شاهد حبيته واعتبرته ابني بس بعد ما جو اهله مالي حق احرمهم من ابن اخوهم

صد عليه

- بويه نـاز خلي الطفل يروح لاهله يربه عدهم وبينهم عمه وعمته ومن ريحة اخوهم واهلهم وحرام علينه نرحمهم منه

دحكتله ودمعت عيوني صح ما صارلو جثير بس تعلقت بي وحبيتو وكعت دموعي وانه ادحك عليه دنكت عليه بوستو وخليتو بحظن شمه ودخلت كبل صعدت فوك

كعدت ودموعي نزلت تعلقت بي وماكدر على فراكه والله صعد الياس وراي وشايلو ل ايهم دحك عليه

- بلا بجي كومي نطيني ملابسه والعابه كلشي يخصه

كمت طلعت جنطه جبيره مال سفر خليت بيهه ملابسه والعابه كلهن الجابهن الو

- اذا لا سامح الله مات اخوج وجنتي بعيده عنه ودريتي ابنه ظل عايش وخذو الغربه ترضينهه تظلين بمكانج وتخلين الغربه يربون ولد اخوج اللي بيهم نفس اخوج وريحته

- لا طبعاً ما ارضه

- چـا ميصير ما نرضه على نفسنه ونرضاهه على غيرنه

مسحت دموعي وابتسمت

- الله يوفقو ويحفظو ويا رب يوم الادحكو باعلا المراتب واحسن دكتور