الاشاوس و الشقراء

البارت السـادس و الأربعون

غازَلنيّ وبـ لِحظة انتهىٰ
صَوْت الغُرور البَيـه
زَعـلانه ؟ لا .. فَدوا الزَعـل
ولفيّ وحَلال تعيل خايبّ بَيـه ...

شَـمة : 

ابتسمت بوجهها وكتلها

- اللي بسده غاليه ما يروح للرخيصات حبابه الما يريدني ذهب ماريده تراب تاليتج معروفه تراهاا واكدر برمشة عين وبحركه مني اخليج برا البيت بس ماريد اجرح مشاعره واكله مرتك الحبابه جاي تخونك

سمعتني ما حجت كبل صدت

مرت اربعة ايام انه جنت كاعده ودخل هو والجكاره بايده اخذ نفس منهه طفاها وصد عليه

- انه احبج الج ما تهمني هي

- شيفيد الحب الحب اللي يجيب الاهانه والذل ماريده يابو صگر

تقرب عليه كض ايدي

- شمه ماكدر الطلاك ابغض الحلال يهتز بي عرش رب العالمين شني الذنب والغلط اللي رتكبته وتستحق الطلاك

زمخت

- شنيي اي ذنب من ساسها لراسها ذنووب هذي

- شنيي شني عدديهن الي

- لسانها شطوله ومشاكلها و طلايبها كل هذن ومو اسباب عندك

سكت ظل كاعد يهز برجله بعدها اخذ جكايره و طلع ظليت كاعده وساكته كطرة قهر ماكو بيه اخذت نفس وعدت نفسي شمم ما هتميت ان رادني او لا هسه بس يرجع اخلي يرجعني لاهلي و ارتاح الشركه خلهم ياخذوها والحصه هم خلهم ياخذوهاا طزز بيها المهم ما ابقى عايشه وياا

نزلت جوا جاي ادور عليه مالكيته سئلت حبوبه كالت مادري وينه شويه وكبت العيطه من فوك كلهم فزعوو وصعدو ع عياطها اللي يكول دتموت صعدت وراهم لكيتها جنازه جوا ايدها حبوبه كامت تدك و تلطم وتئنب بي وهو يكلها

- يمه شدافنه هالبت اطلعي دحكي حديقتج شدافنه بيهاا عكبت الها دا احجي وياها لكيت عدها فون عادي وتخابر بي وتكلهم اي دفنته واللي بلسطح سويته شمسويه اسئليها لا هساع اطلع بروحها وادزها لاهلها جنازه

ركض خالو للسطح انه طلعت ورا افترينا كله ماكو شي لحد ما وصلنا للنهايه لكينه الكاع كلها بيض طاكي وباقي هو و كشوره تقربت عليه ريحته مطيبه مبين بيض فاسد

ظل خالو يقرا ايات قرانيه بس شافه نوب سحبني و نزلنه وكال للبنات يصعدن يغسلن السطح

بعدها نزلو الولد كلهم للحديقه وهو كاعد يدك بيها ويزمخ عليها ما خفت ابد و وكفت يمهم لحد ما نثروها كلها وطلع منهاا بعدين شي اسود مثل العلاكه طلعها احمد واديه رجفت كبل خالو اخذها فتحهاا وكعت منهاا اوراق وسائل اسود محمر كثيف كام ينزل منهاا داير مداير الاوراق غسلها بلخل كعد يقرا عليها ويفككها اشكال موجود بيها زناجيل وبعدها طلع الاوراق ملفوفه بخيط اسود