الاشاوس و الشقراء

البارت الحـادي و الخمسون

أشَوفنك شمّس
تحُرگ كُل كاغد بسَدك
وأشُوفنك نِجم تضويّ للمّا يودك
گُمر متشابگ ويا الغيّم
متانيّ ألچلمّة من عِندك
بيمّن أحَلفك؟
بـ دمِعتيّ
بـ الجَرح
بـ غمّچ الآه
بـ فگدك؟
يـ أسمّر وينه وعِدك؟

آن :

كمت بدلت و طلعتله ملابسه بدل وصد عليه باس راسي وكال

- هيلايه لا تضوجين صدكيني ما ابدلج بمليون مره

ابتسمت ولزمت ايده

- اعرف و واثقه بيك وانت كد الثقه وما يوم خذلتني

مسح على شعري وابتسم

- نامي ارتاحي مريتي ورانه ركضه الصبح بلعقد

راح وانه كعدت افكر للجاي يصير شنو قصدها الا فارس يروحلها وبهل ليل هذا وين تريد توصل

كمت غسلت وطلعت طفيت التبريد على برودة الجو خليت الغرفه وتمددت ونار الغيره بكلبي شاعله ظليت افكر لحد ما نمت حسيت بشي يجكني بركبتي وانفاس حاره تلفح بيه فتحت عيوني بنعاس باوعت فارس ضحك بوجهي

- خايبه فدوه رحت انه لهل صباح الحلوو

ابتسمت و خليت ايدي على وجهه مسحت على لحيته وكتله

- صباحي انت

بسته بخده وحظنته دفن راسه بركبتي ضحك وهمسلي

- ناخذ فد گيم گبل المحكمه شتكولين

اني سمعت هيج كبل طفرت من يمه ضحك بصوت وكال

- هينه ي هيله هينه تحظنيني وتحركين جد اعزازي وتاليها تشردين

ضحكت واخذت ملابس ودخلت للحمام بدلت و طلعت القى نظره عليها وابتسم لبست الحجاب وعدلت نفسي طلعنه وهو الطريق كله كضا اتصالات

لحد ما وصلنه للمحكمه ظل يمشي بلاجراءات ومن الصبح لحد الظهر متت تعب يلا كمل كلشي دخلنه للقاضي وكملنه العقد طلعت هلكانه تعب باوع عليه وضحك

- امشينه للمطعم ناكل

هزيت براسي بمعنى اي وطلعنه بنص الطريق وكف يم مطعم اكلنه ورجعنه للبيت غسلت ونمت من التعب وهو كذلك لحد العصر صحيت على رنة الفون فتحت عيوني فارس يحجي

- كل الهلا عضيد .... هاااي شبيك هيدي هيدي ... ماشي بمناسبة شنيي .... ماشي بويه سكتنه سكتنه .... جايك ان شاء الله

سده ومشه مسافة الطريق وكفنه كبال بيت عمو ابتسمت وكتله

- تدري اني كلش احب حماتي واعرفها قبلك

ضحك بصوت وكال

- اروح فدوه انه للي تحب اخيتي

نزلنه ركن السياره ودخلنه تلكانه الباشاا تسالم ويه فارس وباوعلي