الاشاوس و الشقراء

البارت الثالث عشر

شمسُ النهارِ بحسنِ وجهكَ تقسمُ،
إنّ الملاحة َ من جمالكَ تقسمُ
جمعتْ لبهجتكَ المحاسنُ كلُّها،
والحسنُ في كلّ الأنامِ مقسمُ
يا من حكتْ عيناهُ سيفَ سميهِ
هلاّ اقتديتَ بعدله إذ يحكمُ
أنتَ المُرادُ، وسَيفُ لحظِكَ قاتلي،
لكن فَمي عن شرحِ حالي مُلجَمُ
تشكوا تفرقنا، وأنتَ جنيتهُ،
ومن العَجائِبِ ظالِمٌ يَتَظَلَّمُ
وتقولُ أنتَ بعذرِ بعدي عالمٌ،
واللَّهُ يَعلَمُ أنّني لا أعلَمُ
فتُراكَ تَدري أنّ حبّكَ مُتلِفي،
لكنّني أُخفي هَواكَ وأكتِمُ
إن كنتَ ما تدري، فتلكَ مصيبة ٌ،
أو كنتَ تَدري، فالمصيبَة ُ أعظَمُ .

نـاز : 

عفتهم كلهم تحت صدمه مسامعي تسمع ومصدومه حته حلكي يبس وريكي نشف من الرهبه والكلام السمعتو شني كتال امو !؟ شني عمو كاط اختـو !؟ لييش و وين !؟ هذن كلهن تسائولات وبعد اكو جثيره نزرعت براسي

مجاي افتهم كلشي هساع صعدت للغرفه فتحتهه لكيتو كاعد وناطيني ظهرو

رحت كعدت كدامه دحكت عليه ايدو ترجف ومغمض عيونه يفرك براسه بس مالو قدره من كثر رجفة ايدو كضبتهه بقووه وكتلوو 

- ولل اليااس فتح عيونك دحك عليه فتحهه لا تظل هيج هديي اعصابك وارتاح هساع اذا تضل هيج تحرك بدمك راح يرتفع الضغط جثيرر عندك وتصيبك جلطه اليااااااس

دحكت عليه ما استجابلي هزيته فتح عيونه بس عبالك فاقد يحجي بدون وعي ويرد يغمض عيونو بقوه ويگـول

- انه راح الكاهه لحوراء وارجعهه ليمي وحك امي يطلع من كتالهه ما ارتاح اذا ما اشوف عدالة الله شلون تنصف والهو سبب موتهه والحجو عنهه كلهم كدامي مدنكين ومذلولين هالگ**** اذا ماخليهم ينزلون جوه قندرتي ما اتسمه الياس مابقه شي

نصكعت وانه ادحكه شلون يحجي يالله وادي ترجف كضبتهه بقوه اكبر وكتلو

- الياااااااااس اهدئ لا تضغط على نفسك لخاطر الله بسس بسس راح تصيبك جلطه والله من كثر الرجفه هدييي عيونك تحولن دم دفعني وزمخ بيه

- شأهدييي شأهديييي شفتييييي حجيه يكلي تتخايل بطل خيالات جبيرررر انه جبيرر يرب الكعبه عمري 14 سنه وماتت امي بحظني محد تقرب يمهه ولا وصلهه ليكول يهوديه متمعين بموتهه

نزلت دموعي وهو منهار رحت يمه حظنته

- الياس اهدئ راح تنجلط و رب العزه

حظني بقوه وخله راسه على جتفي

- ماتت بحظني امي ومحد وصلهه متشمتين بيهه ويطعنون بيهه وهي تعالج بحظني اريد واحد يجيني يسعفهه ياخذهه للمستشفى ماكوو شصيرر انه اعاين اختي بزاوية البيت مكوره نفسهه وتبجي اكلهه شكووو تبجي بدون ما تحجي شي شمه جانت 4 سنوات وين غاطه ومتكتره مادري وامي دمهه ترس حظني