الاشاوس و الشقراء

البارت الحادي و العشرون

تغشوشه صغيره ||

البطلات هن اللي راح يمـر ذكره

- ناز بلا منتهين منهه البطله الرئيسيه للقصه
- جمره البطله الثانيه
- شمم اخت الياس
-لارين و آن بعدين كلش يظهرن ويه ظهور فارس وصادق 

فارس وصادق بلبارت 26 ينورونه 

•° وحده من هذن البطلات تموت بعدين شتتوقعون يا بطله من هذني راح تموت؟!

____________

وهسه مادام أنتهينه..
أسمحلي أذكرك،
خل أذكرك من بدينه..
لمّن چانت تهدل أمتون السوالف
واحنه لسّه بـ عزّ حچينه
لمن چان..
العتب نظرة،
الشوگ نظرة،
وحتى نار الغيرة نظرة،
والجريء الـ بينه چان السانه عينه،
أرد اذكرك من گلتلي هوايه أحبّك
آنه والـ عباس أحبّك
گتلك أبشر وآنه هماتين أحبّك.
چنه فقرة،
لكن أتذكر وكتها الدنيا صارت بين أدينه..
ومدة عدت، والتقينه
ومدة عدت، وأنجرحنه
ومدري ياهو الخان بينه!
ومدة عدت، بيها حيل أتغيرينه
واحد آعله الثاني صار يريد زله
ودسنه فوگ جروحنه
وقصدًا مشينه..
والتهينه ولبسينه گلوبنه ثياب الكرامة
واحنه نعرف بين كل خلّ وخليلة
إمبهذله ثياب الكرامة
وعاندينه..
والحچي يطول حبيبي..
وانت تتذكر غناوينّه وبچينه
وصح بِعدنه
وصح چوينه گلوبنه وغصبًا جفينه
لكن محلفة الساعة تگول إذا لحظة نسينه
وأنتهينه..
وهم أخبرك للأسف موش أنتهينه..
لچن يبني وحگ عينك من أغمض
تردّ ذيچ أيامي كلها
وهيچ أحسّ هسه أبتدينه..
وأنتهينه..

جـمـره : 

دفرتني وكعت بلكاع وابجي واشاهك سمعتهه اخير شي كالت

- ايييي هساع الياس واياد صفوو لبناتي وعافن هاي بت ال**** وخلصنه منهه هساع الشغل نبدي ببناتي عل الياس واياد

- شلـوون راح تخليهن!؟

- بعد ما اياد راح يدري بجمره قبلت اكيد راح ينقهر وهيج اخلي حنين تقره براسه وتكرهه بيهه وبعدهه هي تكون بدور المحبه اله وشوي شوي يملللهه واما طيبه فهي تعرف وتفتهم شلون تسحب الياس صوبهه وتخلي يصير الهه

بجيت ونزلت دموعي وانه مالي قدره ادي ارفعهه ونظري مادحك شي مجرد غواشه ظليت هيج احس بس بحراره تنزل على خدودي يا ربي شهالاذيه ليش هيج صار بيه انه

ظليت مدده بلكاع مالي طاقه ارفع نفسي واكوم واحس بشي ينزل على ظهري جرحي ينزف اخير شي غمضت عيوني ودخلت بعالم عباره عن سواد وظلام دامس

كعدت راسي مسطور دحكت للساعه 6 العصر توجيت وكمت وضح لصوت يمي كمت اسمع عياط وصياح نزلت دموعي من سمعت بصوتو لاياد شلون يريدني ويريد ياخذني منهم

بجيت وراح حيلي كعدت بلكاع خذلتو انه حته اتخطه اذاي قبلت يالله شكد انانيه افكر بس بنفسي ما حسبت حسابو هساع شكد راح يتأذه شكد ينهضم شوي نوب كام يصيح بأسمي