နှင်းယုနဲ့ချိန်းထားသည့် နွေဦးကံ့ကော်သို့ သဲထွက်လာခဲ့လိုက်သည်။
"ကောင်မ ငြိမ်ချက်သားကောင်းနေတယ်"
ဆိုင်ကိုရောက်တာနှင့် အနှင်းကသဲကိုပြောတော့သည်။
"ငြိမ်ရမယ်လေ ငါလဲအပ်ထည်တွေနဲ့လုံးချာလည်နေတာ အားမှမအားပဲ"
"အင်း ဒါနဲ့ငါတို့မေဇင်ကြီးတောင်စွံတော့မယ်နော်"
"ဟမ်...တစ်ကယ်၊နင်နောက်နေတာတော့မဟုတ်ကောင်း"
မေဇင်ဆိုတာ သဲတို့သူငယ်ချင်းတွေထဲမှာ အရိုးဆုံးအအေးဆုံးဖြစ်တဲ့အပြင် ချစ်သူလဲရှိတယ်မကြားမိတာကြောင့် သဲအံ့ဩနေသည်။
"တစ်ကယ်ဟ နောက်လဆိုရင်ယူကြတော့မှာ ကိုနေနဲ့လေ၊အဲ့ဒီကိုနေနဲ့ဘယ်အချိန်ကတည်းကကြိုက်လာခဲ့ကြမှန်းကိုမသိဘူး အဲ့နှစ်ယောက်ကတစ်ကယ်ပဲ..."
"aww"
ကိုနေနဲ့ဆိုတော့ မေဇင်အဆင်ပြေလောက်မှာပါလေ။သူတို့က 1st yearစတက်ကတည်းကခင်လာကြတဲ့သူတွေဆိုတော့ မေဇင်အတွက်သဲစိတ်ပူစရာမလိုတော့ပေ။
"ဒါနဲ့အနှင်း ငါမမနန်းကိုချစ်မိနေပြီ"
အဆက်အစပ်မရှိ သဲကပြောလာသည်။
"ဟုတ်လား "
အနှင်း ကြည့်ရတာအံ့ဩပုံလဲမရပေ။
"အနှင်း နင်မအံ့ဩဘူးလား၊ငါကမိန်းမတစ်ယောက်ကိုချစ်မိနေတယ်ဆိုတာ"
"ဘာအံ့ဩဩစရာရှိလို့လဲ နင်ကအမြဲတမ်းယောက်ျားတွေကိုသဘောမကျခဲ့ဘူး ယောက်ျားတွေရဲ့အချစ်ကိုအယုံအကြည်မရှိခဲ့ဘူး မဟုတ်လား အဲ့တော့နင်ကမိန်းမတစ်ယောက်ကိုချစ်မ်ိနေတာမထူးဆန်းပါဘူး"
အနှင်းပြောတာလဲ ဟုတ်သလိုရှိသားပဲ။
"သဲသဲ နင်အဲ့ဒါဆိုဘာဆက်လုပ်မှာလဲ အဲ့ဒီအစ်မကရောနင့်အပေါ်ဘယ်လိုလဲ"
"အင်း မငါ့အပေါ်ကောင်းပါတယ် ၊ခုနကလဲ မကသူ့သူငယ်ချင်းရှေ့မှာ ငါ့ကိုချစ်သူဆိုပြီးပြောလိုက်တယ်"
"ဟမ်...ဟုတ်လား"
"အင်း"
ဘယ်ဆိုးလို့လဲ။ဒီလောက်ဆိုအဆင်ပြေနိုင်တဲ့အလားအလာရှိသည်လေ။
YOU ARE READING
အချစ်ဖြင့်တည်သောကမ္ဘာငယ်လေး အခ်စ္ျဖင့္တည္ေသာကမၻာငယ္ေလး
Romanceသဲ "မ"ကိုလှမ်းကြည့်လိုက်သည့်အခါမှာ " မ"ကသဲကိုပြုံးပြလာသည်။ထိုခဏမှာ သဲရင်ထဲတစ်စုံတစ်ရာလှုပ်ခတ်သွားကာ သဲရဲ့ကမ္ဘာကြီးရပ်တန့်သွားသလားလို့တောင် ထင်မှတ်မိသည်။မရဲ့အပြုံးတွေကလှသည်။ဒီအပြုံးတွေကို တစ်သက်လုံးအပိုင်သိမ်းထားချင်မိသည်။ သဲ "မ"ကိုလွမ္းၾကည့္လိုက္သည့...
