နန်းအတော်ကြာအောင် ထိုကောင်မလေးရဲ့ရင်ခွင်ထဲမှာငိုနေမိပြီးတော့မှ ထိုကောင်မလေးရင်ခွင်ထဲကရုန်းထွက်လိုက်သည်။
"မ"
နန်း အဝတ်စားကိုသပ်သပ်ရပ်ရပ်ဖြစ်အောင်ပြန်ပြုပြင်လိုက်ပြီးတော့
"ညီမ အခုကိစ္စကို တို့ဖေဖေနဲ့မေမေ မသိပါစေနဲ့နော်"
"ဟင်...ဘာလို့လဲ"
သဲ နားမလည်နိုင်ဖြစ်သွားသည်။
"ကိုမာန်က တို့နဲ့စေ့စပ်ထားတဲ့သူပါ"
"aww"
ထိုလူက မမရဲ့ခင်ပွန်းလောင်းတဲ့လား။
"ကိုမာန်နဲ့က မေမေတို့လူကြီးချင်းစီစဉ်ခဲ့တဲ့ကိစ္စပေမယ့် တို့တစ်ကယ်လက်မထပ်ချင်ဘူး"
"ဒါဆို မဘာလို့မငြင်းခဲ့ရတာလဲ"
ဘာလို့မငြင်းခဲ့ရတာလဲတဲ့လား။နန်းလဲငြင်းခဲ့ဖူးတာပေါ့။ဒါပေမယ့် နန်းဘက်ကအမှားတစ်ခုကြောင့် ကိုမာန့်ကိုလက်ခံလိုက်ရတာဖြစ်သည်။
"မ"
"တို့ကယောက်ျားလေးတွေကိုသဘောမကျဘူး ညီမ"
"ဟင်"
သဲ အံ့ဩသွားမိသည်။မလိုမိန်းကလေးကယောက်ျားလေးတွေကိုသဘောမကျဘူးတဲ့လား။ဒါဆိုရင် မက...။
"အဲ့ဒီတုန်းကတို့မှာချစ်သူရှိခဲ့တယ် "
အဲ့တုန်းကပုံရိပ်လေးတွေ နန်းမျက်လုံးထဲပြန်မြင်ယောင်လာသည်။
"နန်း...ဒီမင်္ဂလာကိစ္စကိုလက်မခံနိုင်ဘူးဖေဖေနဲ့မေမေ"
"ဘာဖြစ်လို့လဲသမီး ဖေဖေတို့အမြင်မှာတော့မောင်ထက်မာန်ကသမီးအတွက် သင့်တော်တဲ့ခင်ပွန်းလောင်းတစ်ယောက်ပဲ"
"ဟုတ်တယ် သမီး၊မောင်ထက်မာန်ကအဘက်ဘက်ကပြောစရာမရှိဘူး မေမေလဲသမီးကိုမောင်ထက်မာန်နဲ့သဘောတူတယ်"
ဖေဖေနဲ့မေမေက ဇွတ်ပဲနန်းကို ကိုမာန်နဲ့သဘောတူနေကြသည်။ဒါပေမယ့် နန်းမှာကချစ်သူရှိနေသည်။
"သမီး "
"နန်း...နန်းမှာချစ်သူရှိပါတယ်ဖေဖေနဲ့မေမေ"
YOU ARE READING
အချစ်ဖြင့်တည်သောကမ္ဘာငယ်လေး အခ်စ္ျဖင့္တည္ေသာကမၻာငယ္ေလး
Romanceသဲ "မ"ကိုလှမ်းကြည့်လိုက်သည့်အခါမှာ " မ"ကသဲကိုပြုံးပြလာသည်။ထိုခဏမှာ သဲရင်ထဲတစ်စုံတစ်ရာလှုပ်ခတ်သွားကာ သဲရဲ့ကမ္ဘာကြီးရပ်တန့်သွားသလားလို့တောင် ထင်မှတ်မိသည်။မရဲ့အပြုံးတွေကလှသည်။ဒီအပြုံးတွေကို တစ်သက်လုံးအပိုင်သိမ်းထားချင်မိသည်။ သဲ "မ"ကိုလွမ္းၾကည့္လိုက္သည့...
