နန်းသဲနဲ့တူတဲ့သူကိုရှမ်းပွဲခင်းမှာ တစ်ခါတွေ့လိုက်သည်မို့ နန်းမကျေနပ်နိုင်ပဲနောက်ရက်မှာ ထပ်တွေ့လေမလားလို့ သွားရှာကြည့်ပေမယ့် သဲနဲ့တူတဲ့ထိုကလေးမကိုထပ်မတွေ့ရတော့ပေ။
"တီချယ်"
"ဟင်"
ခေါ်သံကြောင့်လှည့်ကြည့်လိုက်တော့ ဖြူ့တူမလေးကာရံဖြစ်နေသည်။
"သမီး ဘယ်လိုလုပ်ပြီး"
"လမ်းမှာကတည်းကတီချယ်ကိုတွေ့လိုက်လို့ နောက်ကလိုက်လာတာ"
"ဟုတ်လား ဗိုက်ဆာနေတော့မှာပဲ ဟိုမှာထမင်းကျွေးနေတယ်သွားစားကြမလား"
"ဟုတ်"
နန်း ထိုကလေးမကိုထမင်းကျွေးတဲ့မဏ္ဌပ်ဆီခေါ်သွားလိုက်သည်။ထိုမဏ္ဌပ်တွင် ပွဲလာသမျှပရိသတ်အားလုံးကို ရှမ်းထမင်း ရှမ်းဟင်းဖြင့်တည်ခင်းကျွေးမွေးနေတာဖြစ်သည်။
ဘူဖေးစနစ်လိုပဲ တန်းစီပြီးကိုယ်စားနိုင်သလောက်ထမင်းဟင်းကိုယူပြီး မဏ္ဌပ်အောက်မှာထမင်းသွားစားဖြစ်ကြလေသည်။
စားသောက်ပြီးတော့ ထိုကလေးမနဲ့ပွဲခင်းပတ်ရင်း သဲနဲ့တူတဲ့ကလေးမကိုမြင်လိုက်တော့ နန်းဝမ်းသာအားရဖြင့်ခေါ်လိုက်မိသည်။
"သဲ"
ထိုကလေးမနန်းကိုလှည့်ကြည့်လာသည့်အခါ နန်းအရမ်းအံ့ဩသွားရသည်။
"သဲ"
ဒါသူမရဲ့သဲအစစ်ပဲ။နန်းဝမ်းသာအားရဖြင့် သဲကိုပြေးဖက်ထားလိုက်သည်။သဲမသေဘူး။နန်းရဲ့သဲလေးမသေဘူး။
"ဟို...ဟို အစ်မ သဲကိုသိတာလား"
"ဟင်"
အစ်မတဲ့လား။အစ်မ သဲကိုသိတာလားတဲ့။သူစိမ်းဆန်သွားလိုက်တာ။
"သဲ မလေ၊မကိုမမှတ်မိဘူးလား"
"အစ်မ သဲကအစ်မကိုမှတ်မိမှာမဟုတ်ဘူး သဲကအတိတ်မေ့နေတာမို့ပါ"
သဲအနောက်ကလူငယ်လေးက ဖြေလာသည်။ဒီလူကရောဘာလဲ။သဲနဲ့ဘယ်လိုပက်သတ်နေတာလဲ။
"မောင်လေးက"
"ကျွန်တော်ကသဲရဲ့ချစ်သူပါ မကြာခင်လက်ထပ်ကြတော့မှာ"
YOU ARE READING
အချစ်ဖြင့်တည်သောကမ္ဘာငယ်လေး အခ်စ္ျဖင့္တည္ေသာကမၻာငယ္ေလး
Romanceသဲ "မ"ကိုလှမ်းကြည့်လိုက်သည့်အခါမှာ " မ"ကသဲကိုပြုံးပြလာသည်။ထိုခဏမှာ သဲရင်ထဲတစ်စုံတစ်ရာလှုပ်ခတ်သွားကာ သဲရဲ့ကမ္ဘာကြီးရပ်တန့်သွားသလားလို့တောင် ထင်မှတ်မိသည်။မရဲ့အပြုံးတွေကလှသည်။ဒီအပြုံးတွေကို တစ်သက်လုံးအပိုင်သိမ်းထားချင်မိသည်။ သဲ "မ"ကိုလွမ္းၾကည့္လိုက္သည့...
