နန်းအိပ်ရာနိုးတော့ သဲကသူမကိုခွထားလျှက်ရှိပြီး နန်းရဲ့ကိုယ်သေးသေးလေးက သဲရဲ့အောက်မှာပြားပြားဝပ်နေသည်။ကျစ်..ဒီကလေးမကတော့လေ။သဲကိုတွန်းဖယ်ဖို့လုပ်လိုက်တော့ သဲကနိုးလာသည်။
"ဟင်... sorryမ၊သဲတမင်လုပ်တာမဟုတ်ပါဘူး တောင်းပန်ပါတယ်နော် သဲကညအိပ်ရင်ဖက်လုံးနဲ့ဖက်ပြီးအိပ်နေကျမို့အကျင့်ပါပြီး မကိုခွထားမိတာ..."
"ရပါတယ်"
သဲ တမင်လုပ်တာမဟုတ်မှန်းသိနေတော့လဲ စိတ်ဆိုးလို့မရပေ။
"သွားစို့ မျက်နှာသစ်ရအောင်"
"ဟုတ်ကဲ့ မ"
မျက်နှာသစ်ပြီးတဲ့နောက် နန်းအောက်ထပ်ဆင်းခဲ့လိုက်ပြီး မနက်စာအတွက်ပြင်ဆင်လိုက်သည်။မိုးညှင်းကနေ၇၆မိုင်ခရီးရှိတဲ့ ကသာအထိသွားရမှာဆိုတော့ အဆာခံအောင်ထမင်းကြော်ဖို့လုပ်လိုက်သည်။ထိုစဉ်သဲကသူမခါးလေးကိုနောက်ကနေသိုင်းဖက်လာသည်။
"သဲ ဘာလုပ်တာလဲ၊မမိဘတွေမြင်သွားလိမ့်မယ် ဆင်ခြင်ဦးအခုနေအသိပေးဖို့စောသေးတယ် သဲရဲ့"
"ဟုတ်ကဲ့ပါ သဲဆင်ခြင်ပါ့မယ်"
"လိမ္မာတယ် မရဲ့သဲလေးက"
နန်းအရပ်ထောက်ကာ သဲရဲ့နဖူးလေးကိုမော့ပြီးနမ်းလိုက်တော့ သဲမျက်နှာလေးရွှင်ပြုံးသွားရှာသည်။နန်းထမင်းကြော်လို့ပြီးသွားတော့ မေမေတို့တွေရောက်လာလေသည်။
"သမီးတို့တွေအစောကြီးနိုးကြတာပဲ သမီးသဲသဲရောလိုက်မှာမဟုတ်လား"
"ဟုတ် အန်တီ"
"ကဲ့ စားကြရအောင်၊ပြီးရင်ဇလုံတောင်ဘုရားဖူးသွားကြမယ်"
"ဟုတ်ကဲ့ ဖေဖေ"
စားသောက်ပြီးတော့ အနွေးထည်နဲ့အဝတ်စားအပိုတွေထုပ်ပိုးပြီး စစ်ကိုင်းတိုင်းဒေသကြီး၊ကသာခရိုင် ဗန်းမောက်မြို့နယ်မှာရှိတဲ့ ဇလုံတောင်သို့ထွက်လာခဲ့ကြသည်။မိုးညှင်းကနေဗန်းမောက်ထိ ၇၆မိုင်ကွာဝေးပြီး ကားနဲ့အမြန်ဆိုရင်၂နာရီမိနစ်၄၀လောက်မောင်းရပြီး ပုံမှန်ဆိုလျှင်၃နာရီလောက်ကြာလေသည်။
YOU ARE READING
အချစ်ဖြင့်တည်သောကမ္ဘာငယ်လေး အခ်စ္ျဖင့္တည္ေသာကမၻာငယ္ေလး
Romanceသဲ "မ"ကိုလှမ်းကြည့်လိုက်သည့်အခါမှာ " မ"ကသဲကိုပြုံးပြလာသည်။ထိုခဏမှာ သဲရင်ထဲတစ်စုံတစ်ရာလှုပ်ခတ်သွားကာ သဲရဲ့ကမ္ဘာကြီးရပ်တန့်သွားသလားလို့တောင် ထင်မှတ်မိသည်။မရဲ့အပြုံးတွေကလှသည်။ဒီအပြုံးတွေကို တစ်သက်လုံးအပိုင်သိမ်းထားချင်မိသည်။ သဲ "မ"ကိုလွမ္းၾကည့္လိုက္သည့...
