រឿងរន្ធត់ខ្លី....
ផ្ទះជាប់បឹង
«កន្លែងណាក៏មានរឿងរ៉ាវមកជាមួយដែរ គ្រាន់តែកន្លែងខ្លះវាបង្កប់រឿងកាចសាហាវមិនគួរឱ្យយើងគួរដឹងឮឡើយ...»
••••••••••••••
ឆ្នាំ២០១៥
៦ឆ្នាំមុន!
កាលពីខ្ញុំទើបបញ្ចប់ថ្នាក់ទី៦នៃបឋមសិក្សា ត្រៀមបើកបវេនកាលចូលឆ្នាំសិក្សាថ្មីនៃថ្នាក់ទី៧នៃកម្រិតអនុវិទ្យាល័យ។ គ្រានោះខ្ញុំនៅមានអាយុ១៦ឆ្នាំនៅឡើយ ហើយអាចនិយាយបានថាវាជាវ័យកុមារភាពរបស់ខ្ញុំដែលកំពុងតែរស់នៅសប្បាយជាមួយជីវិត មិនទាន់មានរឿងឬបញ្ហាចូលមកនោះទេ។
ប៉ុន្តែ....នៅវ័យនៃឆ្នាំមួយនោះហើយ ដែលវាបានក្លាយជាការចងចាំដ៏អសោធមួយដែលខ្ញុំព្យាយាមបំភ្លេចយ៉ាងណាក្នុងមួយជីវិតខ្ញុំ ក៏មិនអាចបំភ្លេចបាន.....
វាចាប់ផ្ដើមកាលដែលខ្ញុំបានរស់នៅផ្ទះចាស់របស់លោកប៉ាខ្ញុំនៅជាយក្រុងស្ថិតក្នុងភូមិមួយដែលមានឈ្មោះភូមិថា «ភូមិបឹងឈូក»។ ភូមិដែលមានបឹងធំមួយនៅជាប់ខាងក្រោយផ្ទះរបស់ខ្ញុំ តែជាបឹងខ្មៅយ៉ង់ដែលកាលពីមុនខ្ញុំឮចាស់ៗនិយាយថាបឹងនេះស្អាតណាស់ ក្មេងៗតែងនាំគ្នាលោតលេងទឹកមិនលស់ថ្ងៃហើយក៏ជាបណ្ដុំផ្កាឈូកនិងជម្រុកត្រីដើម្បីផ្គត់ផ្គង់អាហារឱ្យអ្នកភូមិផងដែរ។ លុះចំណារក្រោយមកបឹងដែលធ្លាប់តែមានមនុស្សមកលេងអ៊ូអរមួយនេះ វាក៏ត្រូវបានអ្នកភូមិហាមដាច់ខាតគឺមិនឱ្យនរណាទៅចុះលេងទៀតឡើយ បន្ទាប់ពី....
បន្ទាប់ពី...មានអ្នកស្រុកបានរកឃើញសពដាច់ក្បាលរបស់នារីម្នាក់ ហើមស្ពីងៗអណ្ដែតលើផ្ទៃទឹកបឹងសម្បុរសស្លែត។ រឿងលស់ព្រលឹងមួយនេះក៏បានល្បីសុះសាយពេញភូមិមួយទៅភូមិមួយ រហូតប៉ូលិសហាក់ស្វែងរកករណីនៃមូលហេតុស្លាប់មិនឃើញ សូម្បីតែក្បាលដែលដាច់ចេញពីករបស់សាកសពអនាមិករបស់នារីម្នាក់នោះមកទល់ពីនេះក៏នៅគ្មាននរណាម្នាក់រកឃើញដែរ។ ដូច្នេះហើយទើបលោកមេភូមិបានបិទបឹងនោះ និងហាមព្រមានអ្នកភូមិឬក្មេងៗមិនឱ្យទៅក្បែរឬលេងទឹកបឹងនេះទៀតឡើយ។
ŞİMDİ OKUDUĞUN
ព្រេងនិទានខ្មោច-សៀវភៅទី1
Korkuនេះជាសៀវភៅរឿងសម្រាប់អ្នកដែលចូលចិត្តអាននូវប្រភេទរឿងខ្មោចណា៎😍
