#الحسن
#جمان_فريد
الجزء32
"ارفعععوووووني توااااااااا"
طلعت في الجنان تعيط وتكشخ ومانزلتش منها ولادمعه وقفت حدا السياره للي لقتها قدامها تخبط عليها وتعيط وتقول ارفعوني..حاولوا يهدوها إنعام وهاله ماقدروش..
عليا بصوت عالي : حوولوا حااااولللوا..ارفعوني قلت ..تخبط ع السيارة ..ارفعوووووووني
الحاج علي: سرمد ارفعهم ...
سرمد هز راسه بإيجاب...نزل لسيارته وركب..ركبت برنيه من القدام وعليا من اللتالي وتحرك بيهم طول..
....
وسيله : وووووووووووه عليااااااااا وووووووووه ولدي
عابد ودموعه تنزل: وحدي الله وحدي الله ..شدها..
جنان وخوله يبكوا بالعبره..
وسيله بهلع: ارفعني ...ارررفعني ...ارررفعني لولدي...
عابد: باه ..باه..
شويه وطلعوا كلهم ركبوا السيارة وتحركوا..
.....
المستشفى في حالة طوارئ عدد كبير من عناصر الشرطه راحوا ضحايا لهالكمين...استنفار في المستشفى..زاد الوضع ارتباك..لما عرفوا إن الحسن من ضمن المصابين واصابته خطيرة للغايه..
اول ماوصلوا..
نزلت تجري من السياره وخلتها مفتوحه ..انصدمت باللي شافته في المستشفى واذكرت ايام الحرب...قعدت تجري وتسأل عليه..وتقول"اني مرته"...
خش سرمد ومعاه أمه لحقوها..قعدوا يدوروا لين قاللوهم انه حيخش العمليات..ركبوا لوين ما في غرفة العمليات..
وصلوا حسان وهاله وانعام ومرعي وسارة ..تلاقوا مع وسيله وجنان وخوله وعابد...خشوا طول يجروا..
...
وافقه ومصدومه مانزلتش منها ولادمعه تستنى امتى تشوفه..
برنيه مقعمزة تبكي وسرمد ماشي جاي..
وصلوا فيهم باقي العيله..
عابد: سرررمد..شن صار..
سرمد بصوت باكي: توا بيدخلوه العمليات..
وسيله ببكي: ياغبيني ولدي ياغبيييييني..
عابد : وطي صوتك حني في مستشفى..
البنات منهارات ويبكوا...جنان جت بحدا عليا..
جنان ببكي: عليا..
عليا بصوت حاد: معاش تبكوا معاش تفاولوا عليه..
جنان مركزة ع عليا واضح عليها مصدومه..بالذات انها مابكتش ملاحظتش انها باكيه..
فجأه انفتح الباب ..طلعت منه باريلا عليها الحسن يجروا بيها...كلهم شافوه وقعدوا يعيطوا ويبكوا ..إلا هي كانت مركزة ع تفاصيل وجهه اللي كان شاحب بشده من كتر مانزف خشوا بيه لغرفة العمليات وعيونها معاهم..وقاعدة تحت تأثير الصدمه ...
العمليه يدير فيها دكتور معروف ومتمكن وهو صديق للحسن..كان معاه دكتور تاني ومجموعه ممرضات..
عليهم يحولوا رصاصتين..وحده في صدره "القلب" والتانيه في كتفه اليمين..بدوا باللي في صدره...
كانت الرصاصه جايه فوق القلب مباشرة..يعني تبي دقة شديده بش يحولوها بدون مضر القلب وتتسبب في نهايه حياته...
كلهم برا يترقبوا..ممر كامل تعبا بعيلة الحسن...
برنيه تقرا في القرآن..ووسيله تدعي...
وعابد كان في مصلى المستشفى يصلي ويدعي..كلهم بكاهم ماوقفش...إلا هي كانت مقعمزة ومصدومه...قاعد يمر عليها شريط ذكرياتها مع الحسن..مش مستوعبه بكل اللي قاعد يصير..تذكر في كلامه ليها واستوعبت انه يودع فيها...
بس اكثر كلمه ترن في وذنها اعترافه ليها بحبه💔
حتى هي تحبه تتمنى لو يرجع الزمان وترد عليه وتقول حتى أني نحبك..بس مستحيل يرجع الزمان💔
استمرت العمليه حوالي 7ساعات..مافي حد لاكلي لاشرب ..اخطا ساره لأنها حامل وبالسيف...كانوا موجودين بوعليا وامها اللي كانوا حدا بنتهم المصدومه وواجعهم حالها ..
***
: فهمه..ان اللي يمشي عكس ماأني نبي ..حياخد ع راسه لين دمه يبخ..ربوه رجعوه لوعيه عرفوه ان عنده سيد وان هو مش سيد نفسه..
: تم ياكوبرا..
طبعا منذر انشد وحيتلقى عقاب كبير لإن خالف الأوامر..
ممكن تتسألوا علاش ماهربش..ماكانش يبي يهرب هو عارف انه حيتعاقب بس مقتنع ان اللي داره صح..وعارف ان هو اهم عضو في منظمتهم حيتعاقب لكن حيحرصوا ع حياته ..
***
بعد تعب اكثر من سبع ساعات ...تحولت الرصاصه جهة القلب ..بس مازال الخطر قائم ع حياة الحسن..خيطوا الجرح...وشويه وحيبدوا بعمليه ازالة رصاصة الكتف...
بعد ساعه..بدوا بالعمليه التانيه ماكانتش صعبه زي الأولى
انتهت وازالوها....
طلعوا من غرفة العمليات..
الدكتور وهويشبحلهم كيف يراجوا فيه شن يقول: حولنا الرصاصه اللي كانت جهة القلب وكانت غايه في الخطورة..كذلك ازلنا الرصاصه اللي في الكتف..
عابد: يعني توا شن حاله يادكتور..
الدكتور تنهد: مانخفيكمش..الخطر قائم ع حياته...لازم نكون صريح وضعه خطيير للغايه ..
حسان : نطلعوه برا...
الدكتور: ترفعه وين ماترفعه كلهم حيقولوا نفس الشي..هذا غير ان طلوعه فيه خطر كبير حتى لو بطايرة اسعاف..لذلك مافيش قدامنا شي غير اننا نراجو رحمة ربي اللي علينا درناه..
هي تسمع في كلامه ورافضه تتقبل منه حرف..رافضه تماما..انتابها شعور بالغضب الشديد بكل قوه اندفعت للدكتور..
عليا بصوت عالي: علاش اسمكم دكاترة..هااااه ..علاش..مسمي روحك دكتور..لو روح مريض بين ايديك عاجز انك تحافظ عليها وتتكلم بضعف هكي.اللي داخل هذا راجل قوي وياما في جسمه اثار لاصابات زي هادي وطلع منها واقف ع رجليه..حيطلع من هادي واقف ع رجليه..حطلعوه منها ..حطلعوه سامعني..حطلعوه منها ..وقعدت تضرب في الدكتور جبدوها بوها وعمها..وهي تعيط وتقول حطلعوه منها ...حطلعوا....
جعفر ببكي: يابنتي مش هكي..
عابد : وحدي الله..
عليا بصوت عالي : نبي راااااجلي رجعووولي راااااجلي ..ردووووولي الحسن ردوووووهولي هو قااالي مش حنخليك هو وعدني هوووووو..
كلهم تأثروا وانهاروا بالبكي..ووسيله تشوفلها وتبكي بالعبره..
عليا دموعها نزلوا: ردوووووووه ردوووووووه...يابابا ردوووووه ..يا..با...صوتها بدي يختفي وثقلت بين ايدين بوها وطاحت فاقده الوعي
***
وسائل الإعلام"التلفزيون..التواصل الإجتماعي" تناقلوا الخبر..والدنيا انقلبت بيه...
في المركز خيم الحزن ع كل الضباط والعناصر..وجاد الله في حالة غضب شديده حس ان هو السبب هو اللي اول ماوصلاته معلومات عن اوكار هالعصابات تحمس بش يقضي عليهم ويضعف منظمتهم ماكانش دارس الوضع صح خداه الحماس وضاعت هلبه ارواح..من ضمنهم آدم اللي كان من أكفأ الضباط عندهم..وعرسه كان قريب..بدل ماينزف عريس في الدنيا حينزف عريس في الجنه إن شاءالله..
إصابه الحسن الخطيره ضربه قاسمه لجهاز المكافحه في ليبيا كامله...
عبدالقدوس: مش عارف علاش حاس اللي صار مش حيكون في صالحنا..
منصف بإبتسامه ماكره :اطمن يابي في صالحنا ونص..
عبد القدوس بتهكم : في صالحك انت بس..
منصف ضحك وهز راسه ايمين ويسار..
عبدالقدوس"لو صار في راجلها حاجه مازال بتشبح في خليقتك هي "...
***
تعرفه انت؟
بلال بربكه: اكيد حبيبتي منو مايعرفاش..
ابتسام : حسيتك تأثرت هلبه وكأنك تعرفه..
بلال: طبيعي ابتسام ليبيا كلها تأثرت بالخبر ما تبنيش اني نتأثر!!!
ابتسام بحزن: صدقت ...وجعتني صاحبتي هلبه ..مسكينه ربي يلطف بيها...
بلال: آاامين..
***
مديحه في حوش أهلها تهدرز مع اختها..
مديحه ودموعها تنزل: فقدت الوعي من كثر ماعيطت..
اميرة ببكي: لو اني منها متت..
مديحه : لو تشوفي حالة عيلته مساكين..
اميرة : مالا شنو ..اني هني قريب هبلت..
مديحه تنهدت وهي تمسح في دموعها : امي وبوي بيروح بيهم مصعب في الليل حنقعد معاك لين يجو..
اميره سكتت ومازالوا دموعها ماوقفوا...
***
فتحت عيونها وهي تتفحص في المكان كله تحاول تستوعب هي وين..اذكرت اللي صار ودموعها نزلوا...
زينب : ماما عليا..
عليا شبحتلها ببكي: الحسن...
زينب بأسف: بنتي حبيبتي..قوي روحك يابنتي قوي روحك ونوضي صلي وادعي...هو هذا اللي محتاجه خليك قويه بنتي زي مانعرفك..بش لما ربي ينوضه بالسلامه يلقاك بصحتك قدامه تقويه ...ره اللي صارله مش شويه ع قد ماخدم في الشرطه عمره ماصارله..هكي قالوا...مرات يطلع من هالحاله ضعيف ونفسيته تاعبه لازم تكوني قويه بش توقفي جنبه...وترديه أحسن من قبل...
عليا كلام أمها أثر فيها حست انه صح الحسن بأمس الحاجه حاليا لدعائها ولوناض من حالته هادي فهو بأمس الحاجه ليها هي...وهي لازم تكون قويه...
***
منذر كان يتلقى في ضرب مبرح...وكان متحمل مش هامه المهم اللي فراسه داره...
جماعه من الدوله ماعجبهمش اللي صار لأنه اثار بلبله..وفي من الناس عليهم دائرة شك من غير شي...
...
في الليل..
عابد : هيا ...نوضوا لازم تروحوا...
وسيله : مانيش متحركه..
عابد: لاحتتحركي قعادكم هني مالاش داعي ولافيه فايده..
علي : امي استهدي بالله وهيا نوضي غدوة من الصبح نجيبك..
ناضت وسيله بتروح ومعاها بناتها كذلك برنيه وبيروح بيها حسان هي ومرته وعمته انعام..وعيلة محمد حتى هما ريحانه بالسيف روحت حتموت ع الحسن من الحزن..
عابد يكلم في عليا..
عابد: يابنتي والله مافي منه فايده..
عليا : سامحني ياعمي اني من هني والله ماني متحركه..
عابد: كيف يابنتي تقعدي بروحك..
سرمد: اني قاعد تقعد معاي..
عابدشبحله بعدين شبحلها وهي مشت وقفت حدا باب العنايه المشددة..
عابد شبح لسرمد: رد بالك عليها..
سرمد : اطمن...
عابد : اي شي يصير كلمني..
سرمد: حاضر...
ومشي عابد وقعد سرمد واقف وحاط ايديه فجيوبه ويشبح لعليا" فهالفترة القصيرة حباته كل هالحب ونست الماضي كله!! ماتنلامش حتى هو الحسن " ابتسم وقعد واقف بعيد ..وصلاته رساله قراها ورجع حط تليفونه من جديد في جيبه...
***
رشا: ههههههههههه تحلم وخيي...
منصف : وعلاش ..
رشا : لو تبي توليلك ره ولتلك ايام كانت مخطوبه لراجلها...
منصف: هي كانت تبي تحرقني بيه...عارف قلبها مازال عندي ومشاعرها معاي..غير يموت ونرتاح منه حتشوفي كيف حترجعلي عليا طول...
رشا ابتسمت بتهكم..
***
ليله كانت صعبه ..اللي مارقدش وهو يخمم..واللي مارقدش ودموعه تنزل..هي قاعده واقفه حدا باب العنايه ماتبيش تتحرك..تبكي وتدعي وبس...
الدكتور: ليها ساعتين واقفه نفس الوقفه..!!
سرمد هز راسه بإيجاب: إيه..
الدكتور: لازم ترتاح حتنهار هكي..
سرمد : تو نحطلها كرسي تقعمز..
الدكتور: تحبه هلبه...قريب قتلتني ع خاطره..
سرمد ابتسم وهو يشوفلها..
الدكتور: إن شاء الله يتعدا مرحله الخطر وتفرحوا كلكم بشوفته بأحسن حال...
سرمد : ياارب...مشي الدكتور وسرمد خدي كرسي وحطه حداها..
سرمد: قعمزي..
عليا شبحتله بعدين شبحت للكرسي..وقعمزت..
سرمد وقف مقابلها ع االحيط وايديه فجيوبه..
سرمد: تحبيه ؟
عليا شبحتله وتنهدت ومابتش تجاوب...ورجعت ركزت بنظرها في الفراغ...
سرمد: تنهديتك هادي ابلغ اجابه..
عليا ساكته وبس..
سرمد: حتى هو يحبك وهلبه مش شويه..نعرفه كويس..عمره ماعاش اي شي ليه علاقه بالحب والمشاعر..النساوين في حياته مالهيمش وجود ..اخطى من عيلته محارمه بس...لكن انتي اختصرتي النساوين كلهم فيك عنده..عمري ماريت وجهه يحمر..او ريته خجول..او يرتبك..او عيونه نظرتهم كانت حنونه إلا لما خشيتي انتي لحياته قلبتيه قلب..
عليا دموعها ينزلوا سيل...من كلام سرمد..
سرمد تنهد: حينوض منها اني نعرفه حينوض منها..
عليا بصوت باكي: يااارب...
***
72ساعه لو فاتت ع خير حيتخطا مرحله الخطر وإما..💔
تعد في الساعات..فات يوم وهي تراجي امتى يرجعلها حبيبها الإنسان اللي ملكها كلها..اللي خلاها تحس ان الحياه بعده مستحيله ..سكرت راسها ع المرواح بس بعد الحاح من بوها روحت ساعه ..دوشت وغيرت حوايجها وولت طول..فاتوا من 72 ساعه..40ساعه ومافيش اي تطور...
عليا بتوسل: مش حنعطل نبي نشوفه شويه...حرام عليكم ..
الدكتور تنهد : 5دقايق ولاتانيه زياده...
عليا : حاضر حاضر حاضر ..
رفعوها لبست اليونيفورم..وطاقيه وقفازات ..فتحولها الباب خشت..انصدمت بالللي شافته راقد والأجهزة حواليه..قربت شافت صدره العريان ملفوف بضمادات..وكتفه..نزلوا دموعها وقفت حداه قعدت تتأمل فيه بتموت..ع نظرة من نظراته المميزة..بتموت ع ابتسامته الخاصه. بتموت ع نبرة صوته الخشنه اللي فيها بحه بسيطه..بتموت ع ضحكته..بتموت وتشوفه يرجع واقف ع رجليه قدامها من جديد ...
حولت الكمامه شويه : انت وعدتني...وانت راجل حر وعدك دين عليك..ماتخلنيش بروحي..اني من غيرك وحيده ماعندي حد ..نبي نعيش عمري كله في حضنك في حمايتك في حبك..نبيك انت....نبيك انت ياأحلى صدفة فرضها عليا القدر..💖
قدمت وشدت ايده: محرومه حتى نلمس ايدك وانت في هالحاله ...آااااه يالحسن..قلبي يتقطع عليك تقطيع...
اه لو نقدر نلمس ايدك بس بس نحسك موجود اه لو نلمس ايدك بس بش يهدا قلبي ..وقعدت تبكي بالعبره..
🎶بلمسة ايد بأرضى أكيد
وبانسى انك كنت بعيد
كيف بتوب الهوا مكتوب
يقسم قلبي تلات قلوب
قلب يحبك
قلب يدوب
قلب يغار عليك..
خدني بحضنك خاف علي
حسسني بوجودك فيي
مابعرف قيمة عينيي
غير لما يشوفوك..
وعدني ظل العمر بقربي وأوعدني ماتفرقنا غربه
انا روحي وعينيي وقلبي خلقوا تيحبوك...
اذا حدك مابقيت وع كتفك ماغفيت
يعني أنا ماعشت بعمري وع الدنيا ماجيت
خدني بحضنك خاف عليا حسسني بوجودك فيي
مابعرف قيمة عينيي غير لما يشوفوك
اوعدني ظل العمر بقربي
اوعدني ماتفرقنا غربه
انا روحي وعينيي وقلبي خلقوا تيحبوك..
أوعدني......
....يتبع....
