#الحسن
#جمان_فريد
الجزء 17💓💓
تفرش مفرش الفطور بالطول وبدوا يحطوا في الفطور كل مرة وحدة تجيب حاجه ..نادوا ع الرجاله وخشوا
الحسن سرمد ومرعي ومحمد وحسان اللي عين مفتوحه وعين مسكره..
قعمزوا الرجاله جهة اليمين..ولما جوا النساوين يقعمزوا كل وحده قعمزت مقابله راجلها ..والباقي للعزابيه ...والحاجه برنيه ع راسهم ..لأن الحاج فطر قبلهم وتسقد لمشاغله..
قعمزوا كلهم وقعدت هاله اللي كانت تستف في الفطيره في صونيه ..كملت وطلعت انصدمت لما لقت روحها مضطره تقعمز مقابله حسان لإنه المكان الوحيد الفاضي...بالسيف قعمزت..شبحلها مط شواربه بإزدراء وهي شبحتله بحده ووزعت نظرها ع الحاضرين وشهقت بمفاجأة..
هاله بدهشه: انت سرمد..!!
سرمد بضحكه : ايه..
هاله مش مصدقه : نفسه نفسه اللي يطلع في التلفزيون..اللي برنامجك اسمه للحقيقه وجه آخر...
سرمد: هههههههههههه ايه والله هو نفسه...
كلهم يضحكوا..معادا حسان اللي يشبحلها من فوق لالوطا
هاله بضحكه: ضروري نتفرج ع برنامجك وبوي مايتحركش من قدامه لما يجي..
عليا: حتى حني في حوشنا الساعه 8:30كل ليلة أحد امي وبوي واختي قدام التلفزيون..
سرمد : وإنتي
عليا : مانحبش السياسه والجو هذا ..
سرمد : هههههههه أحسن..
عليا : لكن بجديات كإعلامي ماشاء الله عندك قدرة ع إداره الحوار واسئلتك ديما في الصميم..وذكي في انتقاء مواضيعك...
سرمد وجهه ولا أحمر: كأنك احرجتيني..وجهي احمر ولا؟
كلهم ضحكوا..ماعدا الحسن اللي كان يلقى يقلب الفطور وينوض..."الغيره"...
بدوا ياكلوا ويهدرزوا وعليا كانت متجاهله وجود الحسن بالمرة كذلك هاله تجاهلت وجود حسان ومره تهدرز ع عليا اللي كانت جنبها ..ومرة تهدرز عالباقي...
وهما ياكلوا الحسن كلي لقمه غص بيها وقعد يكح..عليا طول صبت الميه ..وعطتهوله هو بياخد الطاسه مس ايدها بدون قصد ..الزوز حسوا بشعور غريب ....بس حلو💓
شرب الحسن الميه وكمل ماكله..
سرمد: هو هكي ديما مستعجل تقول بتهرب الدنيا...
الحسن: سمعنا سكوتك😒
كلهم: 😂😂😂😂😂
برنيه : بنيتي عليا مدي لراجلك الزميته...
عليا شبحتلها ومدتهاله وهو يشبح لعيونها...
ساره توشوش: خوي طايح بمنقاره..
انعام بوشوشه: عنده حق ياكبدي زينها يخلي الحجر يعشقها..لكن تحسي انهم مش مزبوطين الزوز فحاجه
ساره : حتى اني حسيت..
ريحانه كانت حادفه وذنها جيهتهم وقعدت تفكر فكلامهم بعدين ابتسمت بخبث..
حسان : خبزة..
هاله تاكل ولاكأنها تسمع في حاجه..
حسان: خبببزة..
شبحتله عليا والحسن كذلك مدله الخبزة..
الحسن: خود واسكت..
حسان خدي الخبزة ويشبح لهاله بغل..عليا ركزت عليه وشبحت لهاله اللي تحاول تبان انها مركزة ع فطورها..
شويه..وقعدوا يمدوا في صونيه الفطيره من يد ليد...
شبحلها حسان وعجباته : من مدايرها الفطيره..
هاله تلخبطت..
ساره : مرتك..تبي ..
حسان كل ماتسحنله فرصه يضايق فيها هاله حيضايقها.. بقرف: لالا معاش نبي.. نحسابكم انتم مدايرينها ..
كلهم شبحوله ..وهاله خنقتها العبره من الموقف المحرج الجارح كالعاده من حسان..
حسان ناض: الحمد لله...ومشي ..
عليا حطت ايدها ع ايد هاله وشدت عليها..هاله شبحتلها بعيونها المليانات دموع وابستمت بألم..الحسن كان مركز معاهم...وفي نفسه ناوي يهزب حسان ع اللي داره...
***
وسيله : ركزوا ع كل شي يصير وع وجوه خوتكم ..
جنان بضحكه: علاش نركزوا ع وجههم..
خوله بضحكه: نشوفوا كان باينه فيهم العرسه ولا لا..
جنان: ههههههههههههه
وسيله : ياقردة انتي وياها بلا تسهويك..ديروا اللي قلت عليه...نبيكم تركزولي حتى ع هادي بنت الحافظ
جنان ابتسمت بتهكم: باه ياماما فهمنا...هيا خوله..علي يستنى برا..
...
وصلوا عيلة علي وجنان وخوله لحوش جدهم..لقوا الجو حلو والعرايس منسجمات من أول يوم..جي وقت تطييب الغدي حلفت برنيه ع عليا وهاله ماقاربين فيها حاجه وطلعتهم من الكوجينه..
قعمزوا في الصاله ومعاهم حمواتهم اللي يهدرزوا عليهم بش يتعرفوا عليهم أكثر..
...
الحسن يتكلم بالتليفون: والله مانعرفك إلا جاي......حتزعلني هلبه لو ماجيتش...ابتسم نص ابتسامه.....تمام ...نراجي فيك...وصكر...توجه داخل...
كانوا عليا وهاله وجنان وخولة وسارة يهدرزوا مع بعض..وساره تنكت ...قالت حاجه...خلت عليا تضحك بدموعها..ع خشة الحسن اللي شافها وهي تضحك..للمرة التانيه يوقف مسهم وينسى علاش جاي..هي بلعت ضحكتها لما لقاته واقف ويشبحلها بنفس النظرات اللي تربك فيها...
والجماعه مركزين..
الحسن استاقض: احممم..جنان خشي قوليلهم ..بيجوني جماعه...حدود تلاته انفار ع الغدي...
جنان بإبتسامه : حاضر..وناضت مشت..
هو سرق نظرة لعليا اللي كانت هاربه من عيونه..وطلع...
سارة : عليا..
عليا وجهها أحمر: نعم..
سارة : مش عارفه علاش نحس فيك زي اللي تخافي من الحسن..
عليا بصدمه: نخاف؟
خوله : معذورة لو خفتي ..هو جاد بزياده ...وملامحه ديما حاده ومايعرفش يضحك..لكنه طيب ياعليا وراجل بكل معنى الكلمه..
عليا : احمم..هو مش خوف..يعني مازال نبي نتعود عليه ..
سارة : عندك حق هي تبي تعود ...
هاله : بس هو يبان عليه لطيف...
خوله : هههههه
سارة بضحكه: من هو اللطيف..الحسن هههههههههه
هاله بضحكه: مش عارفه هكي لاحظت
سارة: اللي لاحظتيه هذا يقولوله معامله خاصه مش لأي حد...وغمزت لعليا..
عليا تحشمت وابتسمت مجامله...
***
ماشي ع رجليه وفي يده ساكوا قعد يشبح لتليفونه وكأنه يقرا في حاجه ويشبح للحياش..لين وصل لمبتغاه وابتسم...
وصل في الباب وبدي يطق...انفتح الباب..
"نابيدي حقيت الحوش وعرفت انه حوشكم"
الحسن : يامحتال ع اساس ماقريتش العنوان اللي بعته..
ضحك وسلم ع الحسن ودخله وسكر الباب..
الحسن : تأقلمت ع الحياة النظيفه...
: ههههههه تصدق عجبتني حياة المافيا أكثر..
الحسن : حتى صوتك مارجعش لطبيعته..
ع جيتة سرمد: عرفنا ع وجه الخير..
: تسلم يامذيع يامتألق...
سرمد: ههههههههه...منو يالحسن..
الحسن: هادا ولد دفعتي هلال مراجع...
سرمد مد يده: شرقاوي...بجوده..
هلال مد يده وسلم ع سرمد : وبيك اكثر ياسيدي..
الحسن : هيا تفضل..
هلال : يزيد فضلك..وتوجهوا للمربوعه...
***
طلعت حلوة..
نوال بألم : مالك ومالها خلاص انت طويت صفحتها ولا ..خليها فحالها..
منصف بألم : ريته ربي طوي صفحتي اني من هالدنيا...آاااه شن درت في عمري بس..
نوال: منصف خلاص وخيي ربي مش كاتبها من نصيبك..
منصف حس بخنقه: اسكتي اسكتي ...وسكر عليها..وتوجه للروشن فتحه ويحاول يتنفس رجعله النفس..نزلت من عينه
دمعه حارقه.."آاااه ياعليا آاااه"
***
جنجون جيبي ليم من برا...
جنان بضحكه: ان والليم قصتنا قصه..
انعام : تحركي بسرعه وحطي وشاح ع راسك فكينا من خوك..
جنان بضحكه: باه...وطلعت من حداهم بعد حطت وشاحها ع راسها ..وتوجهت لشجرة الليم وقعدت تقطف..اذكرت لما شافت السمارة اللي عيونه خضر لأول مرة والليم كان السبب
جنان"حاسه روحي مستاحشه نشوفه" وضحكت وكملت شغلها طق الباب..وقفت وقعدت تشبح للباب ..ابتسمت وقدمت وفي ايدها صونية مرش معبيه ليم..طق الباب من جديد..مدت ايدها بالشويه للباب بتفتح..ستوب✋
خلونا نشوفوا ع جهة التانيه من الباب قدام الحوش شن صار في نفس الوقت..
محمد الفهد نزل من السيارة توجه للباب ولما وصل فيه ...اذكر أول مرة شاف فيها جنان...والمرة تانيه ابتسم.."عيونها العسليه ونظرتهم في بالي لتوا...كيف خشت قلبي بسرعه هكي مش عارف..آه بس لو تفتح هي الباب حنكون اكثر المخلوقات حظ حلو ع وجه الأرض" وطق...وقلبه في 1000...شويه وطق من جديد وانفتح الباب...
الزوز قعدوا يشبحوا لبعض العيون الخضرا تتأمل في العيون العسليه ..وكانهم يحكوا لبعض قداش مستاحشين بعض..
فجأه..
الفهد وجنان: هههههههههههههههههههههههههه...
الفهد هدى ضحك : اني انسان محظوظ ورضي والديه..
جنان ابتسمت بخجل : حتى أني..
الفهد فرح هلبه لما قالت هالكلمه..كأنها قالتله"نحبك"
جنان سمعت صوت الحسن جاي من بعيد تفركست: خوي...هيا...باي...ومشت تجري بصونيتها وطاح وشاحهها من ع شعرها الذهبي اللي قعد يطاير...وعكست عليه الشمس ..التفتت شبحتله بإبتسامه وهي تركب الدروج والشمس عكست ع فازوات العسل اللي داخل محجر عيونها وخشت..
الفهد...هبل...ذاب ..قلبه طار من مكانه...ضاع تماما
"امتى جيت"
الفهد استاقض: بكري ..قصدي شويه من توا" يفترش"
الحسن بإستغراب: ضرباتك الشمس؟!!
الفهد جي بين عيونه شكلها لما التفتله بشعرها الذهبي وعيونها اللي عسكت عليهم الشمس"شمس ومش اي شمس صهرت قلبي من حرارتها"
الحسن : ياهوووووو
الفهد: احمم..ايه قويه شويه..
الحسن ابتسم بتهكم :خش خش...ومشوا مع بعض..
اما جنان فكانت تحط في الليم في السله ومبتسمه بخجل وهي تذكر في اللي صار..
....
الفهد يشبح لهلال اللي كان يهدرز ع عمام الحسن وخوته...قرب من وذن الحسن وقال: هو هذا...
الحسن فهم عليه : ايه هو...
الفهد بضحكه وبعد شوي: فرق كبير في الشكل..
الحسن : ولاكأنه هو نفسه ..
الفهد بضحكه : بكككل...
***
مقعمز ع السرير يستنى فيها تطلع من الحمام طلعت...
ناض : شنو ..
مديحه بفرحه ممزوجه بالخجل: حاامل..
مراد بسرعه حضنها وقامها وقعد يدور بيها ويضحكوا
مديحه : ههههههه بندوخ خلاص..
مراد خاف نزلها وهي فحضنه : خلاص خلاص..
مديحه: ههههههههه العشيه نمشوا نحلل ونتأكدوا..
مراد باسها : إن شاء الله...مديحه تشبحله بحب ومبتسمه...
***
والله !!!
سارة بضحكه : ايه ...
جنان حضنتها بالقوة : مبارك ياقلبي...
ميسون : فرحونا معاكم عماتي..كلهم شبحولهم..
جنان: ساره بعد 9شهور حتولي ماما..
فاطمه جتها بسرعه : بالله !!امتى عرفتي؟
سارة : الصبح اتصلوا بيا من العياده وقالولي نتيجه التحاليل
فاطمه حضنتها واللي هادي قعدت تباركلها...
برنيه : نعرفك فرفاشه ..ارزني توا مش بروحك ره..
سارة: ضروري تحرجينا يابربر..
برنيه : بربر اللي يريشوك يامتروشقه..
كلهم: ههههههههههههههههههههههههههههه
مجيده : ربي ينوضك بالسلامه وتحلي عويناتك ع خير انتي والعيل..
برنيه: نبي هالجنان يتعبا صغويره..يخربوا ويقطعوا الغرس ونقعد نجري وراهم...
سارة: ياما جريتي في جرتنا..
برنيه: انتوا قراب من عمر عمامكم ماحسيتش بيكم احفادي حسيتكم صغاري..لكن صغارك..وصغار كناينا الجدد هما احفادي حق...
تلخبطوا هاله وعليا...وقعدوا يفكروا في هالموضوع اللي ماحسبولاش حساب بكل...
...
وتوا الغدي تغدوا الرجاله والنساوين...وبدي غسل الماعين اللي كان في الجنان الخلفي اللي مسكر بمضله هكي كبرها ..وكلهم تعاونوا علي الماعين ومشي الجو بالهدرزة والضحك لين كملوهم بسرعه...كفوهم وخشوا...
انعام قعدت برا ..بدخل شيش الصابون والوركينه...لمحت من بعد الخيط اللي نايضه عليه العنبه بيطيح ...طلقت اللي فيدها ومشت بتساويه...
سبقها شخص وسواه طول...
قعدت واقفه زي المسبوهه تشوف فيه كيف يدير فيها...
هلال: لاقوة إلا بالله كرم عنب منظره تقول من الجنه...
ضحكت انعام..كمل هلال..اها هك...ميه ميه...فالح من يوم يومك ياهلال ...زي ماقالت حني قمرة ماتصعب عليك حاجه...ههههههههه جو عليها حني هذي...غير امتى نردلها بس...وتقولي تعال ياعيل نفليلك شعرك ..تقول واخده عليا مقمل...
انعام : هههههههههههههههه
هو فنص عيونه وقعد يدور هني وهني لين شافها...بلم فيها..بعدين ضحك شبح للكرم متاع العنبه وشبحلها: جنه رسمي..
انعام تحشمت وولفت وفاتت تجري وهو يشبحلها ويضحك...
....
فات باقي اليوم عادي...
في الليل...
كلهم روحوا ماعدا ريحانه قعدت بش تبات..قعدوا ساره وهاله وعليا مع انعام وريحانه..حتى برنيه خشت رقدت..
رن تليفون ساره: هي اني بنوض..تصبحوا ع خير..
هاله وعليا قلوبهم انقبضت...كان يلقوا مايركبوش فوق بكل نسوا همهم شويه في لمة العيله بس توا لازم يرجعوا يعيشوه مهما حاولوا يهربوا منه لازم يواجهوه..
شبحوا لبعض بنفس النظره..
عليا : احمم هيا حتى حني نركبوا..
هاله : هيا..
سارة بمزح: ايه انتوا عرايس ..تلقوا عرسانكم يستنوا ع نار..
عليا وهاله حسوا بخنقه وصدورهم ضاقت..انعام لماشافت ملامحهم كيف تغيرت تحسابهم تحشموا ...
انعام : سارة تحشمي...
ساره:😂
انعام: خشوا وخودوا فواكه من داخل جابهم بوي من الحوازة اليوم شكايركم واتيات جنب بعض..
ناضوا هاله وعليا ..هاله خدت شكارتها وقالتهم تصبحوا ع خير وركبت...اما عليا شربت ميه قبل..كيف كملت ولفت بتاخد شكارتها لقت ريحانه قدامها
ريحانه قدمت : تعرفي نحسدك ع القوة متاعك وكيف تمتلي في السعاده وجايبه الدور..
عليا ضيقت عيونها بإستغراب..
ريحانه: يعني وحده صارلها زي اللي صارلك راهي انتحرت..
ابتسمت بمكر..لكن حظك اللي حطلك ولد عمي في طريقك بش يستر عليك..
عليا مصدومه لين خلاص ولسانها انشل تماما عن الرد
ريحانه : واضح عليكم ع فكره...انكم متزوجين بالإسم..طبيعي الحسن ولد عمي ونعرفه...لو يبي يتزوج لغرض الزواج ويدير عيله كان اختياره غير..
عليا وصلت حدها عندها وقربتلها: هو الواضح اكثر انك بتموتي من الحسد لاني الباين خديت منك حاجه كنتي تتمنيها...بش نريحك...الحسن متاعك هذا كله ع بعضه مايعنيلي شي..ولو تبي تنزلي عليا ضرة ولاحتتحرك فيا شعرة مخليتهولك اشبعي بيه..خطمت من جنبها وضربت كتفها عن قصد وخدت الشكارة ومشت..
اما ريحانه فكانت مصدومه في اللي سمعاته وفرحت في نفس الوقت...
....
خلونا نشوفوا هاله لما ركبت لشقتهاشن صار معاها...
هاله فتحت الباب بالمفتاح وخشت سمعت صوت ضحك حسان جاي من الدار اللي قرر يقعد فيها..سكرت الباب وقعدت تسمع في صوت البنت اللي يدوي معاها فيديو
حسان: آااااه يانااااري عليك جسم جسمك ياحبي انثى فل ياعسسسسل..
البنت بشخلعه: هههههههههههههههه
حسان : آااااه آااااه ياني..امتى نشوفك ونهدرزوا وناخدوا ونعطوا..
البنت: تو نشوف الجو ونحددلك موعد سوني..
حسان:عسسسسسسسسسسل ياسوني انتي.اممممممممممواااااه...
هاله من كثر ماانقرفت طلقت الشكاره ومشت ترجع في لاونيدنو الكوجينه..ترجع قريب حطت مصارينها..سمع حسان صوت طلع طول ..لقاها ترجع في لاويندينو..
حسان بقرف: ترجعي هني يامصيبه...خير امك..
هاله لما سمعاته قال خير أمك..تغيروا ملامح وجهها للحده وتلفتت وشبحتله وقدمتله..
هاله : سيرة امي ع لسانك ماتجيبهاش ..وبرا كمل باقي العفن متاعك اللي ترجيعي قاعد انظف منه...وولت للانيدنو وقعدت تنظف فيه..
حسان انصدم من كلامها ونظراتها بعدين قال: امتى ربي يخلصني منك بس..ومشي وخلاها..
هي مشت لباب الكوجينه وسكراته..وولت اللي لاوندينو اللي قعدت تنظف فيه وتبكي بصمت..
...
عند عليا اللي أول ماخشت لشقتها توجهت للمطبخ وهي حامقه..حطت الشكاره..وطلعت وتوجهت لدار النوم ..حولت وشاحهها وحدفاته ع السرير...شبحت لتليفونها اللي تعمدت تخليه فوق قدمتله وقعدت تشوف فيه لقت مكالمات من اهلها ومن رقم دولي ورساله فتحت الرساله
(آاااه عليا آاااه مش مصدق انك وليتي لغيري..اني الكلب نستاهل اني اللي بعتك بسهوله...نحبك ياعليا ومش حناخد غيرك لين نموت...)
عليا تقرا وترعش وبدت تبكي ...بإيديها اللي يرجفوا مسحت الرساله..والمكالمه...وطلقت تليفونها وقعدت تبكي بالعبره..كلام ريحانه رسالة منصف خلوها تنهار تماما...
"خيرك؟!!"
عليا قامت راسها وقعدت تشبح لملامحه الحاده اللي باين فيهم الخوف..
الحسن: خيرك تبكي؟!!
ناضت وقدمتله: بطل الجو اللي دير فيه ياسر تمثيلك مكشوف واضح..لأنك فاشل في التمثيل ..خليه الجو هذا لوطا قدامهم وياريت المرة الجايه تتقنه اكثر...
الحسن شبحلها هلبه :شن تخرفي..
عليا بضحكه ألم : ايوه نظرتك هادي واسلوبك هذا..هادي حقيقتك خليك معاي ديما هكي ..
الحسن قدم وشدها من ذراعها بقوة: اني نتعامل معاك بأخلاقي..اني شخص لانعرف نكذب ولانمثل ولاليا فيه ولانبي نديره..اني نتعامل معاك بما يمليه عليا ضميري وبس..انتي امانه عندي واني واجبي نحافظ عليك لاأكثر..شد ذراعها اكثر..لأخر مرة تكلميني بهالأسلوب وتعلي صوتك في وجهي ..ماتجبرنيش نتعامل معاك بطريقه مش حتعجبك بكل..
نزلت دمعه عليا من كثر ماتوجعت من شدته ..هو استاقض وطلقها ولف وطلع من الشقه وقربع وراه قريب جابه في ايده ..وعليا شدت ع ذراعها وقعدت تبكي: نكرهك نكرهك..
...يتبع...
