#الحسن
#جمان_فريد
الجزء 31
حاطه السماعات في وذانها وتمشي وتغني وسرحانه..
ع هدير البوسطا اللي كانت ناقلتنا
من ضيعة حملايا ع ضيعه تنورين
تزكرتك يا عليا وتزكرت عيونك..
يخرب بيت عيونك يا عليا شو حلوين...
سكتت لما غمت ايد ع فمها وسحبتها..عليا عيونها مفنصات اللي جبدها لفها ليه..هي نظراتها المصدومه انقلبت لنظرات تانيه..نظرات شوق ...
الحسن : نظراتك وقتها كانت ماتشبهش لهادي..
عليا بنظرات شوق: امتى جيت...
الحسن : الصبح..
قعدت تشبح لعيونه وبس وهو يشبحلها نظراتها كانت تقوله في كلام هو فهمه حاوطها من خصرها وقربها ليه قرب اكثر هي لفت ايدها ورا رقبته والزوز كانوا يشبحوا لنقطه محدده ..وباسها...تبادلوا هاللحظه بشوق شديد مش حاسين بشي غير ببعض..هو كان يلقى يقعد هكي لأخر لحظه فعمره..وهي ماتبيش تباعد بكل ...
عليااااااااااا
بعدوا عن بعض بصعوبه لاهي تبي تبعد ولا هو ..بس الصوت كان يقرب..هي ساوت روحها واستجمعت نفسها..وهو نفس الشي...طلع الحسن وهي وراه..
جنان بدهشه: الحسن...قدمت تجري ..امتى جيت..
الحسن : توا بس...
جنان شبحت لعليا: تعرفي انه جاي..
الحسن : مافي حد يعرف ..
جنان: باه كويس قريب متت من الخوف لما معاش لقيتك..
عليا قدمتلها : آسفه حبيبتي ..
جنان : ولايهمك..وشدت ايدها ومشوا والحسن وراهم وايديه في جيوبه ومبتسم...
...
حتى هو جي..
: ايه ياراس توا شفته معاهم..
منذر : تمام تمام...
....
خديت اجازة يومين..
سرمد : ماه من الأول...
الحسن : شنو مافيش فطور هني...
عليا : مافيش زميته هني ره..
كلهم : ههههههههههههههه
الحسن قعد يشبحلها برفعه حاجب: باه عندهم قطايف..
عليا انطمست😳
سارة : لالا ..وبعدين انت من امتى تحب القطايف هكي قبل عيونك البسبوسه..
الحسن : القطايف احلى بالذات اللي نعرفها اني..
عليا 😳💓
جنان :كان نعرف شن فيها زايد
الحسن : خلاص وانتوا شديتوا في الموضوع..المهم نبي فطور..سرمد نوض شوفلنا فطور باهي..
سرمد: اوامر تانيه يابيه..
كلهم : 😂😂😂😂😂
الحسن : نوض وانت ساكت..
سرمد ناض : شفتي راجلك كيف يعامل في عمه..
عليا : الله غالب..اصبر تؤجر..
كلهم : هههههههههههههه
شبحلها الحسن ورفع حواجبه وهي تضحك ....
***
منصف: امس كنت عندهم وعرفت بالموضوع كله..
عبد القدوس : حني مش فالصورة..
منصف: اطمن..
عبدالقدوس: ليك يد في اللي بيصير..
منصف بإبتسامه ماكره: يعني..
عبد القدوس هز راسه بإيجاب...
***
بعد مافطروا ..ناضوا يدهوروا ..عليا كانت تتمشى مع الحسن..
الحسن : عجبك الجو..
عليا: اممم ...بس اليوم عجبني أكثر..
الحسن ابتسم وشبح القدام شويه ووقف: عليا..
عليا وقفت : شنو ..
لف بجسمه ليها وقعد يشبحلها : عليا...لو يرجع بيك الزمان كنتي وافقتي تتزوجيني..
عليا شبحتله هلبه بعدين ابتسمت: تعرف لو شفت منذر توا شن حندير..
الحسن : شنو ...
عليا : حنشكره من قلبي...هو اكبر سبب في وجودي معاك توا...اقدار ربي الصعبه..ديما في طياتها حاجات حلوة هلبه نعرفوها مع الوقت...
الحسن ابتسم : يعني....
عليا :كنت حنوافق بدل المرة الف مرة...
الحسن : علاش..
عليا : خلاص بطل تعيش جو التحقيقات..وخلينا نتمتعوا بالجو الحلو ...ومشت هو ابتسم ولحقها..
***
عابد..
مرعي: محمد
سارة: عابد يامرعي..
مرعي : هذا محمد واللي بعده عابد
سارة: هذا أول حفيد لبابا بنسميه ع اسمه
مرعي: ع اساس هذا الحفيد 16لبوي..!
سارة بنفاذ صبر : خلاص نديروا قرعه..
مرعي يشبحلها ع جنب....😒
سارة : شن قلت..
مرعي : بااااه...
سارة ابتسمت...ومرعي يشبحلها بشك...
....
وقفت ع شجرة وهو واقف عليها ويهدرزوا..
عليا : مش عارفه محتارة بين الجراحه وبين العظام..
الحسن ابتسم ع جنب: انتي يمشي معاك أطفال..
عليا : علاش..
الحسن : لإنك زيهم حتفهمي عليهم..
عليا بضحكه: مبردك..بالعكس اني ماعنديش خلوق للصغار هلبه..
الحسن رفع حاجبه : مشكله هكي..
عليا فهمت تلميحه احمروا خدودها وغيرت وجهها للجهه التانيه..
الحسن ابتسم وقرص خدها: حتكوني أم حلوة..
عليا شبحتله ووجهها كله احمر...
الحسن شبحلها: احمم..عليا..اني زي ماتعرفي خدمتي فيها مخاطر هلبه ..وهلبه من اللي خدموا في مجالنا..سكت..ماتوا وهما يمارسوا فعملهم..
عليا ملامح وجهها كلها تغيرت للخوف..وقلبها انقبض...
الحسن غير عيونه عنها: لو جي يوم وربي اختارني منهم..نبيك من بعدي تختاري الشخص الصح اللي يستاهلك ..
عليا سكرتله فمه بأيدها: اسكت ...معاش تزيد حرف..ودموعها نزلوا..
الحسن وجعه قلبه لما شاف دموعها حط ايده ع ايدها ونزلها وقعد شادها وبجديه تامه: عليا ..هذا الواقع...لو صار اللي قلت عليه ..ولد عمتك هذا ردي بالك توليله..ياأختاري شخص يستاهلك ياأقعدي هكي طول عمرك..ابتسم..ارمله الحسن الصادق..
عليا بحده: اني حنقعد مرتك انت وبس ..مافيش راجل في الدنيا يستاهلني غيرك..ولأن ربي حطك في طريقي ماعطاكش ليابش ياخدك مني عطاك ليا بش نكون سعيده معاك ..لأن انت بس اللي حتعرف تحافظ عليا..اني حنستودعك الله في حلك وترحالك وين ماتكون وربي وديعته مستحيل يضيعها...
الحسن مالقاش رد مناسب للي قالاته ...غير انه ياكل القطايف اللي يحبهم ..ماقدرش يبعد ببكل اما هي فكانت معاه وتفكر في كلامه لين نزلوا دموعها هو بعد..
الحسن بعيون عاشقه : معاش تبكي ارجوك..
عليا ببكي: انت معاش تبيكني ..اوعدني..انك معاش تبكيني..وانك ماتتخلاش عني وانك ادير كل اللي تقدر عليه بش تقعد جنبي..
الحسن بصوت حنون: نوعدك..
عليا خشت في حضنه وهو حضنها بقوة وعيونه مغمضات كان يبي يشبع منها ع قد مايقدر..لأنه مش ضامن هالمرة انه يرجع من العمليه الجايه..
***
التموا كلهم حوالين طاوله لأجل حدث مهم ومفصلي في العيله😁..الحسن يكتب في الأسماء ويشبحلهم مرة مرة ..وهما الزوز يشبحوله ويشبحوا لبعض...
طبقهم ..
جنان : من حيسحبها..
الحسن ورزع نظره عليهم جت عينه ع ريحانه: ريحانه تعالي..
عليا 😒😑
جت ريحانه وقلبها يرقص من الفرحه ...ناض الحسن وفي إيده الوراق..
الحسن شبحلهم: كتبهم خوها وتسحبهم أخته وانتم شهود..
كلهم هزو روسهم بإيجاب شبح لريحانه اللي كانت هيمانه فيه...توا بنحركهم وانتي تسحبي مجرد نفتح ايدي..
ريحانه : تمام..
عليا 💢💢
حرك الحسن ايده اول مفتحها الشيطانه ريحانه شدت ايده بيد وسحبت بإيدها التانيه..
عليا "ان شاء الله تنقطع "
فتحت ريحانه الورقه..ابتسمت..
الحسن: شنو ..
ريحانه قربت منه ورتهاله ضحكوا الزوز..
عليا بعصيبيه : هيا خلصونا..
شبحولها كلهم وفي اللي ضحك عرفوها خيرها..هو ابتسم..
ساره : شنو...
ريحانه: علي...
فنصوا الزوز...
الحسن : هكي احسن سموا اول حفيد ع اسم جدكم لإنه واحد...وفضت..
جنان : والله احسن حاجه..
حسان بضحكه : من الأخير..
ريحانه بضحكه: شن قولكم..
سارة ابتسمت: تمام..
مرعي بضحكه: ماعندي مانقول...
الحسن : اعتمدتوا؟
هزوا روسهم بإيجاب...
سرمد : هذا وقد تم فض النزاع بأقل الخسائر..
كلهم : ههههههههههههههههههههههههه
ماعدا عليا اللي كانت قارنتهم والحسن مركز معاها..
في الليل..
هاله : كانوا احلى يومين..
ميسون: كل مانفكر ان وجيج القرايه بيولي بعد تلاته ايام نفسيتي تتعب..
جنان: me to
هاله : هههههههه..بالعكس خير من الكساد..
عليا : حتى اني نقول هكي...
طق الباب..
مشت انعام فتحت: شنو صهيب..
صهيب : قولي لمرت عمي عليا عمي يبيها..
ابتسمت انعام: باه..
خشت داخل: لولو..
عليا : نعم..
انعام : رايلش يبيش..
عليا برفعة حاجب: هو اللي برا...
انعام : لا صهيب..
عليا : باه ..طلعت..
خوله بضحكه : غارت عليه بكري..
جنان: عندها الحق..ريحانه ماصدقت..
ساره: فكونا تو تطلع من الحمام وتسمعكم..
سكتوا....
...
ماشيه هي وصهيب..
عليا : صف كم تقرا...
صهيب: اول تانوي..
عليا بضحكه: مايبانش عليك..
صهيب بضحكه: حتى انتي مايبانش عليك تقري في الجامعه...تباني في عمري..
عليا : ههههههههههههههههه لااوفر شويه..
صهيب ضحك..
الحسن :اني باعتك تجيبها ولاتهدرز معاها..
صهيب: ماعندهاش خوات ياعمو..
الحسن : برا اقلب وجهك ..
هرب صهيب وهو يضحك..
عليا تشبحله : شن تبي..
الحسن : نبيك انتي ..
عليا : بالك تبي ريحانه غير لخبطت..
الحسن : هههههههه
عليا "ياويلي اني 💓"
الحسن : تعالي يامهبوله تعالي...خداها من ايدها ومشوا..
الحسن كان يبي يقعد معاها اكثر وقت ممكن كان يبي هلبه حاجات بس مافيش غير اشياء بسيطه متاحه في ايده..
قعدوا يهدرزوا مع بعض ويتناقروا..ومره مره ياكل في القطايف وهي بذوب من الخجل ومنه هو💖..
تاني يوم الصبح
روحوا كلهم وصلوا الساعه 12 ...الحسن طول مشي للمركز بش يشوف أخر المستجدات...وكانت التجهيزات لعملية غدوة تامه...
***
غدوة يومكم..
كامليون: وحني جاهزين..
كوبرا: كامليون رد بالك تطلع ع اللي مخططله..فرق كبير بين وبين الكوماندا نحاسب بسرعه وحسابي عسير..
كامليون ابتسم بتهكم: اللي تبيه ياراس هو اللي حيصير..
كوبرا : كويس..صكر..
كامليون : هههههع...
***
الحسن ماروحش إلا في الليل..هو قبل ماكانش يروح لماتكون عنده عمليه تاني يوم بس هالمرة غير..الحوش كان هادي بالمرة...كلهم راقدين ...ركب فوق .
فتح الشقه وخش ..كانت اضويته مطفيه ماعدا الضي الخافت..
حول جاكته وتمدد ع الكنبه...وهو يفكر..غمض عيونه يحاول يرقد..شويه وشم ريحة ياسمين...ابتسم و مغمض عيونه..
الحسن : مارقدتيش..
عليا : تستس..
فتح عيونه لقاها واقفه لابسه توتا بيضا وشعرها مفرود وجهها صافي ..وتشبحله بنظره طفوليه..
الحسن ابتسم: شن تبي..
عليا بنظرات خجوله: نبي...نرقد ..جنبك..
الحسن : وين بترقدي تو هذا يسدك انتي..
عليا زعلت : خزززي عليك..ولفت بتمشي ناض...وحضنها وهي عاطيه بالظهر..بعدين قامها رقدها ع الكنبه ورقد جنبها...ويشبحلها..كيف قارنه حواجبها..
عليا : معش تقولي الكلام هذا ..اني مش سمينه..
الحسن : انتي مش مركزة ع روحك ..دبه ره..
عليا شبحتله : عينك اني جسمي حلو وماشي معاي..
هو قعد يشبحلها بنظرات خلت عليا متحشمه ع الأخر خشت في حضنه..هيا ارقد...
الحسن : هههههههه...أخخخ منك انتي ..وحضنها ورقدوا وهما الحب متملكهم في هذيكا اللحظه..
يوم العمليه..
تتمشى في الجنان قالقه...جاها شيبانيها الحاج علي: برنيه خيرك مش عاجبتيني اليوم..
برنيه: مش عارفه خلوقي مطبقات..
الحاج علي: بري صلي ولا اقري قران..
برنيه : صليت وقريت بس القبضه متاع قلبي مابت تتحول..
الحاج علي خاف..
برنيه شبحتله هلبه بعدين : خطر عليا هذاكا اليوم الأسود..
الحاج علي: اصصصصص اسكتي ...
برنيه : خلاص خلاص...
الحاج علي: اني ماشي وبنروح مع المغرب..
برنيه : في أمان الله...
مشي الحاج علي والخوف اللي عند مرته اتنقله وقعد باله مشغول...
....
الساعه 4...
لبس وطلع ..وقف لما شافها اضم في الكوجينه بعد غسلت اماعين الغدي..قدم ...
الحسن : عليا..
عليا شبحتله : شنو ..
الحسن اشرله براسه : تعالي...
عليا جاته ووقفت قدامه بالزبط..
الحسن يشبح لعيونها: عيونك هادم هما اللي خلوا قلبي يتحرك..احلى عيون تشوفهم عيوني..عيون ذبحوا الحسن الصادق الضابط الجلف الجاد اللي يقولوا ع قلبه انخلق من حديد..خلوه يشتاق ويغار ...شد وجهها بإيده ..ونزل باس عيونها...بعد...خلوه يحب...عليا...نحبك 💖
عليا تشبحله تسمع فيه من قوة مشاعرها مش قادرة تتكلم..
الحسن قرب وباس راسها بعمق بعد: ربي يحفظك ...بعد ..
شبحلها لأخر مرة..مشي خطوتين للورا ابتسم ..وبعدين طلع..
عليا جامده في مكانها حطت ايدها ع قلبها اللي ماباش يهدا بكل .."استودعك الله الذي لاتضيع ودائعه"...
....
وقت العمليه..
وصلوا قوات الإقتحام...
نزلوا ...وتوزعوا حوالين المنطقه ع حسب الخطه..خشوا داخل وهما متسللين وكانوا ياخدوا في أوامرهم من الحسن..
الحسن كان مستغرب لما مالقاش مسلحين في طريقه او طريق الفريق متاعه..مع هذا زاد قدم..
فجأة ..اشتغل صوت أغنيه في المكان...
غير عليا رن ماعندكش مشكله امتى تبي رن ماعندكش مشكله..وخش عليها صوت يغني وكان صوت منذر كلهم انصدموا وتشتتوا تماما حتى الحسن ...طولت الأغنيه شويه..
آدم: سيدي شن لازم نديروا..
الحسن : خليكم محتاطين ياآدم..
وقفت الأغنيه...وبدي يشتغل صوت تاني ..صوت الرصاص...
الحسن بدي يجري ويرد بس ع شن يرد اللي يضربوا مش باينين..يحاول يحدد منين يجي الرصاص بس كان من أكثر من جهة ..
الحسن هذا وين فهم" كمين"...
قعدوا يقاوموا ع قد مايقدروا والحسن قعد يشوف قدامه كيف الضحايا من قواتهم اطيح قدام عيونه...
: كامليون الحسن قدامي..
منذر: ماتمساش خليهولي ...
طلع منذر وبدي يجري يدور ع الحسن لين لقاه كان واقف ورا شجره ويرد في ضرب النار..
منذر يشبحله ويذكر شن قاله الكوبرا
(الحسن ماتمساش بشي ولو اضطريت اضرب عليه لكن ماتقتلاش)
منذر "اسف ياراس بس الحسن لابد يودع الدنيا بش روسنا ترتاح"..
صوب عليه ....وضرب...
الحسن وهو يقاوم الرصاصه جاته في كتفه ..بصعوبه شديدة تلفت ...شاف بعيونه ...منذر... قعد يشبحله بنظره تخوف..
منذر : اسف ياأختي بس مكتوب عليك تعاني..واني نصنع معاناتك..وضرب التانيه وكانت في صدرالحسن..💔
شبح لمنذر لأخر مرة بنفس النظره وطاح ع ركابه..
: كامليون صدرت االأوامر بالإنسحاب..
منذر هز راسه بإيجاب: تمام ..ومشي خطوتين للورا ولف وفات يجري...
اما الحسن وهو طايح ع ركابه جت بين عيونه هي
<< انت معاش تبيكني ..اوعدني..انك معاش تبكيني..وانك ماتتخلاش عني وانك ادير كل اللي تقدر عليه بش تقعد جنبي..
الحسن بصوت حنون: نوعدك..>>
الحسن بصوت يدوب طالع: سااا..محي..ني...
وانهار تماما وطاح في مكانه بدون حركه...💔
.....
ناضت مخلوعه...سمعت صوت عياط..تبي تتأكد فعلا صوت عياط جاي من لوطا...ناضت بسرعه من سريرها..خدت وشاح من ع الشماعه حطاته ع راسها وتوجهت طول للباب فتحاته لقت هاله وحسان طالعين...
عليا بخوف: شن في !!
هاله بخوف: مش عارفين..
ونزلوا كلهم يجروا ..فتح حسان باب الفاصل وخشوا طول ..
لقوا برنيه تعيط وتخبط وعلي يهدي فيها...سرمد عيونه حمر..وانعام تبكي بالعبره..
عليا ترعش مع بعضها..
حسان بصوت خايف: شن في شن صاير!!!
سرمد وهو يشبح لعليا بعيون مدمعه عليا تشبحله بخوف وكإنها تقوله ماتقولهاش...
سرمد بصوت حزين: الحسن....💔
....يتبع....
