Unicode
အဲ့ဒီတော့ မင်းက သူ့ကို ပိုပြီး သဘောကျတယ်ပေါ့?
ဆယ်ရက်...ဆယ်ရက်မျှသာ ကျန်ရှိတော့သည်။
ချန်းကျင်းက မည်မျှပင် တုံးအနေပါစေ ၎င်းခွဲစိတ်မှုအပြီးတွင် မည်သည့်ရလဒ် ဖြစ်လာမည်ကိုမူ ကောင်းစွာ နားလည်သေး၏။ သို့သော် သူ့အနေဖြင့် မူလလုထောင်ကိုလည်း ထိုကဲ့သို့ ဆုံးဖြတ်လိုက်သည်နှင့်ပတ်သက်၍ အပြစ်တင်၍မရပါပေ။ အမှန်အတိုင်းဆိုရလျှင် ၎င်းစရိုက်ကွဲမှာ အဆိပ်ရည်၏အကျိုးဆက်ကြောင့် ဖြစ်တည်လာသော ချို့ယွင်းချက်တစ်ခုသာ ဖြစ်ရသောကြောင့် လုထောင်က ဤကဲ့သို့ ဆုံးဖြတ်ချက် မချခဲ့လျှင်တောင် အခြားစရိုက်ကွဲနှင့် ခင်ပွန်းဖြစ်သူသည်ကား နှစ်လအကြာတွင် ပျောက်ကွယ်သွားရလိမ့်လေမည်။
မည်သို့ပင်ဆိုစေကာမူ ချန်းကျင်းသည် ဝမ်းနည်းနေမိဆဲ ပါပင်။ သူ့ကို အမှန်တကယ် ချစ်ခင်ပေးပါသော လုထောင်မှာ လေပူဖောင်းလေးကဲ့သို့ ထာဝရပျောက်ကွယ် သွားရပေတော့မည်။
ထိုကဲ့သို့ အဆုံးသတ်မည်မှန်း မူလအစကတည်းက သိရှိထားပြီး ဖြစ်သည့်တိုင် တကယ်တမ်း ကြုံရသောအခါ၌မူ ချန်းကျင်းအနေဖြင့် လက်ခံနိုင်ရန် ခက်ခဲနေခဲ့လေ၏။
တစ်ဖက်မှ လုထောင်သည်ကား သူနှင့်ပြောဆိုရန် အကြောင်းကိစ္စများ ရှိနေဟန်တူသည်။ သူသည် ချန်းကျင်းစိတ်ငြိမ်သွားသည်အထိ အတော်ကြာ စောင့်ပြီးနောက် စကားဆက်ဆိုလာခဲ့၏။
"ဒီနေ့ကြုံခဲ့ရတဲ့ ကိစ္စတွေအားလုံးအတွက် မင်းအနေနဲ့ နှုတ်စောင့်စည်းထားဖို့ လိုမယ်။ တခြားဘယ်သူ့ကိုမှ တစ်လုံးလေးတောင် ပြောပြလို့ မဖြစ်ဘူး။ ဘာပဲပြောပြော ကိုယ်က မင်းအတွက် အာမခံချက် ပေးထားပြီးသားမို့ ကတိဝန်ခံချက် စာချုပ်မှာလက်မှတ်ထိုးဖို့အထိ မလိုတော့ပေမဲ့ မင်းရဲ့ ဆက်သွယ်ရေးစက်ကတော့ ဒီအတောအတွင်း သက်ဆိုင်ရာဆီက အနီးကပ် စောင့်ကြည့်တာခံရလိမ့်မယ်။ နောက်ပြီး light screen မှာ အသုံးပြုတဲ့ မှတ်တမ်းတွေကိုရော"
"ဪ..အဲ့ဒီဟာက မဟုတ်လည်း အရင်ကတည်းက စောင့်ကြည့်ခံထားရပြီးသား မဟုတ်လား?"
YOU ARE READING
Application For Divorce [ 离婚申请 ]
FantasyMyanmar translation of light novel "Application for Divorce" Original Author - 云间 [Yun Jian] Novel status - completed(104 chapters + 17 extras) Genre - romance, fantasy, smut This is just a fan translation!! I don't own this novel. I read this novel...