"ကဲ ဒီတခေါက် လပတ်စာမေးပွဲမှာလည်း ပထမရတဲ့သူက Hoseokပါပဲ ... Hoseokကို ဂုဏ်ပြုပေးလိုက်ကြပါဦး"
'ဖြောင်း ဖြောင်း'
ဆရာမအပါအဝင် တစ်တန်းလုံး Hoseok အတွက် လက်ခုပ်တီးပေးကြသည်။ Hoseok နေရာမှထ,ကာ အတန်းပိုင်ဆရာမဆီက အမှတ်စာရင်းစာရွက်ကို သွားယူတော့ ဆရာမက
"တော်တယ် သား ဆက်ကြိုးစား"
"ဟုတ်ကဲ့ပါဆရာမ"
"Yoonjoon က ဒုတိယရတယ် ... သားလည်း တော်တယ် ဆက်ကြိုးစား"
ဆရာမလက်ထဲက စာရွက်ကို မကျေမနပ်ဆွဲယူလိုက်တဲ့ Yoonjoonဆိုတဲ့ ကျောင်းသား ... သူ့နေရာမှာပြန်ထိုင်ရင်း စာရွက်ကို ဒေါသတကြီးစိုက်ကြည့်နေခဲ့သည် ။
Hoseokရောက်မလာခင် အထိ ဒီကျောင်းမှာ အမြဲပထမက သူ ... စာလည်းတော်သလို ဒယ်ဂူမြို့တော်ဝန်ရဲ့သားဖြစ်တဲ့အတွက် အရှိန်အဝါလည်းရှိသူ ... သူ့ကိုယှဥ်နိုင်တဲ့သူတယောက်မှ မရှိခဲ့ ။ Hoseok ရောက်မလာခင်အထိပေါ့ ။
Yoonjoon ဘယ်လောက်ပဲကြိုးစားကြိုးစား အမြဲပထမနေရာကို ယူယူသွားတဲ့ Hoseokကြောင့် အမှတ်စာရင်းတွေထွက်တဲ့ရက်ဆို Yoonjoonအိမ်မပြန်ရဲ ။ ဖခင်ဖြစ်သူရဲ့ ပြင်းထန်တဲ့ ဆူပူရိုက်နှက်မှုကို မခံနိုင်၍ဖြစ်သည် ။
"Yoonjoon ... မင်းရဲ့အမှတ်စာရင်း ငါ့ကိုပြ"
Yoonjoon အိမ်ထဲဝင်လာချင်းချင်း မိန့်မိန့်ကြီးထိုင်နေတဲ့ ဖခင်ဖြစ်သူရဲ့အသံကိုကြားလိုက်ရလေလျှင် တစ်ကိုယ်လုံး အေးစက်ပြီး တဆတ်ဆတ်တုန်လာသည် ။
"ဒုတိယ ရပြန်ပြီလား ... သူများနောက်မှာ နေရတာကို မင်းသိပ်ကြိုက်တယ်ပေါ့ ဟုတ်လား ။ မင်းဒီနေ့သေဖို့သာပြင်"
ခါးပတ်ကိုဆွဲချွတ်နေတဲ့ အဖေ့လက်ကို ဆွဲကာ Yoonjoon တိုးလျှိုးတောင်းပန်မိပါတော့သည်။
"ဟင့် Appa မလုပ်ပါနဲ့ .... အ့ Appa ! "
'ဖြောင်း ... ဖြောင်း... ဖြောင်း'
"Appa သားမှားပါပြီ ... သားနောက်ဆို ပိုကြိုးစားပါ့မယ် အ့ .. အားးး"
"ဆင်ခြေတွေ ငါ့ကိုလာမပေးနဲ့။ မြို့တော်ဝန်ရဲ့သားဖြစ်နေပြီး သူများနောက်မှာနေရတဲ့ အရသာကို သိပ်ကြိုက်နေတဲ့ကောင် .. ကဲဟာ"
YOU ARE READING
Heartbeat Of Kiss (Completed)
Fanfictionစီးကရက်ရဲ့အရသာက ခါးတယ် ။ စတော်ဘယ်ရီရဲ့အရသာက ချိုတယ်။ ကျွန်တော်က အဲ့ဒီအရသာ နှစ်ခုလုံးကို အကောင်းဆုံးခံစားရစေတဲ့ ခင်ဗျားရဲ့နှုတ်ခမ်းပါးတွေကို စွဲလန်းတယ် စီးကရက္ရဲ႕အရသာက ခါးတယ္ ။ စေတာ္ဘယ္ရီရဲ႕အရသာက ခ်ိဳတယ္။ ကြၽန္ေတာ္က အဲ့ဒီအရသာ ႏွစ္ခုလုံးကို အေကာင္းဆုံ...