الضابط و المهندسه

البارت الاول

من أجلكِ انتِ ♥️
سأشتري لكِ من القَمر كُلَّ نُجُوم الليلِ ، وسأعتكف في كَنفِ الفَجر لأستئذن مِن الشَمسِ أن تدعكِ انتِ تُشرِقين .

في امريكا
.
.

طلعت من المدرسه اني وميلان بت عمو

ميلان: يارا انضري هذه سيارة والدك

(ميلان متعرف تحجي عربي كله انكليزي فراح احجي فصحى بدال الانكليزي اما باقي العائله كلهم يعرفون يحجون عربي وانكليزي)

التفتت سياة بابا واكفه
شعنده جاي مو يوميه نرجع بباص المدرسه

هيا تحركي لكي نصعد معه

مشت ميلان واني وراه صعدت بالوره وهيه بالكدام

عدل المرايه وباوعلي درت وجهي عنه صار اسبوع ما احجي وياه

وصلنه للبيت

عمار: ياااارا

التفتله

تعاي اخذي هاي

اخذت منه علاكه حمره وكارتونه مبينه مال كيك
شسوي بيهن

هذني هديه لامج دخليهن بغرفتج لاتشوفهن

واني شكوو هاك اخذهن

سد صندوق السياره ودخل للبيت دخلت لغرفتي
بدلت وحطيت العلاكه عالميز

اني يارا عمري 16 بيضه عيوني عسلي على ماما وشعري اسود على بابا طولي 155 وزني 56

بابا'' عمار عمره 44 يشتغل دكتور

ماما'' ميرال عمره 39 تشتغل دكتوره
(ماما امريكيه وبابا عراقي)

عندي اخوان ثنين

مروان'' حنطاوي وشعره اسود وعيوني سود طالع على بابا بكلشي عمره 28 مكمل كليه عسكرية بالعراق

مراد'' ابيض وعيونه عسلي وشعره اشكر طالع على ماما عمره 24 يدرس طب عام مرحله اخيره

'
'
'
'
عندي عم واحد اسمه

غمار'' اكبر من بابا متزوج
زوجته اسمه'' نوريتا
هم امريكيه

وولد اسمه
يزن'' عمره 22 يدرس هندسه مرحله اخيره

وعنده بنت اسمه

ميلان'' عمره 18 اخر سنه بالثانويه

بابا وعمو طلعو من العراق قبل الحصار لان جانت الضروف صعبه استقرو بامريكا واسسو حياتهم وتزوجو

كعدت على طاوله الطعام بصفي مروان وبابا وعمو على راس الطاوله واحنه بالجوانب

ميلان: يزن وعدتني ان تأخذني اليوم الى مكان جديد

يزن: نعم نذهب في المساء

مراد: وين اخذونه وياكم

اي روحو كلكم