الضابط و المهندسه

البارت السادس والعشرون

اجه يوم التخرج وجان انصدم بنتيجتي
خابرتني سما
سما: ولج يارا عرفتي نتيجتتج
اي ناجحه
وليش هيج باره
لا فرحانه
انتي شفتي نتيجتج
لا
وثووووول لعد شمدريج ناجحه
امل كالتلي
هاي امل ماتفوته فايته شلون ماكالتلج
عن شنو
ولج طلعتي امتياز من الاوائل عالدفعه
صرخت فرحانه...كوووووولي والله
والله
اسر جان كاعد فز بسرعه
بسم الله شبيج ابوج مات
يارا: طلعت امتياز امتياز...سما اشوفج بالحلفه باي
انتي طلعتي امتياز
اي اني...يارب الف الحمدالله والشكر ما مصدكه
نزلت دموعي من الفرحه
يمعوده لاتكلبينه دراما خلينه بالاكشن
مسحت دموعه وحضنته
يله انشالله تصيرين مثل زها ولو اني مأيس بس الله كريم
دفعته عني
انته ليش تخرب فرحتي
ياعمري اشتاقه
لا تتشاقه هيج ازعل
اجه حاوط خصي ويبوس بخدوي
هسه ليش لابسه الحجاب خلي نبوس براحتنه
هههه وخر اسر راح اتأخر
اوكفي اني اخذج خو ما اخليج تروحين بهذا لبسج وحدج...اني بس لو اعرف منو اختار هذا اللبس والالوان
ليش تروح وياي!!!
اني زوجج شلون ما اوكف وياج وافرحلج بهيج يوم
اي بس مو ضرورة
فهم قصدي رفع حاجبه وكال
لا لا ضروي ضروري انتضري ابدل واجيج
دخل يبدل
هسه اذا راح لاتوكفين ويه فلان لاتصورين ويه علان لاتسلمين على هذا اوكفي يمي عوفي صديقاتي 
عزززا بس يعرف بحسن وفراس يذبحي يبووووو
نزلت الدرج والمبايل بيدي
بابا وجودك مهم اريدك وياي
عمار: انشالله بابا
ومروان
مروان اليوم انذار
حرامات..اي صح وماما
امج متحضره من امس
اي عفيه...
تذكرت عمي
تصدك بابا امنيتي عمي موجود بهذا اليوم
الله يرحمه
امين...يله اشوفك بالجامعه
سديته من بابا
كعدت يمهم
رهف: ماما اروح وياج
ضلت عليج يروحي
طلعنه للجامعه وصلت لكيت الطلاب كلهم موجودين وفرحانين يصورون ويهوسون
والاساتذه موجودين
كلهم باركولي بنجاحي الاولى
جنت واكفه يم اسر كلساع وساحلني واكفين على صفحه مايخليني اوكف يم صديقاتي لان واكفات يم الشباب
اجت سما
سما: مبروووووك يعمري رفعتي راسي
وانتي منو ارفع راسج
غير صديقتج المقربه كل اليسئلني اكله صديقتي طلعت الاولى...وكله مصدومه شلون اني المتواضعه صديقة الاولى
هههههههه
اجت امل باركتلي
امل: بسم الله الرحمن الرحيم قل اعوذ برب الفلق ولج هذا زوجج لو اني اتخيله
لا هو
يمممممه
وجععع
اروح اسلم عليه
يا خاينه تسلمين عليه تعاااي ماتستحين
عمه بعينه صدك راحت تسلم عليه
رحت وراهه اسر رد عليه السلام ببرود
هاي رهوف يا عمري تعاي حبيبتي
رهوف ماتت من الخوف مامتعوده على ناس مجلبه بركبة اسر
هههه تخاف
اني خالته منين تخاف تعاي يروحي
شالت رهف وتبوس بيه ورهف ثواني ونفجرت تبجي
يا ماما ياروحي لاتبجين
اسم الله يروحي لاتبجين اني خالتج
ما تحب الخالات انطينياهه
بلشت الحلفه والاغاني كلش حلو واجو ماما وبابا فرحتي كلش جبيره تونست ويه صديقاتي بس ضايجه ايام الجامعه كلش حلوه
وفريده من نوعه
ضحك
وزعل
ومشاكل
ونجاح
وفشل
ابد ماتنسه
اسر شافله واحد صديقه مدري منين يعرفه وراح يمه ما صدكت انطلقت ويه صديقاتي وحسن وفراس وكلساع التفتت اشوف اسر خاف يلكفني
حسن: يابه رفعتي راسنه بنجاحج الاولى
راسك دوم مرفوع انشالله
وفروسي هم خوش درجات مطلع يحب الرياضيات اكيد ينجح
ندى: نص القسم عنده عداوه ويه الرياضيات
فراس: لو تشوفون دكتور الرسم شمسوي بالطلاب لاعب بيهم فلم كله ستينات
الكل: ههههههه
حسن: الرسم صعب يريد خفه ايد
يارا: قصدكم مثلي موووووو
لاااااااا
هاااا لعد منو رسم اختك ندى السنه الفاتت
بصدمه: يعني هاي انتي الراسمته
اي اني
ماكالتلي
ندى: كتلك بس يجوز ماسمعت
اي لا هسه اكتيلي انج رسامه ندى علكت الرسمه بنص غرفته
ااي طبعا كل اليدخل يشوفه اكلهم اني رسمته
يارا: اكيد مايصدكون لان اني كاتبه اسمي جوه الرسمه
ههه اني رهمت الموضوع وحطيت اسمي
شهكت مصدومه
فراس: لا هذا يسمونه تزووووير
اي كلامك صح
اكلج شو بتج خانسه
اي خجوله
ندى: تعاي حبيبتي
مدت ايده تاخذ رهف رهف بسرعه جلبت بملابسي
رهف: ماما نروح
وين تروحون اليوم اله ابوسه
ولج اسكتي شالته امل وكامت تبجي
سما: هاي حتى بالبيت هيج
بالبيت ماتعرفيه حتى انكليزي تحجي بس من تطلع تخاف كولي Ilove friends
يله حبيبتي احجي
رهف: I love friends
كلهم صفكوله ويضحكون
شويه وشفت خيال اسر فوك راسي تصنمت بمكاني
لازم ادبرلي حجه
سلم وكال يله
وكفت دمعتي بعيني حطيت ايدي على عيوني
ندى: لاا ابوووووس ايدددج لاتبجين مايريد دراما خلينه هيج فرحانين
سما: والله حتى اني راح ابجي
فراس: ادري هيه فاتحه لو حفلة تخرج
حسن: شو احنه ماعدنه هاي حزن الوداع
ندى: اي اننم جنس ادم ما عدكم احساس
يارا: حضنني البنات وسلمت على فراس وحسن ماريد تنلاص عليه الفرحه واسر يطلعه من خشمي
بالطريق وكفني دكتور الرسم
الدكتور: مبروك بابا انشالله اشوفج باعلى المراتب
تسلم دكتور الله يخليك
هذا زوجج
اممم
باوع لاسر...زوجتك جانت احسن رسامه بالقسم كله
مو بس بالرسم حتى بكل الدروس كل الدكاتره يسولفون بشطارته...خليه تكمل الماجستير
متت بدمي من الخجل
اسر: عود الله كريم للماجستير...من رخصتك
مشينه وصعدنه بالسياره...باوعلي بنضره ما عاجبه
اليوم راح اعيده لان فرحانه بنجاحج وباجر نتحاسب
ضل طول الطريق يدردم ويه نفسه وكل دقيقتين يباوعلي ويكول استغفر الله وما خله سياره بالطريق اذا غلط عليه
كاعده ويه الشباب عاجبه الوضع تتمضحك ولاحاسبه حساب لو جودي اني صوجي المفروض ما اخليج تروحين فوك لبسج هذا انتي يرادلج كتله حتى تسمعين الكلام
رهف: بابا اسوق
صرخ...لااااااا
فزت البت وخنست بحضني
وصلنه للبيت لكيت خالتي مسويه كيكيه وكاتبه مبروك التخرج
كعدنه بالحديقه ناكل ونسولف
ياسر: اي رهوف جبتي لامج هديه
باوعتلي وصفنت كامت باست خدي وحضنتني
رهف: هاي هديه
يارا: يرووووحي...لميته بحضني
ياسر: واسر شنو جابلج هديه تخرج
اسر خزرته: ما يحتاج هديه...اكرمنه بسكوتك
تقربت ليارا وهمست
حبيبتي انطيج مثل هديه رهف بس بطريقه متطوره اكثر
يارا باوعت بتكبر: لا شلون ما يحتاج اريد مدالية جديده
عندج هواي
تتذكر مداليتي الانكسرت
ااي
اريد وحده عوضا عنها
عليمن عوضا عنها هيه نفسه نصلحه
لا ما تتصلح اريد وحده جديده تتذكر هاي الشوفتكياهه
ذاك اليوم بالمبايل
هواي الشتفهن
هاي الطويله اريد مثله
لا حبيبتي غاليه
باوعت لرهف بطرف عيني...لعد شلون تنسه الخزنه مفتوحه وتخلي الناس تكسر ذهبي
ياسر: كلامه صح
ولك اسكت انتى منو طلب تأيدك...خلي ابوج يشتريلج
ابوي شعليه غير انتى زوجي اريد الهديه منك
كمت صعدت بدلت
بليل كالو نروح لبيت عمهم عامر
رحنه كلنه سلمنه ودخلنه ومنار موجوده كلما اروح الكاهه اضن ماتروح لبيت زوجهه اكلتني اكل بالسلام ولا عرفته
ضلينه عدهم شويه نسولف
كعدت يم زهراء مرت سلام فقيره وحبابه
بته زغيره عمره ست اشهر
ورهف تباوع عليه وتبتسم
حجت زهراء ويه رهف
زهراء: انطيجياهه تاخذيه الج
رهف: هزت راسه لا
ليش ماتجيبله اخو اخت
يارا: يارايت والله بس ماكو
شوفي دكتوره
هو هم هيج
اني وره رامي بست اشهر حملت بي سدر
الله يخليهم...اكلج هاي منار شو دوم اشوفه هنا
اي يوميه متعاركه ويه رجله لو حماته وجاي هنا والله جزعتني تجي تتامر
الله يساعدج عليه
اجت منار وبيده عصير قدمتلنه جان عصير رمان
رهف ماتحبه
منار: ليش بتج ماتشرب
ماتحبه
والله بتكم تتفيك كله مايعجبه
اي متعوده بس التحبه تاكله
رجعنه للبيت
كال اسر الصبح نروح لدكتورتي من اول ما حملت برهف اراجع عده...انتضرت دوري ودخلت
الدكتور: هله يارا تفضلي كعدي شلونج
الحمدالله دكتوره بخير
فحصتني وطلبت تحاليل...طلعت لاسر جان اكو مختر قريب عالعياده اخذني سويت التحايل ورجعت للدكتوره
شافت التحليل
واني اترقب علامات وجهه
وادعي بكلبي
انتي ماعندج لهسه بس البنيه
اي
و حامل بالطفل الثاني
سكت كلبي من الفرح
والله دكتوره
اي والله حامل
بس سؤال ليش تأخرت سنتين ونص يله حملت
عادي تصير مشاكل مرات اكو بنات تتاخر اكثر منج
هسه كومي نشوف السونار
سويتلي سونار
كالت حامل بالاسبوع الخامس
طلعت لاسر مبتسمه وبيدي الاوراق لكيته واكف يم السياره
اسر: شكالت الدكتوره
نصعد واكلك...صعدنه وكعدت يمه
همست بصوت ناصي
حامل
ابتسم وباس راسي وكال
الحمدالله
رجعنه للبيت وكنالهم
ياسر: رهوف راح يصير عندج اخو
رهف: بيبي
اي بيبي
ماريد
هاااا شلون ماتريدين
مو حلو
هو انتي وين شفتي حتى تحكمين مو حلو
ماريد
يارا: جنت حيل فرحانه بحملي بس استغربت مابينت عليه اعراض حمل لحد هسه
وره يومين صار عندي اغماء كلت من الحمل
بس بيوم كعد الصبح جان عندي الم قوي
جنت اريد اروح للشركه لان صار فتره طويله ما رايحه
شفت نفسي ماكدر بطلت
كعدت بالصاله رهف تلعب ونيفين وخالتي بالمبطخ
واسر وعمي وياسر بالدوام
صار عندي خوف على الطفل
اختف اتحرك ضليت كاعده
اجت نيفين
يارا شبيج وجهج اصفر
مادري بس الم ابطني
ليش خاف متحركه هواي
لا...بس من كعدت والم ماراح
مددي شويه واذا ماراح لازم تشوفج دكتوره
مددت عالتخم رهف اجت يمي
رهف: ماما لا تنامين
لا ماما ما انام
حسيت الالم زاد كمت اريد اوكف دخت كلش صرت اشوف الدنيا ابيض واسود
لحد ما اغمى عليه
اسر: جنت كاعد باجتماع ويه الضابط
شفت مبايلي يطلع ضوه مخلي صامت رفضته ماكدر اجاوب دكت اكثر من مره
اكيد صاير شي امي اذ ارفضه ما تلح عليه هواي
خلص الاجتماع طلعت اول واحد
دكيت على امي اجاني صوته
سناء: يمه اسر الحك مرتك
شنو شبيه
ماعرف يمه وكعت وهسه اخذناه للمستشفى
يله يله جاي وراكم...رحت لمكتب احمد
احمد اني طالع عندي شغل
احمد: خير
ما عليك بس الزم مكاني علما ارجع
روح لا ادير بال
طلعت اسوق بسرعه مدري شلون وصلت للمستشفى وماسويت حادث
دخلت لكيت ياسر واكف يم الاستعلامات سئلته بلهفه
شبيه يارا
ياسر: تعال لهنا
اخذني نمشي بالممر
ولك احجي
صار عده اسقاط وهسه بالعمليات
غمضت عيوني
لا ياربي
هذا امر الله
شكد جانت تنتضر هذا الطفل
وشكد لحت عليه علموده
تالي من اول اسبوع يروح
استغفر الله
لكيت امي واكف
سناء: الله يعوضكم يمه لاتقهر نفسك
هزيت راسي...رهف وين
ضلت يم مرت اخوك
شلون صار عده اسقاط
يمه جنت واكفه بالمبطخ واجت رهف
تكول ماما وكعت بالكاع
طلعت وشفته واكعه وتنزف
خابرتك وماتجاوب
خليت واحد من الحراس يوصلنه للمستشفى
خابرت ياسر واول ما وصلنه للمستشقى حطوه عالسديه ودخلوه فحصته الدكتوره كالت الطفل ميت
عاد كبل دخلوه للعميات يسولوه كورتاج
انتضرت طلعوه من العمليات
دخلوه بغرفه
كعدت انتضره تصحى
دك مبايلي شفته مرت ياسر
نيفين: ها خويه شلونه يارا
صار عده اسقاط
شهكت...يله الحمدالله على كل حال هسه شلونه
منتضرينه تكعد
زين هاي رهوف تبجي تريدكم
انطينياه...شبيج بابا
اجاني صوت رهف تناشغ
رهف: ماما وكعت وبيه دم
لاتخافين حبيبتي مابيه شي شويه ونجي
اريد ماما
هسه جايين بالطريق خوش يله باي
باي
اباوعله وجهه اصفر وشفيفه بيض  وايده بيه كانونه مغذي
فتحت عيونه وتون
ياربي هسه شكله والله كسرت خاطري
ها حبيبتي
يارا بتعب: اني شجابني لهنا
زينه تحسين بشي
لا...رهف وين واني شسوي هنا
اترددت اكله بس لازم تعرف
ياروحي صار عندج اسقاط وجبناج لهنا
فتحت عيوني مصدومه وونعكد لساني كوه طلعت مني الكلمات
ش شلو شلون ليش ليش مات
اشش لاتبجين الله ماكاتبه النه مو بكيفج
ضليت ابجي فتره طويله واسر كاعد وصافن وخالتي
يمي تهدء بيه وتحجي وياي تريدني اسكت
دك مبايل اسر جاوب من كلامه عرفت نيفين
انطانيا
هاي رهف تريدج
مسحت دموعي
احم احم...ها يروحي
رهف: ماما وينج
هسه اجي
اريدج تعاي يمي
اي يروحي هسه اجيج
مابيج دم
مديت ايدي بالمبايل لاسر ورجعت ابجي
اجه ياسر وبيده ورقه الخروج
طلعنه للبيت تلكتني رهف تباوع عليه
شلته وكعدنه بالصاله
اجت خالتي بيده عصير اني ماشتهي بس جبرتني اكل
سناء: يله يمه اذا وكعتي بتج منو اله يله شربي لو تشوفين وجهج ماتعرفين روحج
جبرت نفسي وشربته
صعدت لفوك بدلت ومددت اجه اسر وبيده العلاج
اسر: زينه
هزيت راسي اي
دخل يسبح....اجت رهف
رهف: ماما ليش ما اخذتني وياج
وين اخذج يروحي جنت عد الدكتوره
لا تروحين وتعوفيني
شعندي غيرج اني
ندك الباب كامت رهف تركض فتحته
رهف: اجه جدووووو
من سمعته عدلت كعدتي بسرعه عمي مايصعد لفوك بس بالحلات الطارئه
دخل عمي
محمد: الحمدالله عالسلامه بويه
الله يسلمك عمي
يله اهم شي انتي مابيج شي الله يعوضكم
شكرا
اسر وين
يسبح
كعد عالتخم ورهف بحضنه يحجون انكليزي اكو كلمات صعبه على رهف كوه تلفظ تضل تعاند وماتلفضه كدام الغريب
وعمي يعلم بيه تلفظهن
طلع اسر وكعدو يسولفون اجت خالتي
بيده العشه حطته كبالي
سناء: يمه تتعشى هنا
اسر: اي يمه
نزل عمي وخالتي
وكعدنه ناكل واسر ورهف يتعاركون
رهف: مو طيب
اسر: غير هاي بيتزا وانتي تحبيه شتريدين بعد
مااا اريد عصير
بابا الناس تتعشى مو تشرب عصير يله لو تاكلين لو دكومين امج مريضه خطيه لاتعبينه
يارا: اسويلج شي ثاني
لا كلشي لاتسوين طلعت عينه رهوف تريدله ضبه
رهف بطمت شفايفه وكامت فتحت الايباد وكعدت
خل تولي كملي اكل
كملنه وخابرت ميلان سولفتله شصار
ميلان: يا حبيبتي وهسه شلونج
احسن...بس مقهوره ليش بالهسرعه مات
ما صارله اسبوع
اريد اموت صار سنتين انتضره ليش يروح مني
يصير عندج غيره لاتهتمين...انتي مريضه مايصير تحملين على نفسج هسه يوكف كلبج
الصبح كعدت على صوت رهف تصرخ
كمت بسرعه
.
.
.
انتضروني بالبارت الجاي💖💖