الضابط و المهندسه

البارت التاسع والعشرين

حط رهف بحضنه ويسولفون ويضحكون واني اباوعلهم منتضره يمتى تخلص السالفه
وجان ينام اسر ورهف ويعوفوني
واني صار ساعه انتضر يمتى تنام حتى احجي
صدك جذب امدا حضي
اكعد اسر
لا مايقبل واحد يخرب نومته يموتني
فزيت الصبح على صياح اسر كعدت مخروعه
جانت الساعه ب6 ونص بعد وكت كل مره يكعد ب7
اسر: كوووومي بسرررررعه حضرررري ملابسسس الدوااام
شبيك
كوووومي بسسسرعه
كمت حضرت ملابسه وساعته وهو يلبس والمبايل ما وكع من ايده
اني ابد ما حجيت نزلت حضرت الريوك
محد كاعد
نزل يلبس بساعته ويضم بغراضه بجيوبه
وكفت قريب عليه وسألته
تتريك؟
لااا
طلع وسد الباب وكفت اباوعله من شباك الصاله المطل عالكراج
حجه ويه واحد من الحراس وحرك سيارته
غير افتهم شبي
والله موطبيعي
كعدت خالتي سألتي عن اسر
طلع من الصبح مستعجل
سناء: خو ماكو شي
والله كلشي ما افتهمت لبس وطلع حتى بدون ريوك
انشالله ماكو شي..تعاي تريكي
لا لا ما اريد
رجعت كملت نومتي
مادري شكد نمت حسيت على رهف تكرص بخدودي
وتصيح مامي مامي
همممم
جوعانه
اي هسه
رجعت غمضت شويه وسمعته فتحت الباب تريد تطلع
كمت بسرعه اخاف تنزل وحده وتوكع
رهف اوووكفي
انزل يم جدوو
هسه اني انزلج
غيرت ملابسي ونزلنه كعدت يم عمي
بيه طبع من تكعد يم عمي تضل تحجي انكليزي
ودكله انتى ما تعرف تحجي مثلي
رهف: Prior to me breakfast
(احضري لي الفطور)
دخلت للمطبخ لكيت نيفين توكل اطفاله
شلونهم الحلوين فدووووه شلون ياكلون
نيفين: شكد جنت فرحانه من عرفت حامل بتؤم ونسيت احسب احساب للتربيه والتعب شايفه هذا الليل اليمر عالناس
ههه اي شايفته
والله ولا انام الليل كله تنام دانه يكعد دريد ينام دريد تكعد دانه وياسر لو تنفجر عبوه ناسفه بالغرفه هم مايحس
هههه الله يساعدج يله يكبرون وتنسين
شو احسهم مايكبرون
لا كبرانين بس انتي ماتحسين لان دوم كبال عينج هسه اني ما اشوفم لان دوم بالدوام لو بغرفتي الاحظ عليهم التغيير...يكولولن يكبرون ويكبر همهم
اي والله كلامج صح
طلعت البيض من الثلاجه...لو تشوفين رهوف شمسويه بحالي تدلال دلال ما صاير اسر دلاله من اول يوم وكبرت وهاي النتيجه
يعني اني هسه ما ادلل جهال
دلليهم بس مو اطلعين عينهم خليهم يكعدون وحدهم مو اله انتي وياههم
يجيج الثاني وتشوفين التعب شلونه
ابتسمت...انشالله جاي بالطريق
عليج الله يعني حامل
اي
يا عيني والله فرحتلج
حطيت الحليب والعسل بالصينيه
يله اروح اوديله الريوك
طلعت للصاله لكيته كاعده بحضن عمي وفاتحه الايباد
وتشرحله بالانكليزي عن رسماته الخارقه للطبيعه
يله ماما هذا ريوكج
رهف: (wait for me)
انتضريني
حطيته وكعدت انتضره
محمد: يله جدو تريكي ونكمل
رهف: OK
شلون تعوج حلكه عود انثى كعدت يمي واني اوكله بايدي والآيباد بحضنه
يروحي لايوكع عليه
انتي ماعليج
كملت وشلت الصينيه حضرت الغده
كلت اتصل على اسر اشوفه
دكيت مجاوب دكيت مره ثانيه رد
اسر: ها يارا
هله حبيبي شلونك
هله...اكو شي
لا بس ردت اسئلك تجي لو تتاخر
لا اتاخر ما ارجع
اوك براحتك
كبل سده مبين عنده شغل
من امس اريد اكله عالحمل وماكدر
شنو هاي والله ضجت
للضهر وره الغده اجه صعد يبدل واني حضرتله الغده
كلهم نايمن لان ضهر
من دخل لسه كلشي ما حجه
كعدنه اني وياه
اريد احجي وياك
اسر: لاتحجين لمن اكمل غده
يحجي ولا يباوعلي مدنك عالاكل
صدك لو كالو عند البطون تعمى العيون
تره طلعت بدون ريوك ولسه بدون اكل غير العصير الشربته
بالعافيه حبيبي اكل انتضرك شعندي يعني ماكو شي مهم
اتغديتي
لا ما اشتهي
ليش
ماريد...ليش طلعت الصبح مستعجل
ضل ساكت ماحجه لحد ماكمل غده جاوبني
خابروني وطلعت من وكت اشكال الشكاوي والمصايب
وجاي شكوه على ضباط واني من ضمنهم
يااا ليش شعليك
سوء تفاهم وانحل
زين ليش
سوالف بالشغل ماعليج
يله اسكت اني هم مو زين عليه القهر
شنو ياثر على كلبج
حطيت ايدي على بطني مبتسمه
لا ياثر على الي ابطني
باوعلي وعقد حواجبه
ليش شنو الي ابطنج
جزعني من امس اريد احجي وما اناطني مجال مالكيت روحي غير منفجره بي
شبيييك اسر شنووو شنو الي ابطنج يعني مثلا شكوو ابطني غيير ابنك
هو متعود عليه مرات اصيح هيج بس ما يكول لان يعرف مو قصدي ارفع صوتي عليه بس هالمره مللني
ابني ابطنج يعني حامل
اي حااامل اووف من امس اريد اكلك وماتفرغ روحك دقيقه حتى احاجيك
درت وجهي عود زعلانه
والله ياروحي شوفت عينج شغل ومالحك هسه انتي عليمن اصيح وسمعتج كلتي اووف هاي عليه..يله لان فرحتني بالحمل راح اسكت عنه
حجيت بدلع وحطيت شعري وره اذني
يعني كلبك ينطيك تزعلني واني حامل
دصعدي كدامي وهسه اجي وراج
لا عيني ماكدر اريد انام
شلت الصينيه حطيته بالمطبخ وصعدت للغرفه
رهف نايمه واسر امدد عالسرير
فتحلي ايده كعدت يمه وراسي على صدره
هالمره ديبالج على نفسج مو اتعبين ولاسامح الله يصير بي شي
والله اداري نفسي واكعد واسكت يعني موبيدي
بتحذير: اذا صااار عليه شي اذبحج
واني شعليه
اني كتلج بعد وقد اعذر من انذر
يااا لعد انطيكيا انتى شيله ابطنك اني ليش اموت
شنووو ولج
والله لعد شسوي بيدي واكتله بس الخبله تكتل ابنه اني ميته عليه اريد يجي اليوم كبل باجر
المهم ادرين بالج على نفسج وللشركه ماكو لمن يثبت الحمل
لا ماكدر عندي شغل
انعل ابو الشغل يزن موجود شنو زغيرون
والله مطفي كلشي ماكو مخلصه سفرات...ذاك اليوم رزلته
اني موكلت ماتحجين وياه
اي شغل مو حجي خطير
والله اني ما عندي ثقه بي ابد
بس هو يخاف منك
شلون؟
يتجنبك كلش مرات من تجي تاخذني حتى سلام مايسلم
عليك يروح بغير طريق
شعليه بي عوفينه منه...منو يدري بيج حامل
بس نيفين
ورهف
هههه ماتدري بس تعرف ما تقبل
عود تغار
اطباعه مو حلوه
تكبر وتتعلم
مر اسبوعين على حملي
واهل اسر كلهم عرفو ورهف صارت عصبيه
دكول ماريد اخو ياخذ العابي وبعد ما ادللوني
جنت نايمه بليل كعدت على الم قوي ابطني
لزمت بطني
اسر ورهف نايمين
ضليت عشر دقايق اكول يجوز الم عادي يروح
حسيت على شي بين رجليه فتحت اليبلام ووخرت الغطا وجان اشوف الدم ترس الفرشه
اجه كلبي يوكف من الخوف
حاجيت اسر بس اسر وين مايدري بروحه تعبان وبسابع نومه
مدريت ايدي حركت جتفه
اسسر كوم اسر
اسر: ها
اااخ اسررر اكعد شبيك
شتريدين ولج شكو
ابني راح يموت
كعدت على حيلي
هو وينه حتى يموت
انتبهت عالدم عالفرشه
شنوو هاي يارا ليش تنزفين
شمدررريني اااخ
اوكفي اروح اكعد امي
طلعت لغرفة امي دكيت الباب ماكو دكيت من جديد
طلعت امي
سناء: خير يمه
يمه يارا تنزف تعاي وياي اخذه للمستشفى
دخيلك ربي شجاهه
يله يممممه
اي هسه البس واجيك
رجعت للغرفه لكيت بمكانه وتون من الالم طلعت جبته وحجابه مدري شلون لبسته بسرعه وشلته للسياره
لاكتني مرت ياسر
ام دريد ديريبالج خاف رهف تكعد
نيفين: صار...شنو يصير عفيه طموني
انشالله
يارا: اجت خالتي ويانه وطلعنه للمستشفى والالم يزيد ما يخف اسر الطريق كله يغلط ويستغفر ويضرب عالستيرن
دخلنه للطوارئ وفحصتني الدكتوره وكالت الجنت خايفه منه واتمنى مايصير
الدكتور: للاسف الطفل مات
طول ماجان الالم بجسمي ما بجيت
بس من سمعت كلامه انهاريت
صرت ابجي وما احس على نفسي
شلون دخلوني للعميات
ويمتى صارت العمليه
كله ما حسيت بي
كل بالي جان يم البطني
ليش مايريد الدنيا
ليش اول ايام ويروح
اني اريده اريد احطه بحضني
ليييش
صحيت من النوم جانت الدنيا الصبح وامي وميلان ورهف يمي
جانو يحجون وياي ويسئلوني بس ابد ما جاوبت احد
تلمست بطني ودموعي نزلت
ميلان طلعت وماما تهدء بيه ورهف كاعده عالكرسي تباوع وخايفه
دخل اسر ضايج كلش وعيونه حمر كعد يمي
حضني ويمسح دموعي
اسر: بس يارا كافي الله ما كاتبه النه لاتعترضين
ليش يموت شكد صار انتضره ليش مااكدر افرح بي
هذا ثاني واحد يموت ليييش
اشش كافي
ضليت ابجي وهو يسكت بيه
كلش تعبت
واتاذيت
اجت الدكتوره ورهف كاعده بحضني من شافتني ابجي هيه هم بجت
الدكتوره: عندج هاي الاميره الحلوه وادوين اطفال
جانت تحجي وتبتسم لرهف
اجت ميلان اخذت رهف ومني والدكتوره حجت
شوفي حبيبتي هذا ثاني طفل يموت وهذا أثر على رحمج يعني حفاظا على صحتج لازم خلال هاي الفتره ماتحبلين و تستمرين بمراجعه دكتورتج حتى اتابع وضعج وكلما جان استجابتج للعلاج اسرع تكدرين تحبلين خلال وقت قصير بس هاي السنه ما تكدرين لان
اجهضتي مرتين وهذا تعبج كولش
كلام الدكتوره زاد ألاامي
بس مابيدي شي
جنت محافضه على نفسي
وماسوي اي شي ياثر عليه
بس راح مني بكل سهوله
رجعت للبيت وسكنت غرفتي ابد ما طلعت منه ولا اكل
فوك قهري كلام الدكتوره زاد عليه ما نقص
يعني هسه ماكدر احمل لفتره ما معروفه
دخل اسر راجع من الدوام وشيل رهف حطه يمي باوعلي
ودخل يسبح
حجه وياي وحاول يطلعني من وضعي
بس اني ماكدرت اتجاوز الصدمه
رهف وكفت اباب الحمام وتسولف وياه وهو يجاوبه
طلع ينشف بشعره ورهف تشرحله عن احلامه الورديه
اريد قصر واريد بدله مال اميرات واريد واريد
اسر: ومحمد لو باقي بالمركز اشرفلي اي بابا صار اجيبلج بس كافي
رهف: واريد دبدوب بي قلب وردي
اي كافي
واريد م..
وووولج كاااافي
ماما صيحي بي
يارا: تعاي حبيبتي اني اجيبلج
اجت نيفين جابت غده اسر
رهف: دندن وين
دندن لقب دانه
نيفين: نايمه من تكعد العبي وياه
OK
راحت نيفين واسر تغده ونام هو ورهف واني اخذت اللابتوب نزلت كعدت بالحديقه الوره كبال المسبح
جانت كله حشيش اخضر ورد ملون
كعدت اخطط وارسم تصاميم وخرايط
احاول اهرب من تفكيري
باي طريقه
اريد انسى
بس صعبه ماكدر
لليل عزمنه ياسر على حلويات كعدنه بالحديقه
اسر: الناس تعرزم بمطاعم باماكن ترفهيه انتى عازمنه بحديقة البيت
ياسر: تتذكر وين جنت تعزمني
هاي كبل
كبل من جان ابوي يعاقبنه ويحرمنه من اليوميه جان يعزمني على عصير اباب البيت يعني اكو مكان ارقى من بابا البيت
غير معاقب وين اخذك
الله يرحم ايامي جنت اعزمك ويه جماعتي من نطلع بس انتى بخيل
اني بخيل
بثقه: اي
باع واثق من كلامه ولك منو انطاك فلوس حتى تشتري السياره لا تخليني امسح بيك الكاع
يمعود مو هيج الحجي مو كاعدين وين الجماعه
همه يحجون واني ونيفين نضحك على ياسر شلون يمدح باسر
خلي اسولفلكم عن مغامرات اسر كبل
يارا: اي بله سولف اني كلما اسئله يتهرب ويغير الموضوع
سوالف ترفع الراس ليش مايسولفلج
ماعرف والله كولي انتى
من جنه بالمدرسه بالمتوسطه جان اسر يوميه ساحل واحد من الطلاب يعني عركات ماتنوصف
رهف: بابا يضربهم بوكس
بوكسات مو بوكس واحد اسر جان كلش شاطر بالعربي
وجانت درجاته اعلى شي بالصف وجان المدرس كلش يحبه مره اخذ درجه قليله مدري شنو جان بوكته و ماكدر يدرس المهم اجه واحد من عصابات المدرسه وحجه ويه اسر وضحك عليه لان ماخذ درجه قليله
وجان يكوم اسر ويطير الولد بوكس وودك جلاليق وراشدياات جان كلش عصبي ويجون المدرسين والطلاب يفاككوهم
رهف شهكت...ياااا
اي ابوج جان حامي بسرعه ينفجر اخذوهم للمدير وطلب ولي امرهم ورجعنه للبيت اني كلت لابوي عالعركه
مال اسر ابوي ماكال شي ولا حجه ويه اسر ثاني يوم راح ويانه للمدير وحجو وفصلو الولد لان متجاوز على اسر...ابوج جانو يحلفون براسه
يارا: واسر هم كتل الولد ليش مافصلو
اسر: هسه اكتشفت انتي شكد تكرهيني...ليييش يفصلوووني لان ضربته غير تجاوز عليه
وانتى هم ماقصرت وياه
ياسر: يمعودددين كاعد نسووولف شبيكم
اي كمل
اي وهاي كل فتره هيج عركه وابوي على كل عركه عقوبه واسر يتخبل كلشي ولا واحد يحط عليه صوج
كون دوم الحق وياه
اي والله بهاي صدكت
اسر ضل يباوعلي صفح رهف كامت كعدت بحضن اسر
رهف: بابا عندك عضلات
اسر: اي
اريد مثلهن حتى اتعارك وياك
انتي بنيه مايصير
اريد مثلك
اسر جان لابس تشيرت ربع ردن وعضله زنده واضحه ورهف تحجي وتعصر بزنده
اي باجر اشتريلج مثلهن
هسه
ماكو هسه معزلين
ياسر: شنو هاي جديد وين اكو واحد يبيع عضلات
اسر خزر ياسر وحجه من بين سنونه
اسسسكت يمعود اكوو يبيعون
اذا خوش ماركه كلي حتى اشتري
اي تفيدك
رهف: بابا اريد مثلك
اشتعل ابوج...تعاي
لزم وجهه وعض خدوده وهيه تضحك
يارا: اسسسر لااااا خطيييه
نيفين: باع شلون تضحك ولاجن يعضه
التفتت لنيفين...من جانت بالكماط هو يعضعض بخدوده...رجعت باوعتلهم...ياااا اسسر تتحسس من لحيتك
اسر: ماعليج اني وبتي
_______________________________
الصبح الساعه ب 10 اليوم عطلة اسر يتاخر يله يكعد
حضرتله الريوك
واجه يتريك ورهف نايمه بالكاع على بطنه ورافعه رجليه تحرك بيهن وفارشه الاوراق والاقلام والاوان وترسم
اسر: رهووف مو يوميه الصبح تبوسيني شنو اليوم ماكو بوسه
رهف: لارد
رهف....ولج رهف
ياسر: عوووفه مندمجه باوع ترسم بيت ورد
رهوووف
يارا: ندسته حتى تحس...حبيبتي بابا يحاجيج
رفعت راسه تباوع لاسر
اسر: شبيج بابا شو فاقده عالرسم
رهف: رسمت بيت
اي عفيه
باوعتلي وحجت...كومي سويلي حليب وكاكاو
يارا: خلص الكاكاو
ماااااا اريد هسه اريييييد
اسر: اني اطلع واشتريلج
ماااا ماااا
بابا صيري عاقله شوفي دانه بت عمج شلون حبابه وساكته
جانت دانه كاعد تلعب كامت رهف يمه تلعب
ياسر طلع ونيفين يم حالتي بالمطبخ وعمي بالعياده
ضليت اباوع على رهف
شلون تحب الطفال
وتلعب ويه دانه ودريد
خايفه انحرم من الأطفال بعد
كلش خايفه
حسيت على اسر مدد وحط راسه بحضني و صفن بوجهي ومبتسم
ابتسمت...شبيك
بله ماشتاقيتيلي
تقربت بست خده
لا
جذاابه
مد ايده وخر حجابي عن شعري جمت رافعه شعري بقراصه
بله فتحي شعرج
فتحت شعري
اااخ يابه والله اني رجال محروم هسه من اتزوج هم واحد يلومني
شنوووو تتزوج
لا حبيبتي اني كاعد اضرب مثال
عبااالي
تعاي انطيني بوسه
لا عيب كاعدين بالصاله
استغفر الله
لليل اسر ذبحني كلساع تعاي انطيني بوسه
دخلت للغرفه لبست فستان قصير بدون ردن وسرحت شعري وكفت احط مكياج
اجت رهف
رهف: حطيلي مثلج
تؤ كعدي
اخذت المكياج وكامت تلطخ بكيفنه
راحت كعدت واني كملت طفيت الضوه وحطيته بحضني اريد انيمه
اريد ماي
اخذت الكلاص جان عالميز كعدت تريد تشرب واتذكرت الحمره
اخاف اشرب ماي وتخرب الحمره
لا ماتخرب شربي
اخاف
تجلطني هاي البنيه اخذت كلنكس ومسحت شفايفه وشربت ماي ورجعت بحضني اقصص قصص وهيه تعلق
دخل اسر
رهف: وخري اريد انام بحضن بابا
اسر: ابقي بمكانج هسه اجي
راح بدل واجه كعد يمنه باوعلي وغمز
مدد ورهف بحضنه
يارا: شنو عيني بسلا مثل ذاك اليوم تعوفني وتاخذك النومه ويه بتك
تعاي
حطيت راسي على صدره ورهف من الجهه الثاني
رهف بضجر: مااا وخري بس اني
اسر: اشش يله نامي ما عليج بماما
ضلت تسولف لاسر انجازته خلال اليوم لل12 يله نامت
كمت حطيت رهف بسريره
ورجعت يم اسر
اسر: رهف تغار منج
واني هم اغار منه
هااا
والله انتى يوميه تنيمه بحضنك وتجي دكلي محروم
غير انتى عايفني
اني اكدر استغني عنج
.
.
.
الصبح كعدت لدوام اسر بس بعدني نعسانه
سبحت وبدلت وكعدت اسر حضرتله الحمام وملابسه  نزلت حضرت الريوك
كعد يتريك واني كباله اغفي
اسر: هههه رجعي نامي
اي
يله اليوم هم انعيد احداث امس
ههه
طلع وسديت الباب وراه دخلت لغرفتي وجان اشوف
عززاااا شنو هاي
.
.
.
يتبع💞💞

🌟🌟