الضابط و المهندسه

البارت السادس عشر

واكفين اني وميلان نصور دخل مراد و يزن
يارا بهمس: اني صاعده ابدل
ميلان: هسه اجي وراج
صعدت لغرفة ميلان قبل لا ادخل للغرفه حسيت احد وراي التفتت شفته يزن سحبني من ايدي وكفني بالممر مال الغرف
يزن: طالعه حلوه
يارا: انتى غبي وخرررر شنو تباوع عليه ماتستحييي
ادفع بي مايوخر
بس اسمعيني
شسممع وخرررر
ليش ماتقبلين ونتزوج
هذا الكلام خلص وكته خلي يفيدك...عوفني
بس أني احبج
اي يله وخر
ليش ماتحسين بيه
يزززن انتى متزوج تعرف شنو يعني اني حرام عليك ميصير تباوعلي انساني شنو ماكو بس يارا بالدنيا
انتي تعرفين اني نجبرت على ريان
والله محد كلك روح سوي اشياء حرام وتجي تتمسكن براسي
سمعت صوت حذاء اكيد هاي ميلان
بسرعه دخلت للغرفه اخذت ملابسي ودخلت للحمام
هذا يمتى يفوت حالي
طلعت ساعدت ميلان بالبدله
نزلت لكيتهم يسولفون
غمار: يله الدور الك
مراد: قصدك اني لو ابوي
ههه لا انتى ابوك متزوج ثنين شنو يريد بعد
يارا: مو بكيفه شنو يتزوج على امي
مراد: لا بابا الشرع حلل اربعه
يااا هاي امك شلون تقبل ابوك يتزوج عليه
وانتى خويه مو تبقى على ميلان
مروان: اسكت يمعود لاتسمعك وتطلب الطلاك واحنه ماصارلنه ساعه من عقدنه
شنو ولك بسلا تخاف منه
لا بس لان بعده عروس اخاف منه بس ورا الزواج يتغير كلشي
يارا: نزل يزن سويت نفسي ماشفته
رجعنه للبيت
تعبانه كبل سبحت ونمت
_______________________________
اسر: رجعت الضهر للبيت لكيت سلام وامه
السلام عليكم
الكل: وعليكم السلام
منال: شلونك
خير انشالله
لا كل خير بس احنه اجينه علمود فلوس المهر مال اخوك سلام
يعني بعدك مصر على نفس البت
سلام: اي
انتى عقلك واكف اكلك اهله مو خوش ناس
اني عاجبتني
اني كتلك بعد ماعليه والفلوس باجر اسحبهن وادزهن الك
هاي هيه بكيفك
عمي باسم يدري
اي انطيته علم
شويه وراحو
صعدت بدلت وصليت ونزلت لكيت امي محضرتلي الغده
وابوي كاعد
ياسر وين
سناء: راح يحجز حتى يرجع لروسيا
شو ماكال
يكول مستعجل لان السنه راح تبدي وهمه مرحله اخيره
اكول يمه
كولي
شوف ابن عمك اصغر منك وخطب وراح يتزوج انتى يمتى
انشالله ورا
يعني اكو وحده عاجبتك
لا
لعد شلون
محمد: انتى تضل هيج مسرب
لا يابه شنو مسرب تره ازعل
اخوك كال بس ارجع اخطب واني كلت ازوجكم سوه
منا لوكته كون انتى هم محضر روحك واذا ضليت ترفض اخلي امك تخطبلك بكيفه
شنو هيه تايه تخطبلي بكيفه اني اريد بنيه على مرامي
شنو هيه سياره وتجي على مرامك تره ماكو انسان كامل
الكمال لله
نشوف
ثاني يوم الصبح رحت للدوام
خلصت تحقيقي ودك عليه العميد رحتله
نعم سيدي
العميد: تفضل
كعدت...كول
المهمه الجايه عليك وسالم وياك تاجر مخدرات
استغفر الله تدري اكثر المهمات هيج كله تجار مخدرات
يوميه يلكفون بالسيطرات اشكال بس هذا التجار متمكن
ويشتغل بهواي شغلات بعد
حاضر
اريد كلشي يصير محد يدري بي ولا حتى من الضباط الهنا بالمركز انتى وسالم تكفون وتوفون اعرف هاي الفتره ضغطت عليك هواي بس انتى ضباط وتعرف شغلك بعد
انشالله
خلصت و رحت سحبت الفلوس من حساب عمي عامر
ورحت لصبا
فتحت الباب ودخلت
صباااااا
صبا: اسر انتى يمتى اجيت
هستوني دخلت
وليش ماخابرتني
شنو استاذن منج
لا بس متعوده تتصل بيه يله تجي...شنو هاي الجنطه البيدك
روحي جيبيلي ماي
كعدت بالغرفه حطيت الفلوس عالميز
تفضل
شربت الماي
بعد مرور ساعه
دك مبايلي عدلت كعدتي..شفته سلام
الو
سلام: شلونك
بخير
سحبت الفلوس
اي المغرب اطلعلي لراس الشارع انطيكياهن
خوش
سديته
دخيل ربك شكد تلح
صبا: منو هذا حبيبي
ابن عمي
شو احسك ماعندك احساس
شنو اني مو بشر
لا بس ابد ماتحجي وياي كلام حلو او تمدحني حتى لو مجامله
اني ابوي ما اجامله اجاملج انتي
ليش ماتعلن زواجنه رسمي
صبااا تره تلحين هوااي واني ماعندي خلك لهاي السوالف
شنوو تعلن زواجنه رسمي احنه زواجنه متعه فتره وينتهي
يعني شنو الناقصني حتى ما اصير شريكة حياتك
شو وخري عني
اخذت الجنطه وطلعت
خابرت سلام طلعلي
هاي الفلوس
سلام: تعبتك...تفضل وياي
لا تعبان واريد ارجع للبيت
براحتك
رجعت لكيتهم كاعدين يتعشون غسلت وكعدت
محمد: شو ما اجيت اليوم
اي صار عندي شغل هواي بالمركز وبعدين رحت للبنك سحبت الفلوس وهسه يله كملت
ياسر بهمس: شو اني مامصدكك
يطبك مرض الصدكت والماصدكت
شو انتى ماتحترم غير اني اكبر منك
نسيت
بله بربك كلي وين جنت
ولك لااا تلح
_______________________________
يارا: ورا اسبوع بابا عزم بيت عمي عالغده
ماما حضرت كلشي واني ساعدته شويه
صعدت لغرفتي ابدل
دخلت ميلان
ميلان: هلاااو
هله بمرت اخوي
شتسوين
اريد ابدل بس محتاره كون اطلع احلى من ذبان
ذبان منو؟
مرت اخوج
هههههههه والله مافكرت بهذا القلب الحلو
شلبس
هذا الابيض حلو
خوش
لبست بنطرون اسود وقميص ابيض